AMOS 9:10 - Boy Lonana

¹⁰ Suu man suu dlara vasina halaŋ hin miɗ ki ni maɗ ŋgewra, asi di ana, «Nam hin ka mbayɗi, dla cora hin ka mba kaygiɗi.»

AMOS 9:10 ပူးပေါင်းရင်းမြစ်များ

AMOS 6:3

U yal ma agi halam a zuɗ buu ma cona ha ki egegira agi ɦuɗugi mulla yara ay egegi ni ɦuɗiya.

EZAYI 33:14

Suu li dla cora suu hu Siyonna puk kaŋgaa, asi ka li ndaana ko ndaŋgara geŋeɗta. Asi di ana dukuygi ni sa ma hin colna ni gege? Kay ni kura ŋgalla sa ma dukuygi ma hin colna ni gege? Kay ni zul ŋgolla kura ta uɗ ka doɗira.

MALASI 3:15

Cecem wanda, agi ndak li furira kay suu li dla cora, suu li dla cora zul ni zuli na ɗow ɗow, li ni asi ganyam Lona, asi hin suɗ ki lay.»

AMOS 6:1

Hahawra ka kay suu tin u heɓ masira kay Siyonna. Suu ɦal hurusi a kak u heɓpa kay ɦinira Samarira. Asi suu ŋgolo suu jew duk suunana. Suu hu zi ma Israelna mbay ni egesiya.

JEREMI 18:18

Asi di ana, «Tuɗuygi halaygi dlara eg Jeremi. Aygi hin faygi boy ma jivina fun muli suu li ɓivunna, faygi gaɗta fun suu wi yal dlara, faygi boyna fun suu jok vun Lona. Tuɗuygi ɓeŋeygina ki u boy ma cona, tiniygi yaygi kay boy mammaɗi.»

EZAYI 56:12

Gegelay di ana, mbaya an hin tuɗ ci suma, caygiya furuyuygiya, vinda hin li ni ko karamba na olo, li su ɗow.

EZAYI 5:19

Asi ɓak tasi ana, «Ko dlara Yawe min a laɗta li ki zak. Kay a ami wi ki ana li ma Teteɗ ma vi suu Israelna hin tok, a ami wam ki u irimi may.»

DI BOLLA 8:11

Kay ana dla cora sa ka ɓakaɗ ki na zakgi. Huu goryoŋ Adamma oyra ni u dla cora.

SOOLLA 10:11

Sa ma cona di tam hurum ana, «Lona maa ki wa, nam ha ki day, ka wam ayɗi.»

EZEKIYEL 20:38

Suu may suu duu u anu, halan a yara dukugina, an hin dikisi kiyo. An dikisi ki hu mbassa asi ka huruɗ cemi wandara, duk suu asina ni sa dew lay ka hoŋ ay hu mbassa vi suu Israelnaraɗi. Ni agi hin wi ki ana anni Yawe.

JEREMI 23:17

Asi min a di suu ka min boy ma vi Yawenaɗina ana, «Dlara hin li kagi agi jiviya.» Sa ma min a tuɗ fok u yamba eŋgana, «Dla cora hin ka mba kagiɗi.»

AMOS 9:8

Gola ii Bu Suuna, Loonna, ka tini kay mulla dlara vaɗta, an hin bulumuɗ ki kay yam ndaŋgara, na may ni an hin ka bulum ziŋ Yakobma ki halaŋ gawɗi, Yawe di na.

ZAKARI 1:6

Na ni boy manna u gaɗ manda suu an hinisi ka maŋ suu man suu sunda suu jok vun Lona tewegi somoyogi kaɗi su? Na daŋŋi asi hoŋ aya, di u vunusi ana, Yawe, ma Saɓakŋa Kom Belna, col a lasaygi ni kay voɗ maygira u tuɗ maygira cora, nam lasaygi ni na.»

JEREMI 29:32

Na ɗaŋŋi an hin li dla cora eg Semaya ma Nehelamma, eg njafam lay. Sa dukusi dew lay hin ka fi liim duk suuna a hin li furira kay tlesuu jivi suu an hin ɦasi maŋ suu mansina naɗi. Di na ni Yawe. Na ni nam ɓak ka ni dla cora suuna yow duuna u Yaweraɗi su?»

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»