AMOS 8:3 - Boy Lonana

³ Suu gi soolla hu zirana hin oy hu buu namma. Yawe, Loonna, di na. Suuna bolowo hin miɗ kiyo, vun suuna hin seŋ ki hu lina bel.»

AMOS 8:3 ပူးပေါင်းရင်းမြစ်များ

AMOS 5:23

Ҥuɗugi vun magi ma agi lam u soolla kuuna ha ki egenu. An ka min hum del diŋ magi ma luunaɗi lay.

AMOS 5:16

Na ɗaŋ, Yawe, Lona ma saɓakŋa, malanna, ɓak anaba, Hu lina halaŋ suuna yoo tasi hu voɗta halaŋ, asi hin di ana, Ҥii! Ҥii! Asi hin yi sa horokŋa ay hu li ma hahawra, hu li ma yoo tara suu yasi ayna hin yoo tasiya.

DLAŊ LEVIRA 10:3

Moiz di Aaron ana, «Yawe di ay ki jew jivi ana, An min ana suu a mbay egenna li u teteɗ manda. Asi ŋgaan ki ni fok suuna halaŋ.» Kay ndaɗta Aaron seŋ tam na yerek yerek.

NAHUM 3:3

Suu kulumina yow tlena kasiya, sin ŋgewra ka weleɗta, ɓagina sinim weleɗa, suu ki ciina ka ndumbi, molira ko didiŋga na, suuna tayasi kaŋga u sesiya.

AMOS 8:10

An hin mbuɗugi poy magira ki hahawra, soolla agi gaɗta hin mbuɗ ki ni yoo tara. An hin tinigi sawalna kay ufurugiya. An hin welegi yagi ki halaŋ halaŋ, agi hin ziriɗ ko ndal hahawra laɗ kay maɗ goo ma dewnara na, dlara hin mbay daganda hin li ni ko buu ma yoo tara na.

AMOS 4:10

An cukugi tuguɗiira cora col ay Egiptera kagiya. An cagi gorzoŋŋii magisina ki u ŋgewra, yowogi kulumi magisina. An pereɗegi his tlesuu buy suu hu mbas magirana ha kagi lay, agi hoŋ ay ka egenɗi. Yawe di na.

JOEL 1:13

Njunugi doona hurugiya, tiirigiya, muli suu li ɓivunna, yoorogi tagiya suu ŋgal ɓivunna. Mbaagi aya, buurugi cukugi baraw bolna kagiya, suu sunda vi Loonna. Ɓivun u njaf wana u ɦalla sum veŋŋa ki noy hu zira vi Looginara.

JOEL 1:11

Suu horokŋa mbuɗ ki hahawi, sene gugutlura yoo tam lay, kay vuɗ tlesuu hu senena halaŋ ɓeŋ kiyo.

JOEL 1:5

Dliɗigi ki koloo, agi suu guruɗ u summana, tiirigiya, oyogiya agi suu ci summa halaŋ. Kay sum ma wili wanna hin doorogina ki funugiya

JEREMI 22:18

Na ɗaŋŋi Yawe, ma Saɓakŋa Kom Belna, ɓak Joakim, ma goŋ Josiyas ma mul ma Yudana, anaba, sa ka gi soolla hahaw kambi. «Ni dlara hahaw me nage, wayanna? Ni dlara hahaw me nage, wayanda?» Sa ka gi soolla hahaw kambi, «Ni dlara hahaw me nage, malanna? Ni dlara hahaw me nage, sa ŋgolna? Ni dlara hahaw me nage, ma jivi cocona?»

EZAYI 37:36

Hu njeŋge ndaɗtaa gawni, sa sunda vi Yawe kal hu kaŋ ma vi suu Asirina, ci suuna na 185,000 ni njufiina halaŋ. Maɗiira suuna yow ki koloo ni kaŋga ni maɗ suuna na sak sak.

SOOLLA 39:9

Buɗun ki ko dla coonda halaŋ, hinin a suu puluɗina ŋgulunɗi.

YOORA 2:10

Kaki kaŋga duk ndaŋgara seŋira na selewen, suu basi suu vi Siyon ta jivirana ko ndaŋgara kay yasiya. Asi cuk baraw bolla egesiya. Gorɓii suu Yerusalemma cok yasi kaŋga ta ta kay ndaŋgara.

AMOS 6:4

Buuri kay lay kawina, ɓalaɗi kaŋga kay ses ma fiyekŋa u vun digisiya, asi hoɓ hayasi u tliw gor ŋgeki suu jeŋ wilina, u gor mbutli suu ɗoori suu hu katlaŋgana.

AMOS 6:5

Asi jok yam suuna ki u bu diŋŋa, soolla ko David na u delesiya.

AMOS 6:8

Yawe, Lona ma Saɓakŋa, suu tam di ana, anni ma a Yakob ŋga tam u namma, an noyom hu ziimu an hin hinim ɦoŋ ziimma ki u ŋgolom halaŋ. Yawe di na.

SOFONI 1:7

Seŋegi vunugi fok Bu Suuna Yawe, kay Buu ma vi Yawena mba wa tok. Yawe ka li ɓivunna, nam hin paɗ vunum ki kay suu mamsina.