DANYEL 10:19 - Boy Lonana

¹⁹ Nam hin dan olo ana, «Li ndaaɗi, sa ma Lona ŋgaɓam kina. Ko heɓpa li u aŋu. Aŋ li saɓaki. Aŋ li saɓaki.» Hu li ma nam ɓakan nana an fi saɓakŋa hin di ana, «Ko Malanna ɓakka na, kay aŋ ɦan saɓakŋa wa.»

DANYEL 10:19 ပူးပေါင်းရင်းမြစ်များ

EZAYI 35:4

Dagi suu ɓik vun digisina ana, Lakagi saɓaki, laki ndaaɗi, gologiya, Loogina mba wa. Sa sugulna mba ni namu. Ni warak ma col ay vi Lonna Nam u tamba suɗugi kiyo.

JOSUWE 1:9

An daŋ ana col eŋŋe, so huruŋu, ni ka an daŋ mayɗi su? Dlak ndaaɗi, ɓik vun dikiŋgi lay. Kay Yawe, Looŋŋa, ka u aŋ hu li ma aŋ hin a tuɗ huna halaŋ.»

SUU KAƁAKŊA 6:23

Yawe dam ana, «Heɓpa li u aŋu, li ndaaɗi, aŋ ka miɗ ɗi.»

DANYEL 9:23

Hu gijaŋ yoo taaŋga wanni boy maa ndi ki duk dew, an mbay ni a daŋ boy namma, kay aŋŋi sa ma Lona ŋgaɓam ay ki jewna. Hum u boyna jiviya, ko yal ma wi u dlara li kaŋu.

WIRA ŊGAYRA 1:17

An wam wi ni ndi kaŋga fokom ko miɗira na. Nam tin kom ma njufna kan dan ana, «Li ndaaɗi, an ni ura tin ay jewra u daɓpa daganda lay.

2 KORINTNA 12:9

Nam hoŋon dira ana, «Oo manda ndakaŋu u tlesuu aŋ minisina halaŋ saɓak manna tak ki hu maŋira.» Hu li ma an ka maŋina an hurun min a ŋga tan u maŋi manda kay saɓak ma vi Kristuna mba njun kanu.

Boy Ma Ayra Ma JAŊ Ɓiirimma 14:27

«Heɓpa an hin hinigira kara, ni heɓ manda, an hin hinigira ha ni ndaɗu. An ka ɦagira ko suu hu duliyarana ɦaɗta naɗi. Ɓigigi vundikigiɗi, lagi ndaaɗi.

2 TIMOTE 2:1

Aŋ, goronu, so taŋ u boyna vi oora ta aygi faɗ hu taɓpa u Kristu Yesu dewra.

Boy Ma Ayra Ma JAŊ Ɓiirimma 19:26

Yesu wi sum u sa haɗi ma nam minimma coli egeɗ may. Nam di sum ana, «Cara, gola ni goroku!»

Boy Ma Ayra Ma JAŊ Ɓiirimma 21:20

Piyer pereɗ irim na ni wi sa haɗi ma Yesu minimma tuɗ ay ŋgorosi dagani. Ni sa ma gis tam eg Yesu hu li ma asi ti funa dam ana, «Sa ma hin gusuŋ kina ni gege?»

Boy Ma Ayra Ma JAŊ Ɓiirimma 11:36

Suu Juifna di ɗaŋŋi ana, «Agi gola, nam minim cocoo.»

Boy Ma Ayra Ma JAŊ Ɓiirimma 11:5

Yesu min Marte u wayaɗta ni ko Lazar na lay.

Boy Ma Ayra Ma JAŊ Ɓiirimma 11:3

Mari u wayaɗta gi sunda ha eg Yesu tuɗ dam ana, «Bu Suuna, banaŋŋa tam tamu.»

1 KORINTNA 16:13

Lakagi neeya, kak eŋ hu vira, lagi ɦiŋi, lakagi saɓaki.

Magaara Vi Sa Jok Vun Lona AGE 2:4

Cecem wanda Yawe di ana Zorobabel so uŋ kiyo, so uŋ kiyo Josuwe, goŋ Yossadakŋa, mul ŋgol ma li ɓivunna, soogi ugi kiyo agi suu hu mbassa hiŋga halaŋ. Yawe di ana lagi sunda, kay an ka u agiya. Yawe, ma saɓakŋa kom belna, di na.

Boy Ma Ayra Ma JAŊ Ɓiirimma 16:33

An dagi na ni kay duk ɦoŋogi li heɓpa u anu. Agi hin wi hawra duk suuna. Na may, vagi hurugi eŋe, an su kay duliyara.»

ZAKARI 8:9

Yawe, ma Saɓakŋa Kom Belna, ɓak ana, Soogi ugiya, agi suu hum boy ma suu jok vun Lona damma. Hu buu ma hin gi u zira vi Yawe kaŋga a hoŋoɗ mindana.

DANYEL 10:18

Na ɗaŋŋi sa ma tli tam ko sana nana tin kom egen olo, hin ɦan saɓakŋa.

EZAYI 41:14

Yawe di ana, li ndaaɗi njaf Yakob, agi suu suuna tayagi ki ga ko njufulna nana, an min njunugiya. Sa ma suɗugi ay kina ni ma Teteɗ ma vi suu Israelna.

EZAYI 41:10

Li ndaaɗi kay an ka u aŋu, gol golla ndaanaɗi, kay anni Looŋŋa. An mbuɗuŋ saɓaki na daŋ may an njunuŋu. An njunuŋ u bikin ma njufna ma ɗegeena.

SOOLLA 138:3

Buu ma an yaŋu, aŋ humunna, aŋ dliɗin saɓak manna koloo.

EFESNA 6:10

Kay ndaɗta soogi tagi hu taɓ magira u Bu Suuna hu saɓak mamma ŋgolna.

ZAKARI 8:13

Ko ndaɗta na, agi li ni suu wi hawra ay duk suunana zi ma Yudana, zi ma Israelna, na may an hin suɗugi kiyo, agi hin fagi paɗvunna. Lagi ndaanaɗi, soogi ugiya.