DANYEL 1:17 - Boy Lonana

¹⁷ Doli ɗaŋŋi maŋ gor suu fiɗi asina Lona ɦasi yalna, haɗasi yalna a wi dlara. Maŋ Danyel may ni nam wi u dlara tak taɗ ii suunara, wi u doyra di suunara ki lay.

DANYEL 1:17 ပူးပေါင်းရင်းမြစ်များ

1 MULINA 3:12

Gola an hin li ni ko ndal aŋ dira na may. An ɦaŋ huu ma wi dlara u yalna, suu ay ki fokoŋ jewna lay, suu hin varak ka ŋgoroŋŋa lay ni sa ma wi dla ko ndal aŋ na kaɗi.

1 MULINA 3:28

Suu Israelna halaŋ suu hum dla ɓak ma mulna kaam namma asi li ndaa mulna cocoo kay asi wi ki ana yal ma ka hurum wanna ni ma vi Lonna. Nam ka ɓakŋa ni u ɗegeera.

2 DLAŊ MULINARA 1:10

Cemi wanda aŋ ɦan mbeleŋŋa u wira kay a an wi yal ma tuɗ fok suu asinana. Sa ma ndak a kak mulla kay suu maŋsina suu zuli coco asina na ni gege?»

2 DLAŊ MULINARA 1:12

Yalna u wira mbeleŋŋa an ɦaŋsina wa. An ɦaŋ ɦiza hu olo. Aŋ hin fi tlena seŋ tii ki coco lay. Aŋ hin fi ni bibiŋilla muli suu kay ndaŋgarana halaŋ sa faɗ ka dew tuɗira. Muli suu hin kak ka ŋgoroŋ daganna lay ni sa ma faɗ kaɗi.»

2 DLAŊ MULINARA 26:5

Hu li ma Zakari ka iiri tuna ni nam hal Lona cocoo. Nam ka haɗam kay ɗegeera laɗ u Lonara. Hu li ma nam ka kaki ɗegee u Lonana ni Yawe ɦam tlena cocoo.

JOB 32:8

Na may a gasira huu sa warna ni musukka ɦawaa. Haɗta vi ma Saɓakŋa tak yalna maŋ sana ni ndaɗu.

VUN ŊGOLNA 2:6

Kay Yawe ɦal yalna ay ni namu, yal ma wira u gasira cuk ay ki ni funumu.

DI BOLLA 2:26

Na ɗaŋ may Lona va ma sana minimma ni nam ɦamma, yalna, wira u furira. Na may sa ma li dla cora nam tinim a tok yam tlena, nam hin ɦasi ki maŋ sa ma nam minimma. Ndaɗta halaŋ ca ni ŋga tara, hin jak ki ni u semeɗna.

EZAYI 28:26

Halaŋ ca ni Loomma haɗam yal dla ndaɗta ni namu.

EZEKIYEL 28:3

Aŋ gol taŋ ana aŋ wi dlara ŋgayra suu Danyel, va ma ŋgay ma bay aŋ wam kaɗi.

DANYEL 1:18

Tew ha ki fun buu ma mulna ŋgaam ana asi hin ɦamsina haa na may ni, ŋgol asgaana tuɗusi ha fok Nabukodonosor.

DANYEL 1:20

Hu dlara yalna u saara fiyekka, mulna faɗta halaŋŋi, nam halaɗ uɗ ni funusiya. Nam golosi wanni asi saɓakasi suu kay suu kaɓakŋa hu liimmana ii va ma doogo doogo lay.

DANYEL 1:4

Gor njufii suu dla ay ka egesiɗina, suu a iriŋ golosi jivina, suu ki haɗi u yal dlara halaŋŋa, suu wi u dlara ki cocona, suu hum u haɗta ki u saɓakŋa a asi kak hu taraŋga vi mulna a asi haɗasi dlara u vun ma vi suu Kaldeenna.

DANYEL 10:1

Hu basara hindira Syrus, mul ma Persena dlara tak taɗ ii Danyel ma sem ma geleɗta ana Beltasarna dew. Boy namma ni gasira u ti tara ŋgolla. Nam hum u boy namma, nam wam um ki jivira ni hu takka.

