DANYEL 11:36 - Boy Lonana

³⁶ «Mulna hin li ni dlara u hurumba, hin ŋga tam coco lay, hin gol tam ŋgol suu loogi suu ɦawana lay, su Lo ma vi loogi suu ɦawana na lay, nam hin di boy ma ɦal saara maŋ suunana. Dlaamba hin li kom jivira ta ta hu buu ma yara hin daɓ kina, kay ana va ma Lona ŋgaamma hin li kiyo.

DANYEL 11:36 ပူးပေါင်းရင်းမြစ်များ

2 TESALONIKŊA 2:4

Nam hin duu u tlesuu suuna goɓ kaŋga fokosina u tlesuu suuna golosi ko lona nana halaŋ, nam kal hu Ziŋ Lonara, mbuɗ tam ki a Lona lay.

DANYEL 8:19

Nam hin di olo ana, «An hin takaŋ dla mayra hin mbay u yarara, kay ana buu ma daɓpa ay ki ŋgaya.

GA 8ATAMBARA 10:17

Kay Yawe Loogina ni Lo ma kolo kay loogi suu daŋŋa belna. Nammi Bu Suuna vi somi suuna halaŋ. Lo ma ŋgolna, ma Saɓakŋa Kom Belna, ma dlam cona, ma ka keŋ li ma dew ɦawaɗina, ma ka mbuɗɗina. Gal. 2.6; Efes. 6.9

DANYEL 11:16

Sa ma hin mbay a duurusina hin li ni dlara u hurumba, sa ka col fokom dewɗi, nam hin col ha ki hu mbassa jivi ɦayra u cira nam ci suu nam fasi fokomma.

DANYEL 2:47

Mulna ɓak Danyel di ana, «Gasi Loogina ni Lona vi loogi suu ɦawana, Bu Suuna vi mulina, sa ma tak u dlara mbuɗ mbuɗta kina, kay ana aŋ ndak buɗun u dlara mbuɗ mbuɗ ndaɗta kiyo.»

EZAYI 14:13

Aŋŋi sa ma di ana, «An hin ɗiŋ kolo huulona, an hin tin dlam manda mulla ay kolo kay gi ciciwra vi Lonara. An hin kak ki kolo kay ɦinira vi suu vi Lonna. Ay ii mbayaw mayna do ay dona.

WIRA ŊGAYRA 10:7

Falira sa sunda huulona ma kiɗisiyana hin bu difnara ŋgayra vi Lonara hin daɓmi hu buu namma. Ko nam di suu sunda suu jokom vunumma na.

EZAYI 10:25

Kay kak na njok, juɓ na ewni hurun ma ɓeŋina hin heɓ egegiya, yaanda hin hoŋŋi kasi may.»

SOOLLA 136:2

Geleɗegi Lo ma kay looginana kay ɗegee mamba ka ni na gak gak.

WIRA ŊGAYRA 17:17

Lona ɦasi saa mamba hurusi a dlaɓ vunusi dew a li minda vi Lona a ɦal ŋgolla mulla maŋ vabakŋa, gak gak Boy Lonana li ki tuwa.

WIRA ŊGAYRA 17:3

Musuk Lonara mba kanu, sa sunda huulona tuɗun ki ŋgoo bagiya. An gol irinu ni wi cara kaki kay vabakŋa tam tlawi tam ki ŋgufira na cutl u sem ma ŋgul Lona, vabak namma yam kiɗisiya, mekem doogo.

WIRA ŊGAYRA 12:14

Cara fi garaŋ bakŋa egeɗ mba' a pii gak gak tew hu li ma ŋgoo bagina, hu li namma ndaɗ ti hu gak gak basara hindi u nus, guyna ka faɗɗi.

SUNDA 4:28

Asi li dlara aŋ u saɓak maŋŋa u min maŋga saa ki kaɗ jew a laɗta ki wa.

Boy Ma Ayra Ma JAŊ Ɓiirimma 6:38

An mbay tani ni a li minda vi sa sunun ayna, ka min mandaɗi.

Boy Ma Ayra Ma JAŊ Ɓiirimma 5:30

«An ndak ka a li va kay tanɗi. An kaɓakŋa ni u va ma bun danana, kaɓak manna ni u voɗomu, kayme an ka hal a li dlara kay tandaɗi, an li ni dlara sa sunun ayna miniɗta.

DANYEL 12:7

An hum del sa ma baraw dlemba cuki egem coli kay yona hu lummana, nam tli kom ma njufna kolo huulona u kom ma gulna, ɓak u sem sa ma ka iiri a fafaɗtana ana, «Dla ndaɗta hin li ii coki dew, coki mba', ɓorow cokira ki duk may, hu li ma saɓak suu teteɗna hin daɓ kina. Halaŋŋi, tle asina hin daɓ ki may.»

DANYEL 11:3

Mul ma saɓak cocona hin mba hu mulla Gressa olo, nam hin ti kay suuna ni u min mamba.

DANYEL 8:4

An wi gamlana waɗ ko ma fiɗigina, waɗ ko ma mbayawna, waɗ ko ma dalina, mbuu ka col fokom dewɗi lay, sa ka buɗ ki ko saɓakambi. Nam li ni u min mamba, wul lay.

