AMOS 9:11 - Boy Lonana

¹¹ Hu buu namma ni an hin tli yam zira vi Davidta bowira kiyo, an hin miniɗ iriɗ ma bow kina lay. Min tlesuu ɓeŋ kina lay, an hin hoŋoɗ minda ko ndal ndaɗ ay jewra na.

AMOS 9:11 ပူးပေါင်းရင်းမြစ်များ

EZAYI 16:5

Hu li ma mulla mbuɗ ti ni u minda, ni hu zi ma vi Davidna. Sa ma ɗegeena hin kak a kaɓakŋa nam hin ɓak suuna ni u ɗegeera tam fet kay a gi ii dlara.»

SOOLLA 80:12

Koɗ tuɗ ta ta tew mbo lum ma ŋgolna, koɗ ma daŋŋa tuɗ tew mbo lum ma Eufratna may.

EZAYI 63:11

Hu li ma humusi gasi kay boy ma vi Moizza ma dam ay fok jew day dayna, asi joɓ ana, Bu Suuna ma kal saam ma taa yoorina ay ki duk mbo ŋgolnana ni arage? Bu Suuna ma kal Musuk mamba ay hurumma ni arage?

Magaara Vi Sa Jok Vun Lona OZE 3:5

Ŋgoo dagan wanni goryoŋ Israelna hin hal Yawe, Loosina, daŋgadla, u David mul masina, asi hin hoŋ irisi ay eg Yawe u dlakka eg tlegeyem suu jivina hu buu ma fokŋa.

EZEKIYEL 36:11

Suu warna u yoorina an hin zuluk sina kak cocoo. Asi hin zul cocoo, hin vuɗ coco lay. An hin zuluki bolow a su jewra. An hin ɦagi tlena ni sura fok jewra. Agi hin wi ki ana anni Yawe.

EZEKIYEL 17:24

Na ni ŋgusu ki suu ŋgoo bagina halaŋ hin wi ki ana an ni Yawe, ma bow ŋgusu ma coli kolona ki gana, ma col ŋgusu ma bowi gana ki kolona. So ŋgusu ma ŋgolomma kiyo, ŋgusu ma sooyna hoŋ ɗufum mayna. An, Yawe, di dlara wa ni an hin laɗ kiyo.

YOORA 5:21

Hoŋomi ay egeŋu, Yawe. Ami hin hoŋ aya. Hoŋomi buu mamina balamam wilira ko buu ma basi ma jak kina na.

JEREMI 46:26

An ɦasi ki maŋ suu min a casi ki na, maŋ Nabukodonosor, mul ma Babilonna u suu mam suu sunda. Ŋgoo dagan wanni Egipte hin kak hu balamaɗ ma jewna.» Yawe di na.

EZAYI 5:5

Ni an min haɗagi dlara an hin a laɗ eg sene gugutlu mannara haa. Hawaɗagi dlaɓpa kamba ki hin tlena tam kiyo, an min to gulumun ma gi kamma kiyo, hin voɗta duk suuna tayam ki gaa.

JOB 1:10

Aŋ ka njun kam juɓum um u suu mamsina halaŋ u bege mamba bel aŋ paɗ vunuŋ ki kammi ka aŋgi su? Aŋ paɗ vunuŋ ki kay dlara nam laɗta halaŋ. Yoori mamsina zuli hu mbassa tani ni asi halaŋ halaŋ.

MISE 7:14

Taa suu maŋsina u tokolo maŋga, yoori maŋsina, ka ki duk bubura kay tasiya, duk usuna. Ko asi ti haɗna hu Basan u Galaad ko ndal ay hu buu ma fok jew dayna na.

MISE 5:2

Kay ndaɗta Lona hin noyosi ki ta ta hu li ma ca mayra a vuɗ goonara vuɗum kira. Ɗaŋŋi suu usi hin ko gorsesinana hin taɓ ko tasi u goryoŋ Israelna.

JEREMI 30:9

Asi hin sunni Yawe, Loosina u David mul ma an hin tinim kasina.

SOOLLA 143:5

Humun gan kay buu ma jak kina, an ka saa tlesuu aŋ lasina halaŋ, an hoŋ di kay sunda aŋ laɗ u bik koŋga.

SOOLLA 89:40

Aŋ mbuɗ galam maŋga u saaŋ ma sunda kiyo. An cukum jumba mul mambanara ki ga duk doroɓma, mbuɗuɗ nje njee.

NDUMBA 24:18

Edom hinni mbassa ki tlira. Suu babali mam suu hu Seirna hin tlasi ki lay. Israel hin tak saɓak mamma kiyo.

EZAYI 58:12

Ni aŋ hin tok tlesuu toki ga jewna kiyo, hin min kolo kay u zi ma gi gana, ma suuna noyom ka ki day dayna, asi hin yagi ana, suu may suu min gulumun ma ɓeŋ ay ki day dayna, hoŋ mbuɗ ɦoŋzi namma kolo wili olona.

EZAYI 65:9

An hin paɗ vunun ki kay njaf suu Israel suu ɦiw, ni njaf suu vi Yudana, asi hin lak kay ɦini manda. Suu an manasina hin ti mbassa ni asiya, suu lan sun mandana hin lak hu ni asiya.

JEREMI 18:9

An ndak hoŋ li na kolo minda ɗowba hoŋ mulla tinda balamaɗ lay.

ABDIYAS 1:17

Suu usi hinna tuɗ ŋgay tasi ha kay ɦinira Siyonda, ndaɗ hin mbuɗ ki teteɗ. Suu vi Yakobma yow tlesuu vi suu ɦurumusi tlegeyesi ki jewna.

MISE 7:8

San unɗi, ndak babali manda. Li ni an ndi kaŋgaa, an hin col koloo, lini an ka kagi hu li ma ndufunna ni Yawe ni kiɗik manda.

MISE 7:11

Buu ma hin a min gulumun maɗnana, hu buu namma asi hin ɦuɗ ii haka makka ki dagani.

ZAKARI 6:12

Aŋ hin dam ko wanda na, Yawe, ma saɓakŋa kom belna, di ana, Gola ni sa sem ana gogorguna na tlena halaŋ hin day kaŋga u semu. Nammi sa hin min ziŋ Yawera.

ZAKARI 12:7

Yawe hin suɗ mbutluɓma Yudana ki jewe a furira hu ziŋ Davidna u furira vi suu hu Yerusalemma gol ko asi jivi su suu Yudana naɗi.

ZAKARI 14:10

Mbassa halaŋ hin mbuɗ ki senena, col ha kay Gueba ta ta tew hu Rimmon keŋ Yerusalem mbayawna. Ndaɗ hin mbuɗ ki kolo ŋgolla, eg liiɗu, col ha vun grek ma vi Benjaminna ta ta tew ha ki hu li ma vun grek ma basina ta ta tew ha ki hu vun grek ma keŋŋa, col ay eg gulumun ma vi Hananeelna ta ta tew ha ki hu li ma em tlena vi mulna na.