DANYEL 11:33 - Boy Lonana

³³ Suu may suu neey dukusina hin haɗ suuna bolow cocoo, may asi hin casi ki u ŋgewegina, ŋgalasi kiyo, hin cuk suu ɦiw daŋgayna, ɦurumusi tlegeyesi ii buu ca lay.

DANYEL 11:33 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 16:2

Asi hin dikigi ki hu Zira Tokka lay. Ni buu maa hin mbaa, suu cagi kina hin saa ana asi li ni sunda vi Lonara hu dla ndaɗta.

MATIYE 24:9

«Suuna hin vagi lasagiya, cagi maɗna may. Suuna halaŋ hin noyogi ki kay senu.

MALASI 2:7

A gasira ni sa li ɓivunna ni sa wi dlara, suuna hum boy ma gaɗ tasina ni funumu, kay ana nammi sa vun sunda vi Yawe ma Saɓakŋa Kom Belna.

WIRA ŊGAYRA 17:6

An wi ca ndaɗta ki guruɗira u busu suu may suu vi Lonna ni busu suu may suu asi casi kay ɗegee masira u Yesuna. An waɗ na ni u boyna viɗ ki irin na viɗ.

HEBRENA 11:34

asi ci kura ŋgal cocora kiyo, suɗ tasi ki ko cira suuna a casi ki u ŋgew ŋgolnara ki lay. Asi li maŋiya mbuɗ saɓaki, mbuɗ saɓak hu duuna, su kay suu masi suu babali suu daŋŋa.

DANYEL 12:10

Suuna bolowo hin mbuɗ ki jiviya, hin mbuɗ ki haɓpa. Suu cona hin li ni dlaasira cora, sana dew lay hin ka wi u boy nammaɗi, suu neeyna hin hum u boy namma ni asiya.

WIRA ŊGAYRA 7:14

An hoŋom dira ana, «Aŋ wasi ni aŋgi su, Bu Suuna manna.» Nam dan ɗaŋŋi ana, «Ni suu cuk ay ki hu lassa ŋgolona. Asi mbus baraw masira ŋgolla kiyo, ndaɗ mbus ki haɓpa ni u busuna vi Goo Timiina.

WIRA ŊGAYRA 6:9

Goo Timiina haw vun tampoŋ ma vadlna ki hawni, an gol irin hu givin ma togolla na ni wi iirira vi suu asi casi ki kay asi di Boy Lonana kiyo, kay dira asi di ki kamba.

WIRA ŊGAYRA 2:13

An wi li ma aŋ buu huna, ni hu li ma Satan kaki kay dlam mamba mulla huna. Aŋ huruŋ tini kan eŋe, huruŋ ma tini kanna aŋ bay hinim ki tuwa. Fali mayra Antipas sa ma diki kan gasina, asi cam varagira lay, ni li ma Satan kaki huna.

WIRA ŊGAYRA 1:9

Ni an wayagina Jaŋ ma taɓi u Yesuna, an min taɓ u agi hu wihawra may. U juɓpa juɓ Mul Lonara u lalamba lay, an ay kay daara yaɗ ana Patmossa kay an di Boy Lonana u gasira Yesu takaɗ kira.

2 TIMOTE 4:6

Lini anu ni faɗan ndak wa an min a ɦal tan ki a ɓivunna, buurun ma miɗna ndak wa.

2 TIMOTE 1:12

Kay ndaɗta an vi wihawra kanu, an li zolo kay boy nammaɗi kay an wi sa ma an tin hurun kamma, an wi ki gasi ana nam ndaki a golon gak gak buu ma nam ŋgaamma, kay va ma nam ɦanna konna.

1 KORINTNA 4:9

An gol wani Lona cukumi ami suu vovoɗ mamba ni daganda dodora, ami ni ko suu ɓakŋa vasi a casi ki fok suuna halaŋga na, suu hu duliyara halaŋ u suu sunda huulona lay ami ni kosiya.

SUNDA 14:21

Pol u Barnabas di Boy ma Ayra hu ɦoŋzi ma ŋgolna Derbe, hu li namma asi fi suu haɗina ŋgolo. Ŋgoo dagan ni asi hoŋ Listra tuɗ Ikonium u Antiok ta Pisidira.

SUNDA 11:26

Nam fam ay fini, mbay u nam Antiok. Asi u dlasira jakka li basara duk suu asina, haɗ suuna cocoo. Asi gijaŋ yi suu haɗina ay jew ana suu vi Kristuna ay ni hu Antiok.

MATIYE 28:20

Haɗasi a asi vi vun gaɗta an gaɗagirara halaŋ may. Wi kagi ana, an ka u agi gak gak ndaŋgara tuɗ daɓ ki u ndaɗta.»

MATIYE 20:23

Yesu ana, «Na daŋ may. Agi hin wihawra ko an na. A kak kay bikin ma njufna u ma gulna ni, ŋgaɓ ndaɗta ka kon anɗi. Li namma ni maŋ suu Bun minisina masina.»

MATIYE 13:11

Nam hoŋ dasi ana, «Agi ni suu Lona gagi u boy mamma ŋgay kay Mulla huulonara ki na, gam ka ki maŋ suu hiŋŋa koɗi.

MATIYE 10:21

«Hu li namma sana ɦal wayamma ki fun maɗna lay, bu goona hin ɦal goromma ki na lay. Kemba hin hoŋ irisi eg somoyosi a casi ki lay.