DANYEL 7:8

An golom mekem ki jivi na ta ta, gola ni duk ɦoŋ mekem wanni mekka goora coliya, mekka jewra hindi paɗ ki fokoɗu. Kay mek ndaɗta ɗaŋŋi iira ka huwa, ko ii sana na, vunuɗ ɓak boy ma mbuɗ mbuɗta may.

EZAYI 46:10

Ay hu gijaŋŋa day ni an di dlara, an min a laɗta ay kiyo. An di dla mayra hin a lira, ta bay sa waɗ tura ay ki jewe. An di ana gola dlaanda hin li ni na, ndaɗ hin li ki may. Dlara an miniɗta halaŋ an laɗu.

EZAYI 26:20

Agi suu mansina cukugi vo hu ziigiya, dugugi vun zina ha kagi jak. Ŋgayagi tagiya, ta ta hin yara vi Bu Suunara jak ki tuwa.

VUN ŊGOLNA 19:21

Dlara suuna min a laɗta hurusi oy bolow cocoo, may minda vi Yawe col ay wa ni hin li ni na tuwa.

SOOLLA 33:10

Yawe, bulum dlara vi njaf suu warna kiyo, dlara suuna saa gin a laɗta nam bulumuɗ kiyo.

JOSUWE 22:22

«Lona, Lona, Yawe, Lona, Lona, Yawe, ni sa ŋgolna, nam wi dlara ami laɗ wandara ki halaŋ halaŋ. Agi tagira lay ni hin wi dla ndaɗta kiyo, lini ami li gasi ni dlara duu u agiya, lini ami li ni dlara co eg Yawe ni ka nam hin njun kamiɗi.

2 TESALONIKŊA 2:3

Hin tagi a sa ganagi yagiɗi. Kay buu namma ka mba ki jew bay sa ma cona tak tam ki jew duu ma daɓ dagannaɗi. Ɓakŋa ay ki kaay kam paŋ.

2 TESALONIKŊA 2:8

Hu li namma Sa ma Cona kal ay ki wanni Bu Suuna Yesu hin cam ki u musuk ma funumma lay, bulumum ki u bibiŋil mamba nam mbara.

WIRA ŊGAYRA 13:1

Ŋgoo dagani an wi vabak maa dew kal ay ki duk mbo lumma ŋgolna, yam kiɗisiya, mekem doogo, jumba mulla tini kay mekem dew dew halaŋ, sem ma ŋgul Lona ɓiiri kay yamba kiɗisiyara.

EZEKIYEL 35:13

Agi ŋga tagi u anu, u boy co magi ma agi damma, agi di dlara panna egen cocoo. An hum boy namma ni u hum tanda.

DANYEL 5:19

Ni u ŋgolla nam ɦambara, njaf suuna halaŋ, njafna u dee vunna halaŋ dlak u ndaana fokomu. Nam ci gegelay u min mamba, hin gegelay iiri u min mamba, nam tli yam gegelay kolo u min mamba, hoŋ yam gegelay kaŋga u min mamba.

DANYEL 5:20

May hu li ma hurum zal coco lay, saaram ŋgel kiyo, mbuɗ ki co lay ni, nam ndi ki kaŋga hu mul mamba, asi hin tlam saɓak mamma kiyo.

DANYEL 11:37

Nam hin ka ŋga loogi suu vi somoyomma oloɗi, nam hin ka ŋga lo ma boyogina goɓommaɗi lay, ka ŋga ful maa na dewɗi lay, kay nam hin gol tam ŋgolla su tlena halaŋ.

EZAYI 10:5

Hahawra kay suu Asirina, tokolo manda yara, tokolora koŋ ndaɗta ni hurum ma ɓeŋŋa.

EZAYI 10:23

Na daŋ may Bu Suuna Yawe, ma Saɓakŋa Kom Belna, hin kaɓakŋa ki kay yam mbassa halaŋ ko nam dira na.

EZAYI 14:14

An hin kak ay ki kolo kay ɗugulla. An hin ki ni a ma ay Kolo Dayna.»

EZAYI 30:33

Zulla kura hura ki vegi ni day day. Ndaɗ vegi ni kay mulna lay. Ay kaŋga hu day mba ki kolo funu, ni asi nja guna hu a gam kura. Musuk ma cuk ay ki fun Yawena hin gi kura hu zul ndaɗta ni namu.

EZAYI 57:9

A tuɗ eg mul ŋgolna ni agi saɗ mbulna ki segiya, li mbul ma his jivina ki egegi may. Agi cuk suu magi suu vun sunda ha ki hu mbassa dayra, hoŋ yagi ki ga u suuna ta ta mbuɗ tagi ki goriyo.

EZEKIYEL 28:2

«Goŋ sanna, aŋ tuɗ di mul ma Tirna ana Bu Suuna, Yawe, ɓak ay ana, Kayra aŋ ŋga taŋ coco ana, Anni Lona, aŋ kak kay dlamba mulla kay daara duk mbo lum ŋgolna. Doliɗi ni aŋŋi sa warna ɦawaa ka lonɗi. Ni kayra aŋ gol taŋŋi ko loogina nara.

ZAKARI 11:16

Gola an ka tli sa taa yoona ay hu mbassa wanda, timiira ba kira nam hin ka caa yam kaɗɗi mayra viɗ kira nam hin ka halaɗ ay oloɗi, mayra dakka nam hin ka ciliɗ kiɗi, mayra garaŋga nam hin ka laɗ uɗɗi lay. Nam hin kom suu ɗoorina kiyo, kususi gayasi ki lay.»