DANYEL 10:16 - Boy Lonana

¹⁶ Gola wanni sana tli tam ko goŋ sanana na tin kom kay vununu. An mal vunun ki, gijaŋ ɓakŋa. An di sa ma coli fokonna ana, «Malanna, kay dlara tak taɗ irin wanda an mbuɗ ki ndaana wa, saɓakan ka oloɗi.

DANYEL 10:16 ပူးပေါင်းရင်းမြစ်များ

DANYEL 8:15

Doli ɗaŋŋi an, Danyel, ka gol irin duk tlesuu an ka wasina, ka hal a humusi usi ki may ni, vana mba col fokon ko sana na.

EZAYI 6:7

Nam ŋgenen vunun u kura di ana, «Hu li ma ku ndaɗta ŋgeneŋ vunuŋ na gawni, dla cooŋga daɓ ki wa. Suluk maŋŋa bulum ki wa.»

JEREMI 1:9

Yawe maɗ kom maɗni, laman vununu. Yawe hin dan ana, «Ko ndaɗta na an hiniŋ boy manna funuŋ wa.

DANYEL 8:27

Na ɗaŋŋi an Danyel mbuɗ ki maŋiya, an mbuɗ tuguɗiira buuna bolowo. Olo an col kolo gijaŋ sunda vi mulnara. An mbuɗ ki ndaana ko tlesuu an wasina, sa dew lay ka wi u tle asinaɗi.

DANYEL 8:17

Nam ɦuɗ tam ay eg li ma an ka coli huna na tok, hu li ma nam tuɗ ay egen na an mbuɗ ki ndaana puk kaŋga u vun dikinu. Nam dan ana, «Hum haa goŋ sanana, tlena tak ki ni kay li ma daɓ daganna.»

DANYEL 7:28

Boyna daɓ mi tani. An Danyel may ni saaran mbuɗ yoo cocoo, tliw tan mbuɗ ki boliya, an vi boy namma hurun na gak gak.

DANYEL 7:15

Ŋgusun an Danyel mbuɗ yoo taɗ coco hurun kurufuu. Saara kay tlesuu an wasina tan tan lay.

WIRA ŊGAYRA 1:13

Duk ɦoŋosi wanni vana coli ko sa warna na, nam cuk baraw ŋgolna egemu, tew ki kaŋga kay semu, ɗikŋa njuni kayam u lor.

Boy Ma Ayra Ma JAŊ Ɓiirimma 20:28

Tomas hoŋom dira ana, «Bu Suuna, Lo manna!»

Boy Ma Ayra Ma LUK Ɓiirimma 21:15

An tanda hin ɦagi nera u boy ma agi damma, babali magisina ka a ci way funugiɗi.

Boy Ma Ayra Ma LUK Ɓiirimma 1:64

Asi gola ni Zakari vunum mal ki gaw. Nam gijaŋ ɓakŋa, geleɗ Lona u delem kolo eŋe.

DANYEL 12:8

An hum boy namma may ka wam umbi, an hin joɓ ana, «Malanna, tle asina hin daɓmi ana mege?»

DANYEL 9:21

An ɓak tu hu cenda may ni Gabriel sa ma an wam ay jew hu dlara tak taɗ irinda ay piira na zak zakŋi ɦuɗ tam ay egen hu lerra ma li ɓivun ma fiɗigina.

EZEKIYEL 33:22

Njeŋge ndaɗta bay sa namma mbay egen tu may ni ko Yawe ay tini kanu, nam hin mba ni maɗii ndaɗta tu may. Bu Suuna malan vunun ka kiyo. An mbuɗ ɓak ki jiviya, vunun ka ɓak mbodlo oloɗi.

EZEKIYEL 3:27

Na may lini an hin daŋu ni, an hin malaŋ funuŋ kiyo, aŋ hin dasi ana gola Bu Suuna Yawe di ay na, sa ma min a humma, hum may, ma ka min a humbina, humbi may, kay asi ni suu gonokka.

EZEKIYEL 1:26

Kolo kay huulona ma kuluɓi kasi namma olo ni, vana hu ko ndal ɦini mayra yaɗ ana safirra na, tini ko ndal dlamba mulla na, kolo hu dlam ndaɗta ni vana kaki huruɗ ko ndal sa warna na may, kolo kasi halaŋ.

DI BOLLA 1:18

Kay ana aŋ wi yal dlara ki wa ŋgol cocoo ni, lassa u dlara yoora mba kaŋŋi ŋgol coco may. Sa ma zul u wiimba ŋgol cocona, zul kammi wihawra ŋgol coco may.

SUU KAƁAKŊA 13:8

Manoa hin cen Lona di ana, «Lo ma oora, Yawe, sa sunda vi Lona ma aŋ sunum ay egemina hoŋ ay hu dew, nam mbay haɗami dlara gogoo namma hin vuɗ wa ni ami hin lamba egemba.»

SUU KAƁAKŊA 6:15

Gedeon hoŋ dam ana, «Bu Suuna manna heɓ huruŋ egenu, an ndak a suɗ suu Israelna ki ni ana mege? Deeren duk suu vi Manasena ni na ew daŋ. Hu ziŋ bunna anni ma goo dukusina.»

SUU KAƁAKŊA 6:13

Gedeon hin dam ana, «Bu suu manna heɓ huruŋ egenu, lini Yawe ka u amiya ni dlara lami cocora ko wandara na ni kay mege? Dlara mbuɗ mbuɗta somoyomi cuɗumira coco wanda hin li ni nanage? Ana Yawe cukumi ay ki hu Egipte ni namu ni ka gasi ɗi su? Cemi ni Yawe hinimi ki hu duk ko suu Madiyanna na walaɗ ni nanage?»

JOSUWE 5:14

Sana hoŋom dira ana, «Ҥawaa, anni sa ma ŋgol asgaa suu vi Yawena. An mba ni mbaay tuwa.» Josuwe cuk kaŋga fokom u vun gifimu goɓ vogom kaŋga fokomu hin di ana, «Bu Suuna manna a di ne me maŋ saam ma sunda nige?»

KALKIRA 4:13

Moiz hin dam ana, «Ҥawaa, Bu Suuna, sun gegelay ma huruŋ minimma.»

KALKIRA 4:10

Moiz di Yawe ana, «An ceneŋu, Bu Suuna, an vunun ka njaɗ jiviɗi, kaa lay, ay kaa hiŋga lay, ay hu li ma aŋ ka ɓak saaŋ ma sunda na ni an vunun can neke, sinin nek coco lay.»

DANYEL 4:19

ni aŋ, mulna. Kay ana aŋ mbuɗ ki ŋgolla, saɓak lay, ŋgol maŋga wul ta ta tew kolo huulona, mul maŋga ta ta tew keŋ ndaŋgara ma daɓ ayna.

DANYEL 8:18

Hu li ma nam ɓakan na ni an puk kaŋga u vun dikin ki cii liŋrira. Nam ŋgenenu hin colon kolo hu li ma an li ay huna.