DANYEL 10:1 - Boy Lonana

¹ Hu basara hindira Syrus, mul ma Persena dlara tak taɗ ii Danyel ma sem ma geleɗta ana Beltasarna dew. Boy namma ni gasira u ti tara ŋgolla. Nam hum u boy namma, nam wam um ki jivira ni hu takka.

DANYEL 10:1 ပူးပေါင်းရင်းမြစ်များ

URA TIN AYRA 41:32

Doyra dewra di Faraw yaɗ mba' lay ni tak ki ni ana Lona tin dla ndaɗta ay ni namu. Lona ka vi yam a li dla ndaɗtaraɗi.

2 DLAŊ MULINARA 36:22

Hu basara jewra ta Sirus kak a mulna hu Persa gaw ni, Yawe col a li dla mayra nam daɗ ay fun sa ma jok vun Lona, Jeremira, kiyo. Nam kal saara huu mulna Sirus a ɓii boyna ki kay yam mbas mamba halaŋ ko ndal wandara na.

EZDRAS 3:7

Asi ɦal gursuna maŋ suu ceɗ gogoyra lay, maŋ suu ɓal guna kay zirana u tlesuu tira lay, summa lay, mbulna lay maŋ suu Sidonna, maŋ suu Tirna a asi mba gu sedrena ay ki duk mbo lum ma ŋgolna, dol ay hu Liban ta ta Yoppe, tuɗ ay hu voɗta mul ma Persna, Sirus, ɦasirara.

EZDRAS 4:3

Na may Zorobabel may, Josuwe u suu malayaŋ zi suu usi hinna dasi ana, «Ami ka min ana ami u agi miniygi zira maŋ Looyginaɗi. Ami min zira maŋ Lo ma vi suu Israelnana ni ami hol. Sirus, Mul ma Persna, ɦami voɗta na ni namu.»

EZDRAS 4:5

Asi gususi yasi ki ko suu ɦal gaɗta a ɓeŋesi dlaasira ki hu cokira vi Sirus, mul ma Persna, ta ta tew mulla vi Dariyus, mul ma Persna.

EZDRAS 6:14

Suu basi suu juifna tuɗ fok u minda min zira u jivira ko boy ma vi sa jok vun Lona Age u sa jok vun Lona Zakari ma goŋ Idona damma na. Asi daɓ sun zira kiyo ko gaɗta vi Lo ma vi suu Israelna daɗta na, u gaɗta vi Sirussa, vi Dariyussa, vi Artazerzes, mul ma Persna na.

EZDRAS 6:3

Hu basara jewra vi mulna Sirussa, mulna Sirus ɦal voɗta ana, Ziŋ Lonara hu Yerusalem. «Zira hin hoŋoɗ minda ni hu li ma suuna li ɓivunna huna, hu li ma uɗ kaŋga gii huna, fiyekeɗ ni metre dok-hindi, bubuuɗ ni metre dok-hindi.

EZAYI 44:28

An di Sirus ana, «Aŋŋi saan ma taaran yoorina.» Dlara an miniɗta halaŋ aŋ hin laɗ kiyo. Hin di Yerusalem ana, nam min ki kolo balamamu kay ziŋ Lonara ni ko ndaɗ col ki kolo balamaɗu.

DANYEL 1:17

Doli ɗaŋŋi maŋ gor suu fiɗi asina Lona ɦasi yalna, haɗasi yalna a wi dlara. Maŋ Danyel may ni nam wi u dlara tak taɗ ii suunara, wi u doyra di suunara ki lay.

DANYEL 1:21

Danyel kak hu li namma ta ta daɓ basara jewra vi mulna Syrussa kiyo.

DANYEL 1:7

Ŋgol asgaa ma vi mulnana tinisi semma kasiya, nam tin sem Danyel ana Beltasar, sem Hananiya ana Sadrak, sem Misael ana Mesak, hin tin sem Azariya ana Abed Nego.

DANYEL 10:14

An mbay ni a takaŋ dlara hin mba kay suu maŋŋa hu fokkara, kay ana dla ndaɗta hin tak taɗ ki fok jew kay buu namma tuwa.»

DANYEL 11:2

«Cecem wanda ɗaŋŋi an daŋ ha ni gasira. Gola, mulina hin kak kay mbassa Persera na hindi, ma a fiɗirana hin fi begera ŋgolla su suu hiŋŋa halaŋ. Hu li ma nam mbuɗ ki saɓakŋa u bege mamba wa ni, nam hin cuk suuna duu u mul ma hu mullaGressa.

DANYEL 12:4

Aŋ, Danyel, may ɗaŋŋi ŋgay boy namma huruŋu, li um ta ta hu daɓpa. Suuna bolowo hin ndum boy namma, saa masira hin wul fok may.

DANYEL 12:9

Nam dan ana, «Tuɗa, Danyel, kay tle asina ni ŋgay tuwa, asi hin li ki ni hu buu ma daɓpa may.

DANYEL 2:21

Nammi sa ma mbuɗ ii lina u dlara halaŋŋa, nam cuk mulina ki kaŋga lay, nam yow mulina kolo lay, nam ɦal yalna maŋ suu wi dlara, nam ɦal wira maŋ suu saa u dlara.

DANYEL 4:8

Ŋgusu namma mbuɗ ŋgolo, saɓak coco lay, fiyekem tuɗ ta ta kolo huulona, sana ndak a wam ha ki ta ta keŋ ndaŋgara daɓ ayra.

DANYEL 5:12

kay ana asi fi ko Danyel namma, ma mulna tinim sem ma geleɗta ana Beltasarna, ŋgussa mbuɗ mbuɗta, wira, yalna, a buɗ u doyra kiyo, tak u doyra gi ii boyna lay. Cecem wanda ɗaŋŋi yagi Danyel namma aya, nam buɗugira uɗ kiyo.»

DANYEL 5:17

Na ɗaŋŋi Danyel ɓak boyna fok mulna dam ana, «Ҥal maŋga ɦawara li maŋ aŋu, tlesuu aŋ a ɦasi ki ɦawana ɦasi maŋ suu daŋi. May an hin ndum ɓii ndaɗta ki maŋ mulna, hin buɗumba uɗ ki lay.

DANYEL 6:28

Nam buɗ suuna ki lay, suɗusi ki lay, nam li dlara mbuɗ mbuɗta kolo huulona lay kaŋga kay ndaŋgara lay, kay nam buɗ Danyel ay ki ko dlona.»

DANYEL 8:16

Ɗaŋŋi an hum del sana ɓak ay duk Ulai yi ay kolo di ana, «Gabriel tak u tle asina ki maŋ sa namma.»

DANYEL 8:26

Dlara kay fiɗigira u maɗiirara ni, ko ndaɗ ay ki diira na, ni gasira. Aŋ may ni ŋgay boy namma huruŋu, kay ana boy namma ɓakŋi kay dlara ha fok dayra.»

Boy Ma Ayra Ma LUK Ɓiirimma 1:20

Aŋ tin huruŋ ka kay boy nammaɗi ni, aŋ hin mbuɗ ki ndumuwa. Vunuŋ hin mal ki ni falira goroŋŋa hin a vuɗ kira tuwa.»

WIRA ŊGAYRA 19:9

Sa sunda huulona dan ana ɓiira, furira ka kay suu yasi ay hu luu ma vogodona vi Goo Timiina, nam hin dan hu olo ana, Boy namma ni boy ma gasina vi Lonna.