AMOS 9:9 - Boy Lonana

⁹ Gasi, gologiya, an hin ɦal voɗta, an hin dlamaɗ suu Israelna duk ɦoŋ suuna halaŋ ko ndal yik wana hu bewra ka hin ŋgetlna cuk kaŋga duk kira na.

AMOS 9:9 ပူးပေါင်းရင်းမြစ်များ

EZAYI 27:12

Hu buu namma ni Yawe tok yam suu mamsina ko suuna a feɗ wana vora na, col ay fun lum ma Eufratna ta ta tew ki fun lum ma Egiptena, hin cagi ɦeleegi ay ki na dew dew halaŋ, agi suu Israelna.

EZAYI 28:28

Sana ndak a guluk ii wana ki su? Ҥawaa, nam ka toom ha na gak gakgi. Nam ka hin pus pusna a tuɗ kolo kay wana a toom kiɗi.

EZAYI 30:28

Musukummi ko ndal mbo lumma sulul ay ki funumba na. Nam tli ta ta mba hu del sana koloo. Nam kisik njaf suuna halaŋ hu demena ma ɓeŋesi kiyo, nam cuk njamara fun suuna, tuɗusi hu li ma asi ka min gin a tuɗ huɗina.

JEREMI 31:36

Lini an viɗ golla gol gaɗtara ki wa ni, Yawe di ana, na ɗaŋŋi njaf suu Israelna may ni hin ka li a njaf suuna fokonɗi.

JEREMI 46:28

Aŋ saan ma sunda Yakob li ndaaɗi. Yawe di na. An ka u aŋu. An ci njaf suu an manaŋ ay ki dukusina ki halaŋ halaŋ. Na may aŋ wanni an ka caŋ ki koɗi. An haɗaŋ a aŋ li u gaɗta ka hiniɗ jak ki kaŋgi.

JEREMI 49:36

An hin mbaa semeɗna ay kay Elam hu lina fiɗi, keŋ lina fiɗi. An hin njayasi ki duk semeɗna, njaf suu ka hin a suu Elamma bay tewesi kaɗi.

EZEKIYEL 20:38

Suu may suu duu u anu, halan a yara dukugina, an hin dikisi kiyo. An dikisi ki hu mbassa asi ka huruɗ cemi wandara, duk suu asina ni sa dew lay ka hoŋ ay hu mbassa vi suu Israelnaraɗi. Ni agi hin wi ki ana anni Yawe.

EZEKIYEL 36:19

An njayasi ha ki duk njaf suu daŋŋa. Asi njay ki viɗ voɗ masira ki duk njaf suu daŋŋa hu mbassa daŋga zeɗ zeɗ. An kaasi ɓakŋa kasi ni u poy masira cora u dlaasira asi laɗta may.

EZEKIYEL 39:28

Asi hin wi ki ana anni Yawe, Loosina. Kay hu li ma an njayasi ay ki duk njaf suu daŋŋa ni an hin tokosi ay vo balamasi kay ndaŋga masira. An ka hinisi ha ki hu li namma oloɗi.

EZEKIYEL 5:10

Hu ɦoŋzi magina ni somira hin kom goryosiya. Gorra hin kom somoyosi may. An hin lagi dlara ti huuna egegiya, ugira hinda an hin njayasi ha ki aragelay halaŋ halaŋ duk njaf suu daŋŋa.

EZEKIYEL 5:12

Keŋ suu magisina ma hindina hin daɓ ki miɗna ko tuguɗi mbogomma ɗowba mayra hin ndi kasiya. Keŋ ma hindi ma hin mba wanna, ŋgew ma duuna hin casi ki may. U suu hin hin ndena an njayasi ha ki duk njaf suu daŋŋa ni u ŋgewina kay ceeresi dagan hu may.

DLAŊ LEVIRA 26:33

Agi tagira may ni an hin dikigi ki duk njaf suu daŋŋa, suuna hin mun duuna u agiya, ɦoŋzi magina hin mbuɗ ki ni bagira, zina halaŋ hin hawaɗ kiyo.

Boy Ma Ayra Ma LUK Ɓiirimma 22:31

Yesu di ana, «Simon, Simon, Satan joɓ saɓakŋa ay ana hin kisikigi ko ndal suuna kisik ii wana ki duk barra na.

GA 8ATAMBARA 28:64

Yawe Loogina hin njayagi ki kay yam mbassa halaŋ, hu li namma agi hin sunni loogi suu ɦawa suu somoyogi lay agi tagira lay ka wasiɗi, gugunina u ɦinira ceɗira.