DANYEL 2:19

Na ɗaŋŋi Danyel hin fi u dlara mbuɗ mbuɗ ndaɗta ki u doyra hu senna njeŋgee. Na ɗaŋŋi Danyel hin gi deɓpa maŋ Lo ma kolo huulonana.

DANYEL 2:21

Nammi sa ma mbuɗ ii lina u dlara halaŋŋa, nam cuk mulina ki kaŋga lay, nam yow mulina kolo lay, nam ɦal yalna maŋ suu wi dlara, nam ɦal wira maŋ suu saa u dlara.

DANYEL 2:23

Maŋ aŋ Lo ma vi somoyomina, gi deɓ manda u furira u ŋgaanda lay, kay ana aŋ ɦal yalna u saɓakŋa. Cecem wanda aŋ takan va ma ami joɓoŋ kamma kiyo, kayana aŋ takami u dlara vi mulnara kiyo.»

DANYEL 2:30

An may ni, ka ni kay tan u yal man ma su ndarayan suu iirina dla ndaɗta tak taɗ ki irinni naɗi may, ni kay ana tak u dla ndaɗta ki maŋ mulna a aŋ wi saa mayra huruŋga may.

DANYEL 4:6

«Beltasar, mul ma vi suu wi dlarana aŋ ma an wi ana saara vi loogi suu teteɗna ka kaŋu, dlara mbuɗ mbuɗ ka a su kaŋgi layna, dan u doyra danda ay kiyo, buɗunda uɗ ay ki lay.

DANYEL 5:14

An hum asi ɓak kaŋ ana ŋgussa vi loogi suu jivina kaŋu, asi fi u dlara ay ki ni funuŋu, wira, yal ma mbuɗ mbuɗta.

DANYEL 7:1

Hu basara jewra vi Baltazar, mul ma Babilonna, Danyel doyra damu, nam wi tlena hu liim ma buuna hu Senna. Na ɗaŋŋi nam ɓii doy ndaɗta kaŋgaa, ay hu gijaŋ maɗna.

DANYEL 8:1

Baltazar basaɗam ki hu mulla hindi, tlena tak tasi irin an Danyel ŋgoo dagan tlesuu tak tasi irin jewna.

NDUMBA 12:6

Nam di ana, «Humun ki boy manna ha daŋ, lini sa ma jok vun Lona ka dukugiya ni an Yawe tak tan irimmi hu doyra ɦawaa. An njaɗ u nammi hu doyra.

Boy Ma Ayra Ma LUK Ɓiirimma 21:15

An tanda hin ɦagi nera u boy ma agi damma, babali magisina ka a ci way funugiɗi.

SUNDA 6:10

Asi ndak ka a su kam u boyɗi, kay nam ɓakŋi u nera Musuk Lonara ɦambara.

SUNDA 7:10

Lona buɗum ay ki hu dlara loɓomba halaŋ. Nam ɦal nera maŋ Yosef mbuɗum jivi fok Faraw, mul ma Egiptena, nam kakam a mulna kay suu Egiptena, golom hu ziim halaŋŋi nam lay.

SUNDA 7:22

Ni Moiz haɗ wira u yalna vi suu Egiptena halaŋ, nam fi saɓakŋa hu boyna u sunda lay.»

KOLOSNA 1:9

Ni kay ndaɗta ami ka hin cenda cen kagira kiɗi, ay hu buu ma ami hum kagina day, ami joɓ Lona kay nam mba hoɓogi u wira vi min mamba, kay Musuk mamba mba ɦagi nera u yal mamma.

Magaara JAK Ɓiiriɗta 1:17

Ҥala ɦawara jivira halaŋ u ɦala pasiyakka col ay ni koloo, ɦaɗ ay ni Lona, nam sa ma li kiɗikka kolora. Lona ka mbuɗɗi. Nam ka jok ndufunda ha fok na ɗowɗi.

Magaara JAK Ɓiiriɗta 1:5

Lini sa maa dukugi neemba kaɗi ni nam joɓ Lona kaɗu, nam hin ɦamba. Lona ɦal tlena maŋ suuna halaŋŋi u min mamba jivira.