DANYEL 11:35 - Boy Lonana

³⁵ Suu neey suu dukusina ɦiw asi hin casi kiyo, maɗ masina hin li ni a ɓivun ma mbuɗusi ki jivi teteɗna, mbuɗusi ki haɓpa ta ta hu buu ma daɓpa, kay nam hin tew ki ni buurum tuwa.

DANYEL 11:35 ပူးပေါင်းရင်းမြစ်များ

ZAKARI 13:9

Suu hin asina an tukusi u kura. An hin yoorosi ki ko suuna yoo doonora na, an hin yoorosi ki ko suuna yoo lorra na. Asi hin yan sen may, an hin humusi may. An hin di ana, «Ni suu mansina.» Asi hin di ana, «Loonna ni Yawe.»

WIRA ŊGAYRA 7:14

An hoŋom dira ana, «Aŋ wasi ni aŋgi su, Bu Suuna manna.» Nam dan ɗaŋŋi ana, «Ni suu cuk ay ki hu lassa ŋgolona. Asi mbus baraw masira ŋgolla kiyo, ndaɗ mbus ki haɓpa ni u busuna vi Goo Timiina.

WIRA ŊGAYRA 2:10

Li ndaa ko wihawra aŋ tuɗ fatɗaɗi, aŋ huma Satan hin tukugiya, yow suuna ŋgolo cukusi hu daŋgayna, agi hin wagi hawra buuna doogo, kak ɗili na gak gak hu miɗna, an hin ɦaŋ jumba mulla vi iirira.

VUN ŊGOLNA 17:3

Zul mayra veg doonora kaa. Caf mayra yoo lorra ka may, may Yawe dew ni sa ma gol huu suuna.

Magaara JAK Ɓiiriɗta 1:2

Gorsenna, njaf ndemba fagi zeɗ zeɗta agi ŋgaɓaɗ ni ko furira na ɗow.

DANYEL 11:40

«Hu li ma daɓpa wanni, mul ma dalina hin duu u namu, mul ma mbayawna hin sulul ha kam u pupus mamma, u suu mam suu duuna u kulumina u lumba ŋgolora bolow coco lay, nam hin tli mbassa, jak ta ta keŋ hiŋŋa.

DANYEL 8:10

Ndaɗ wul ta ta tew kolo eg suu sunda huulona. Ndaɗ cuk suu sunda suu ɦiw ay ki kaŋgaa, ciciwra ndaɗ tayaɗ ki kaŋga u seɗ may.

GA 8ATAMBARA 8:16

Ay ŋgoo bagi hu fulla nam ɦagi manna a tira, ni fu ma somoyogi lay wam kaɗina. Nam li na ni a gagi ki hawra a tukugi ni kay a agi hin fi jivira ha fokka.

WIRA ŊGAYRA 17:17

Lona ɦasi saa mamba hurusi a dlaɓ vunusi dew a li minda vi Lona a ɦal ŋgolla mulla maŋ vabakŋa, gak gak Boy Lonana li ki tuwa.

WIRA ŊGAYRA 14:15

Sa sunda huulona ma daŋŋa kal ay ki hu zira ŋgolla sawalla u delem kolo eŋga maŋ sa ma kaki kay ɗugullana ana, «Gijaŋ zira u maragam maŋga kay buu ma zira ndak wa, ndaŋgara ne wa.»

Boy Ma Ayra Ma JAŊ Ɓiirimma 20:25

Suu haɗi suu hiŋŋa dam ana, «Ami wi Bu Suuna!» Tomas hoŋosi dira ana, «Lini an wi huɗuk mbil ma komma, tin kon ka huɗi ni, u ma payamma, tin kon ka huɗi lay ni, an ka tin hurun kambi.»

Boy Ma Ayra Ma JAŊ Ɓiirimma 15:2

Koma egen ka vuɗɗi na, nam kaam kiyo. Nam carak kom ma hiŋŋa ki lay a nam dla gorgora vuɗ vuɗta jivira may.

