DANYEL 12:1 - Boy Lonana

¹ Hu li namma mul ma ŋgol ma vi suu sunda vi Lona, Michel, hin col kolo yara, nam sa ma ka coli eg goryoŋ suu maŋsinana, li namma hin li ni li ma yoo tara, dla ndaɗta hin a lira ka bay li kay yam mbassa dew tuwa ta ta hu li namma. Hu li namma suu maŋsina hin suɗ kiyo, gegelay ma sem ka ɓiiri kaŋga hu magaarana.

DANYEL 12:1 ပူးပေါင်းရင်းမြစ်များ

SOOLLA 56:8

Kay dla coosi ndaɗta na ni asi hin suɗ ki su? Lona, u yaaŋga ba suu asina kiyo.

SOOLLA 69:28

Ŋgaasi dlaasira cora ni kasiya, hinisi a sa suɗ ki fokoŋgi.

EZAYI 4:3

Hu li namma sa ma hin hu Siyonna u ma hin hu Yerusalemma hin yasi ni ana suu teteɗna. Ni kay suu sesi ɓiiri a lak iiri hu Yerusalemma halaŋ.

EZAYI 9:7

Bu Suuna kaɓakŋa kay njaf suu vi Yakobma, ɓak namma ndi ni kay suu Israelna.

JEREMI 30:10

Aŋ saan ma sunda, Yakob, li ndaaɗi. Di na ni Yawe. Hin tok a asi kak ki Israel. An hin buɗuk ay ki hu mbassa dayra, njafak lay hu ndaŋgara agi ay ki ŋgayra huruɗta. Yakob hoŋ aya, nam fi saɓakŋa wa, nam ki kaki na en, sa mbuɗum ndaa ka oloɗi.

JEREMI 30:7

Ni dla co me ɗaŋge? Gasi buu namma ŋgol cocoo, buu ma tli tam u nam kaɗi. Ni buu ma hahawra kay Yakob. Na may nam hin buɗ kiyo.

EZEKIYEL 13:9

An hin tak saɓakan ki eg suu jok vun Lona suu kaboyna u suu wi wira mbaɗ vun tara. Asi ka hin li duk tokka vi suu mansinaɗi, sesi ka ɓii hu magaara vi suu Israelnaɗi lay, ka cuk kay ndaŋgara vi suu Israelnaɗi lay. Agi hin wi ki ana an ni Bu Suuna, Yawe.

EZEKIYEL 34:24

An, Yawe, hinni a Loosina. Saan ma sunda David hinni a mul masina may. Di boy namma ni an Yawe daŋ may.

EZEKIYEL 5:9

An lagi egegi ni dlara an laɗ ka dew tuɗira. An ka hin a li dla ndaɗta na oloɗi lay. An li ni kay dla coogira agi laɗta.

DANYEL 10:13

Mul ma kay mulla Persera li yara u an buuna dok mba' yam dew ɗaŋŋi Michel duk muli suu fokŋa mbay njununu, an hin hin kakira eg muli suu Persena.

DANYEL 10:21

An hin daŋ dla mayra kaŋga ɓiiri hu magaara gasira. Sa ma col fokon a njun kay suu asina kaɗi, ni mul magina Michel dew.

DANYEL 11:45

Nam hin pi mbutluɓ mamma mulla duk ɦoŋ lum ma ŋgolona u ɦini mayra teteɗ jivi ɦayra. Buurum hin daɓ hu li namma bay sa mbay a njunumu.»

DANYEL 7:10

Mbo kura ɓaɗ sel ay ki fokomu. Suuna buɓ buɓ bulumi li sunda fokomu, suuna buɓ buɓ doogo coli fokomu. Sa kaɓakŋa kak kaŋga mal hu magaara kiyo.

DANYEL 9:12

Lona li ki ni dlara nam ɓakaɗ ki kamira, kay suu ti mulla kamina, hoŋomi dla cora ŋgolla ay kamiya, dla ndaɗta ka bay li hu li ma daŋ kay yam mbassa ko ndaɗ li hu Yerusalemba na tuwa.

JOEL 2:2

Ni buu ma ndufunda hin kuluɓ kay suuna, ni buu ma ɗugulla hin tin ay warra na ilik ilikŋa. Ko ndal ŋgarpira na tuɗ cuk kolo kay ɦinira, suuna bolowo, saɓak coco lay, ko ndal suu asina day day ni sa wasi ka dewɗira na, ko ndal ana ŋgorosi dagan wanni suu daŋ hin ka li oloɗira na, ta ta tew ha ki hu bassara vi njaf suu ay day dayna lay.

MALASI 3:16

Suu li ndaana u Yawena vi vunusi ko wanda na. Nam Yawe hin tin humum kasi hin humusi may. Hin ɓii magaara ŋgolla fokom kay suu li ndaa Yawe ŋgaam sem lay na.

