AMOS 8:4 - Boy Lonana

⁴ Humugi boy ma wanna haa, agi suu vagi tagi kay suu hawra dlaɗ dlaɗ a bulumugi suu lalam suu kay mbassana kira.

AMOS 8:4 ပူးပေါင်းရင်းမြစ်များ

1 MULINA 22:19

Mise hoŋ di hu olo ana, «Jiviya, aŋ hum boy ma Yawe damma haa. An wi Yawe kaki kay dlam mamba. Suu duu suu huulonana coli kolo u sesi egemu, kay bikim njuf may, bik gulu may.

JOB 24:4

Suu hawra asi dikisi ki hu voɗta. Suu haw suu hu mbassana halaŋ ŋgay tasiya.

SOOLLA 10:7

Vunum hoɓi u givunna u mbaɗta, u dlara kulna may, dla jivi ka kal ay ki funumbi.

SOOLLA 12:5

Asi di ana, «Ami ndak njaɗ dlara hurumi miniɗta, sa ma dooromi kaɗi, sa ma ndak a ɦeɓemina ni gege?»

SOOLLA 14:4

Yawe joɓ tam ana, suu las ndarayasina, asina na ni, ka wi vaɗi gasi su? Suu ɗoɓ tasi ki u suu mansinana, asi tasi ki ko tlesuu tirana, asi ka goɓ Yaweɗi lay.

SOOLLA 140:12

Hin suu vunusi di boy cona hu mbassa oloɗi, ni suu kosi ka viɗina, u suu hurusi cona, dikisi kiyo.

SOOLLA 56:1

Soolla vi sa ma fok suu gi soollana, soolla vi David gaɗ ko ndal gugukka kak ay kolo hum gu ma fiyekŋa na. David gaɗ ni hu li ma suu Filistinna vam hu Gatna.

VUN ŊGOLNA 30:14

Suu daŋŋa kaa ni siisi funusi ni ko ndal ŋgewina na, giŋ siisi ni ko ŋgew ma digiina na. Asi ni na tok a kom suu hawra kira. Suu ki haw coco duk suunana asi komosi kiyo.

EZAYI 1:10

Humugi boy ma vi Yawena haa, agi suu ŋgolo suu Sodomma. Tin humugi hum haɗta vi Lonara agi suu Gomorna.

EZAYI 28:14

Kay ndaɗta agi suu mbaɗ suuna suu ka ti mulla kay Yerusalemma, humugi boy ma vi Yawena haa.

JEREMI 28:15

Sa jok vun Lona, Jeremi, di sa jok vun Lona, Hananiya, ana, «Hum haa, Hananiya, Yawe sunuŋ ay kaɗi. Aŋ mbuɗ ana suuna jok saarasiya ni aŋu.

JEREMI 5:21

Humugi boyna haa, suu saarasi u to'onosi kaɗina. Irisi ka kasi may asi ka wiɗi, humusi ka lay asi ka humbi.

EZEKIYEL 22:12

Huruŋ olo ni suu daŋŋa vi warakŋa a tuɗ ci maɗna. Suu daŋŋa ka joɓ balna ko ndaryasina u mbona. Asi yow tlena ko ndarayasi suu vok zina u saɓkŋa. Asi ka ɦeɓesi kay a fi mbo ma bay umma. Humuŋ maa ki kan gaw may. Di ni Bu Suuna Yawe.

EZEKIYEL 45:10

«Gegelay li a ŋga tlesuu gussa ni, li sun ndaɗta u va ma ŋga tlena u gasira, tassa ma ŋgara li ni fun tam dew.

AMOS 5:11

Na ɗaŋŋi agi yowogi tlesuu vi sa maŋinana kiyo, agi yowom ii waam ma ki lay. Zigini mam suu mini u gogoyra ceɗirana agi hin ka kak huɗi. Ŋgus gugutlu mayra jivira agi paɗta hin ka cagira sumuɗɗi.

AMOS 5:12

Kay ana an wagi bolow yaagira u ŋgol suluk magina. Agi suu lagi dla cora eg suu jivinana, babalira vi suu jivina, agi gusugi kay suu hawra fun li ma ɓakŋa.

AMOS 7:16

Cecem wanda ɗaŋŋi aŋ hum boy ma vi Yawena. Aŋ di ana, Aŋ hin ka jok boyna ki maŋ suu Israelnaɗi, ka gi vunuŋ kuf kay zi ma vi Isaakŋaɗi.

MISE 2:2

Asi ŋgisiɗ senena, hin kulumu, ziginina, hin tlasi may. Asi vi malaŋ zina u ziimu, sana u bege mamba.

MISE 3:3

Agi suu komogi tliw suu mansinana, harasi bakasi kina, agi suu toosi sokosi kina, kaasi ii tliwisi ki ko tliw ma cukum kuŋgu hu doyrana na, ko ndal tliw ma kaŋga u doyrana na.

ZAKARI 5:6

An joɓom ana, «Va namma ni mege?» Nam hoŋon dira ana, «Va tli nek tlena mbay ni namu.» Nam hin di olo ana, «Ni suluk ma vi suuna hu mbassana halaŋ.»

MATIYE 23:13

«Hahawra ka kagiya agi suu wi magaara gaɗta u suu Farisenna, agi ni suu mbambana, agi dug vun ziŋ Mulla Huulonara ki ii suuna. Agi tagira ka kal huɗi lay. Suu cuk huna agi ka hinisiɗi lay. [

Magaara JAK Ɓiiriɗta 5:6

Agi vagi suu ɗegeena casi kiyo, asi ŋgafagi ka u yaɗi.