DANYEL 11:24 - Boy Lonana

²⁴ U heɓpa nam hin mba hu li ma mbii cocona, nam hin li dlara somoyom laɗ kaɗira lay, dlara buyum ŋgolona laɗ kaɗira lay, nam hin ɓorow tlesuu asi ɦurumusina ki maŋ suu mamsina u tlesuu sunda. Nam hin min tam a duu u mbassa ŋgolora li buu ca.

DANYEL 11:24 ပူးပေါင်းရင်းမြစ်များ

MATIYE 9:4

Yesu wasi boy ma hurusina na ni, dasi ana, «Agi saa hurugi cora na ni kaymege?

DANYEL 7:25

Nam hin ɓak boyna kay Lo ma Kolo Dayna, hin las suu teteɗna vi Lo ma Kolo Dayna, nam hin saa a mbuɗ buu tilna u gaɗta kiyo, hin hinim suu sunda kom ii coki dew, coki mba, ɓorow cokira duk lay.

EZEKIYEL 38:10

«Bu Suuna, Yawe, di ana, hu li ma buu namma ndak wa ni saara cora zeɗ zeɗta hin cuk huruŋu. Aŋ hin gijaŋŋa saa ni dla cora.

VUN ŊGOLNA 23:7

Kay saa mamba hurumba tini ni kay tamba gaw. Nam daŋ ana, «Tiya, ciya» na may hurum ka dlaɓi u aŋ dewɗi.

VUN ŊGOLNA 19:6

Suu saa vunusi vi mulnana bolow cocoo. Sa ma ɦal tlena suuna cocona suuna halaŋŋi banayamma.

VUN ŊGOLNA 17:8

Sa ma ɦal tlena suuna ɦawana gol ɦal mamba ni ko kumuna na. Nam saa ana nam tuɗ ni aragelay ni hin fi jivira huwa.

NEHEMI 9:25

Asi tli ɦoŋzi ma saɓakŋa ɦayna u ndaŋgara mbii cocora kiyo. Asi yow zigini suu tlesuu jivina hurusina ki zeɗ zeɗ bel, goloŋga asi gaɗta, sene gugutlura, ŋgusu conora, ŋgusugi suu vuɗta bolow coco may. Asi tiya hoɓ kiyo, asi ɗoo ki kak u furira ni u jivi maŋga ŋgolla.

SUU KAƁAKŊA 9:4

Asi ɦam gursura dok-kiɗisiya ni gursura ay hu ziŋ loosina Baal-Beritta. U gursu ndaɗta ni Abimelek yow suu poy kolo ɦawana kay ceremu, warakasi u ndaɗu.

NDUMBA 13:20

Agi wi lay ana mbas ndaɗta li jiv tlena kala, ka jiv vaɗi kala, gugunina hu kala, ka huɗi kala, lagi jiviya, yowogi vuɗ tlesuu hu mbas ndaɗta ay kogiya.» Ni hu til ma duɗ gugutlu ma ne ki fok jewna kina may.

EZEKIYEL 34:14

An hin taarasi kay haɗ ma jivi cocona, liisi ma lakka hin li ni kay ɦini mayra kolo day hu mbassa vi suu Israelna. Hu li namma asi hin buu ni hu li ma jivina, taa hu li ma haɗ ma vi mbulna cocona, kay ɦinira vi suu Israelna.

DANYEL 11:23

Jivira kay vi vun ma vam u namma, nam hin njaɗ ni dlara ganyamba, nam duura, hin tli lina u suu ewna.