DANYEL 10:12 - Boy Lonana

¹² Nam dan ana, «Li ndaanaɗi, Danyel, kay ay hu buu ma jewna hu li ma aŋ fi yal ma hum u tlena a gi yaŋ kaŋga u Looŋara, a boy maŋŋa halaŋ Lona humumu, ni kay boy maŋŋa an mba ni na.

DANYEL 10:12 ပူးပေါင်းရင်းမြစ်များ

SOOLLA 69:10

An miniŋ ziiŋŋa cocoo, minda kay ziiŋga ŋgalan hurun ko kura na, asi ŋguluŋu, ŋgul ndaɗta hoŋŋi kanu.

EZAYI 35:4

Dagi suu ɓik vun digisina ana, Lakagi saɓaki, laki ndaaɗi, gologiya, Loogina mba wa. Sa sugulna mba ni namu. Ni warak ma col ay vi Lonna Nam u tamba suɗugi kiyo.

EZAYI 41:10

Li ndaaɗi kay an ka u aŋu, gol golla ndaanaɗi, kay anni Looŋŋa. An mbuɗuŋ saɓaki na daŋ may an njunuŋu. An njunuŋ u bikin ma njufna ma ɗegeena.

EZAYI 41:14

Yawe di ana, li ndaaɗi njaf Yakob, agi suu suuna tayagi ki ga ko njufulna nana, an min njunugiya. Sa ma suɗugi ay kina ni ma Teteɗ ma vi suu Israelna.

EZAYI 58:9

Hu li ma aŋ yina Yawe hin humuŋu, lini aŋ joɓom a nam njunuŋu ni nam di ana, «An wanni.» Lini aŋ hin pan ma pan suu maŋ suu vo varaŋŋa, u ɓak ma ɓakasi u deleŋga cora kiyo.

EZAYI 65:24

Jew bay vunusi yi kolo tu lay ni, an hoŋosi dira wa ɗow, asi ɓak ay na ni an humusi vunusiya.

DANYEL 10:11

Sa namma dan ana, «Danyel, sa Lona ŋgaɓam ay ki jew dayna, hum u dlara an daŋgara halaŋ ki jiviya. Aŋ col kolo hu li ma aŋ hurum wanna na col kay ana cecem wanda Lona sunun ay ni egeŋu.» Hu li ma nam ɓakan boy namma nana, an coli kolo dlak cocoo.

DANYEL 10:19

Nam hin dan olo ana, «Li ndaaɗi, sa ma Lona ŋgaɓam kina. Ko heɓpa li u aŋu. Aŋ li saɓaki. Aŋ li saɓaki.» Hu li ma nam ɓakan nana an fi saɓakŋa hin di ana, «Ko Malanna ɓakka na, kay aŋ ɦan saɓakŋa wa.»

DLAŊ LEVIRA 16:29

«Gola ni gaɗta hin ha dukugi na dindinda, hu buu ma doogona hu til ma kiɗisiyana, ni sa ti vaɗi, li sunɗi lay, lini agi suu vona ɗowba ŋgay ma cuki dukugina lay.

DLAŊ LEVIRA 16:31

Buu namma kagi ni buu ma vi Lonna, ni buu ma koɗ tara, ni buu ma agi li laara huna, gaɗ ndaɗta ni gaɗta ka hin kiɗira.

NDUMBA 29:7

«Buu ma doogona hu til ma kiɗisiyana ni agi li tokka teteɗta, lagi laara may, hu buu namma ni agi ka li sunda nekgi.

MATIYE 28:10

Yesu dasi ana, «Lagi ndaaɗi. Tuɗ dagi maŋ gorsenna asi tuɗ ha Galile. Ni li ma asi hin wan huna.»

MATIYE 28:5

Sa sunda huulona ɓak boyogina ana, «Lagi ndaaɗi. An wi ana agi hal ni Yesu ma asi ɓalam ki kolo hu gu ma garakŋana.

MARK 16:6

Nam dasi ana, «Lagi ndaaɗi. Agi halagi ni Yesu ma Nazaretna, ma ɓalam ki na, nam ka tanɗi, paɗ ki kolo iiri wa. Gologiya! ni lii ma asi gam gin huna.

Boy Ma Ayra Ma LUK Ɓiirimma 1:13

Sa sunda huulona dam ana, «Li ndaaɗi Zakari. Lona humuŋ cen maŋga ha wa. Caaŋga Elisabet hin vuɗ goona. Aŋ hin tinim sem ana Jaŋ.

Boy Ma Ayra Ma LUK Ɓiirimma 1:30

Sa sunda huulona daɗ ana, «Li ndaaɗi, Mari. Ndak fi jivira fok Lona wa.

Boy Ma Ayra Ma LUK Ɓiirimma 2:10

Sa sunda huulona dasi ana, «Lagi ndaaɗi. An mba dagi ni Boy ma Ayra ma suuna hin furi um halaŋŋa.

Boy Ma Ayra Ma LUK Ɓiirimma 24:38

Yesu hin dasi ana, «Agi dlak ŋgusugi ki ni kay mege? Agi cagi wayra hurugi kurufu ni nanage?

SUNDA 27:24

Dan ana li ndaaɗi Pol, lini nanagelay aŋ hin mba coli fok mul ŋgolna, Lona u jivi mamba hin suɗuŋ ki u suu ka uŋ hu lum kawinana bel.

WIRA ŊGAYRA 1:17

An wam wi ni ndi kaŋga fokom ko miɗira na. Nam tin kom ma njufna kan dan ana, «Li ndaaɗi, an ni ura tin ay jewra u daɓpa daganda lay.