MATIYE 24:21

Hu buu namma suuna hin wi hawra, hahaw ndaɗta bay li hu duliyara dew tuwa. Hin ha fok lay ni, hahaw ndaɗta ka li na oloɗi lay.

MARK 13:19

Hu buu namma suuna hin wihawra cocoo. Wihaw ndaɗta ura tin ayra lay ni sa ka bay wihawra na tuwa. Wihawra ko ndaɗta na ka mba dagan oloɗi lay.

Boy Ma Ayra Ma LUK Ɓiirimma 10:20

Lagi ayra kay fulina hum ugiraɗi. Furiyugi ni kay segi ma ɓiiri kolo huulona na ɗow.»

ROMMA 11:15

Hu li ma asi ay ki keŋŋa suu duk ndaŋgarana halaŋ duk hoŋosi taɓ u Lona, asi hin hoŋ ay wa ni hin lini nana ologe? Hin lini ana suu ay ki miɗina mbuɗ iiriya.

ROMMA 11:26

Ni dla mayra suu Israelna halaŋ hin mba fi suɗtara, kay magaara di ana, «Sa ma hin buɗ suuna kina hin mbay ni hu Siyon nam hin yow dla cora kay suu hu njafna vi Yakobma ki halaŋ.

EFESNA 1:21

Hu li namma ni Kristu kak ki a ŋgolla kay ŋgolla halaŋ, saɓakŋa u eŋga halaŋŋi komu, kak ki kay suuna u semma ka yina yina halaŋ, ka kay suu hu duliyarana tani holɗi, ni kay duliyara hin mbay fokka lay.

FILIPINA 4:3

Aŋ ndaran goo ma ɗegeena an joɓoŋu aŋ njun usiya, asi taɓ u an kay duurumi a mbee Boy ma Ayra ki ni asiya, u Klement u ndarayan gor suu sunda, ni asi suu sesi ɓiiri hu magaara iirira.

Magaara JUD Ɓiiriɗta 1:9

Ni Misel ma ŋgol suu sunda huulona li ka naɗi lay. Hu li ma nam ciwayra ko tam u Satanna kay maɗ Moizza ni nam di va ma co ka eg Satannaɗi, hin dam ɦawa ana, «Ko Bu Suuna hin gaɗaŋu.»

WIRA ŊGAYRA 1:5

U minda vi Yesu Kristu sa ma ɗegee ma di kina, goo ma vuɗ jewna, sa ma col ay ki kolo iiri hu miɗna jewna, mulna vi muli suu kay ndaŋgarana lay. Nam miniygiya, buɗuygi ay ki hu cora u miɗ mamma.

WIRA ŊGAYRA 12:7

Duuna col ay kolo huulona, Misel, sa sunda huulona, u suu mam suu sunda huulona duu tasi u dragoŋŋa. Dragoŋŋa u suu mam suu duuna duurusi may.

WIRA ŊGAYRA 13:8

Suu kay ndaŋgara halaŋ lay cenemmi namu, ni suu ay u gijaŋŋa vi ndaŋgara day sesi ay ka ɓiiri hu magaara vi iiriraɗina, ni magaara vi Goo Timii ma cam kina.

WIRA ŊGAYRA 17:14

Asi hin duu Goo Timiina nam hin su kasiya, kay nammi Bu Suuna vi Bu Suuna, mulna vi mulina, nam hin su kasi u suu mamsina, ni suu mam suu ɗegee suu yasi ay manasi kina.»

WIRA ŊGAYRA 20:12

Ŋgoo dagani an wi suu miɗina, suu ŋgolona u kemba lay coli kolo u sesi fok dlamba mulla. Magaara huruɗ ki mali fok sa ma kaki kay dlamba mullana, magaa hiŋga ki mali olo ndaɗta ni magaara vi iirira. Suu miɗina kasi ɓakŋa kasi ni u dlara asi laɗta, ni u ɓii mayra ay ɓiiri hu magaara.

WIRA ŊGAYRA 20:15

Sa ma sem ay ka ɓiiri hu magaara vi iiriraɗina, gam ki duk mbo lum ma kura.

WIRA ŊGAYRA 3:5

Suu col eŋ su kay ndaŋgarana hin cuk tasi ni baraw haɓma ko ndaɗta na. An ka bulumusi sesi ki hu magaara vi iiriraɗi. An hin di ki kasi fok bun u suu sun mamsina ana asi ni suu mansina.

WIRA ŊGAYRA 7:14

An hoŋom dira ana, «Aŋ wasi ni aŋgi su, Bu Suuna manna.» Nam dan ɗaŋŋi ana, «Ni suu cuk ay ki hu lassa ŋgolona. Asi mbus baraw masira ŋgolla kiyo, ndaɗ mbus ki haɓpa ni u busuna vi Goo Timiina.