MATIYE 26:56

Dla ndaɗta mba kan na ni, a faɗ ki ni vun boy ma suu jok vun Lona ɓiirim ay hu magaarana.» Suu haɗina hinim tani njay liŋŋa halaŋ gaw.

MATIYE 16:17

Yesu hoŋ dam ana, «Heɓpa ka kaŋu, Simon goŋ Jaŋŋa, boy ma aŋ damma fam ay ka vi sa warnaɗi, fam ay ni ko Bun ma kolo huulona.

DANYEL 12:4

Aŋ, Danyel, may ɗaŋŋi ŋgay boy namma huruŋu, li um ta ta hu daɓpa. Suuna bolowo hin ndum boy namma, saa masira hin wul fok may.

DANYEL 11:33

Suu may suu neey dukusina hin haɗ suuna bolow cocoo, may asi hin casi ki u ŋgewegina, ŋgalasi kiyo, hin cuk suu ɦiw daŋgayna, ɦurumusi tlegeyesi ii buu ca lay.

DANYEL 11:29

«Lina ndak may ni nam hoŋ ay duu u mul ma dalina may ka ni daɓ maɗta gaw ko ura tin ayra naɗi.

DANYEL 11:27

Muli suu mbana hurusi oyra u sulukŋa, ɓakŋi dlara kaboyna sak sak hu liisi ma tina, may dla ndaɗta ka ndak ii vaɗi, kay ana daɓpa vi dlara hin daɓ ki ni hu buu ma ŋgaam namma.

DANYEL 9:27

Nam hin vi banara u suuna bolowo u eŋga ii cokira dew, duk coki ndaɗta, nam hin doo suuna a li ɓivunna, sa ma ɓeŋ lina hin mbaya, dla ndaɗta hin li na gakgak hu buu ma daɓpa vi sa ma ɓeŋ lina.»

DANYEL 8:19

Nam hin di olo ana, «An hin takaŋ dla mayra hin mbay u yarara, kay ana buu ma daɓpa ay ki ŋgaya.

DANYEL 8:17

Nam ɦuɗ tam ay eg li ma an ka coli huna na tok, hu li ma nam tuɗ ay egen na an mbuɗ ki ndaana puk kaŋga u vun dikinu. Nam dan ana, «Hum haa goŋ sanana, tlena tak ki ni kay li ma daɓ daganna.»

2 DLAŊ MULINARA 32:31

Kay ndaɗta suu ŋgolo suu ay hu Babilonna sunum suu vun sunda ay hu mbas mamba a hum u dlara li vo varam wandara. Lona hinim nam li dlaamba u tamba ni a tukummi tukiya a wam daŋ may mamba kira may.

SUNDA 13:13

Pol u ndarayam suu umma ay hu Pafos tuɗ Perg ta Pamfilira. Ni Jaŋ Mark hinisi ha hu tani hoŋ Yerusalem.

HABAKUK 2:3

kay ana ni dlara tak taɗ ki kay faɗ vun dlara. Ndaɗ tew ki hu liiɗ wa, ndaɗ ka kaboyɗi, lini yaɗ ka vi aya ni juɓuɗu, ndaɗ hin mba gasi daŋ may, ka kaboyɗi.

EZAYI 27:9

Cora vi goryoŋ Yakobma hin bulum ki ni ko ndaɗta na may. Ni vuɗ dlara hin tak ki ana coosira bulum kiwara. Asi hin to ɦini mayra asi njaraɗ a givin ma togolla kiyo, to li ma ŋgal mbul ma hisna ki lay. Sa ka wi tle asina u irim oloɗi.

DANYEL 12:3

Suu may suu neeyna tasi hin weleɗ ko huulona na, asi suu mbuɗ suuna ki jivi bolow coco ko ndal ciciwra na a fafaɗtana.