AMOS 8:14 - Boy Lonana

¹⁴ Suu suu tasi u loogi suu vi suu Samarina suu di ana, «Ko Looŋŋa kak iiriya, Dan,» ɗowba, «Saɓakŋa vi Bersebana ka a fafaɗtana,» hin ndi kaŋgaa ka col kolo oloɗi.

AMOS 8:14 ပူးပေါင်းရင်းမြစ်များ

1 MULINA 12:32

Nam tin luuna dew ni hu buuna doogo yam vadl u til ma kalavandina. Luu namma ni ko ma ka lam hu Yudana na may. Nam mbaa ɓivun mamma ay u tamba kay givin ma togolla may. Gola ni dlara nam laɗ ay hu Betella. Li ɓivunna maŋ gor mbutli suu nam yoorosina. Nam cuk muli suu li ɓivun suu daŋŋa hu li ma teteɗna may.

1 MULINA 14:16

Nam ɦasi ki ni kay dla cora Jeroboam laɗta. Nam cuk suu Israelna halaŋ ga hu sulukŋa.»

1 MULINA 16:24

Ŋgoo dagan nam hin gus lina ko Semer. Nam gusum mbura Samarira ki komu u gursura buɓ buɓ karkiya. Nam min ɦoŋzi ŋgolna kay mbu ndaɗta tin sem ɦoŋzi namma ana Samari. Ni u sem Semer sa ma nam gus li namma komma.

2 MULINA 10:29

Na vam lay ni nam ka hin dla cora Jeroboam ma goŋ Nebatna laɗta kiɗi. Nam cuk suu Israelna hu cora halaŋ a goɓ goo mbutl lorra hu Betel u Dan.

2 DLAŊ MULINARA 36:16

Na may suu Israelna pan suu vun sunda, pan suu jok vun Lona lay, ka min a hum boy ma Yawe dammaɗi ta ta Yawe tak yaamba ki egesiya. Asi ka ndak a suɗ ki ko dlara oloɗi.

SOOLLA 140:10

Hin suu duu u anna a su kanɗi, ko dla coosira asi daɗta hoŋŋi kasiya.

SOOLLA 36:12

Ka hin sem suu ŋga tasina tew egenɗi, ka hin ko suu cona a dikin kiɗi.

VUN ŊGOLNA 24:16

Kay sa ma ɗegeena puk kaŋga ni yam na kiɗisiya lay ni, nam hin col koloo, na may sa ma dlam cona sem ndi ni hu dlara yoora.

VUN ŊGOLNA 29:1

Sa ma so yam ki na so ka hum gaɗta vi saɗina, hin pukŋi cemcem, ka col oloɗi lay.

EZAYI 24:20

Ndaŋgara mbuɗ geŋeɗ ko ndal suu guruɗi u summa tuɗta na. Ndaɗ mbuɗ yak ki ko hum tlena na. Suluk maɗna mbuɗ kaɗ nekka. Ndaɗ ndi gaa, ka ndak a col kolo oloɗi.

EZAYI 43:17

Nam ba suu duuna ki u pus pus masi ma kulumina duk mbona, asi cuk goloŋ ka yow kolo oloɗi, tew ki ko ndal ku pindilla tew kira na.

JEREMI 25:27

Aŋ hin dasi ana, «Yawe, ma Saɓakŋa Kom Belna, Lona vi suu Israelna, ɓak anaba, Cagiya, guruɗugi tagi kiyo, vinigiya, pukugi kaŋgaa, ka cologi kolo oloɗi ko ŋgew ma an sunum ay dukugina.»

JEREMI 51:64

Aŋ hin di ana, Babilon hin bulum ki ni na, hin ka hoŋ kolo oloɗi ni kay dla cora an mbaaɗta ay kaɗta.» Boy ma vi Jeremina doɓ ki ni tani.

Magaara Vi Sa Jok Vun Lona OZE 10:5

Suu hu Samarina dlak u ndaana ko mbutlugi tamagi suu hu Bethel ta kura kay ana suu maɗsina ka yoo tasi kay goo mbutl masina, muli maɗ suu li ɓivunna lay. Ko asi li furira kay jivi mamba, cecemi ni ndaɗ ha ki tuɗi egeygi day.

Magaara Vi Sa Jok Vun Lona OZE 13:2

Cecem wanda asi ka tuɗ fok u cora lira. Asi min tlesuu yoo kina u doono masira u yal masina asi li fulina. Halaŋ ca ni tlesuu suuna ceɗesina. Suuna ɓak kasi ana, «Suu wara suu li ɓivunna, furi tasi u gor mbutli suu asi minisina.»

Magaara Vi Sa Jok Vun Lona OZE 4:15

Li ni ndak tak ka Israel li gawlaŋŋa lay ni, Yuda gin ni ka kal taɗ hu dla ndaɗtaɗi. Tuɗugi Gilgalɗi, tlagi ha hu Bethel li ma kuraɗi, suurugi tagi ana, «Yawe ka iiriyaraɗi».

AMOS 5:1

Humugi boyna haa, yoo tara an tinigira kagira, zi ma Israelna.

AMOS 5:2

Ndaɗ ndi kaŋga wa, ndaɗ ka col kolo oloɗi, go tamara, Israella, ndaɗ ka kaki kay ndaŋga maɗta. Sa ka coloɗ koloɗi.

AMOS 5:5

Na may halangi hu Bethelɗi, kalagi hu Guilgalɗi, tlagi hu Bersebaɗi, kay ana li ma Gilgalna hin tlam ki halaŋ, Bethel hin mbuɗ ki suluku.

MISE 1:5

Tle asina li halaŋŋi kay yara vi Yakobpa, ni kay suluk ma vi suu Israelna. Yara Yakob laɗta ni tarage? Ka ni Samariɗi su? Li ma vi Yuda ma kolo mbuyna ni manage? Ka ni Yerusalemɗi su?

SOFONI 1:5

An hin bulum suu goɓ kaŋga kay mbura kolora fok ciciwra, faɗta, u tilna kiyo, u suu goɓ kaŋga fok Yawena lay, suu hin suu tasi u sem loosina, Melekŋa, lay.

SUNDA 18:25

Nam haɗ voɗta vi Bu Suuna u voɗoɗu, yalna kam cocoo, haɗta nam haɗara, boy ma nam damma lay ni di ki kay sem Yesu gasi na ɗegee. Doli nam wi ni batem ma vi Jaŋŋa hol.

SUNDA 19:23

Hu fali ndaɗta ni honira ŋgola col kolo kay voɗta vi Bu Suuna.

SUNDA 19:9

Suu daŋŋa dukusi ɦiw ni min vi boy nammaɗi, duk suu tokina ni asi ŋgul voɗta vi Bu Suuna. Pol hinisi yi suu haɗina umu, haɗasi boyna hu buuna tew tew hu zira haɗta vi Tiranussa.

SUNDA 24:14

Ni an wi ki kan fokoŋ tani anaba, an sunni Lona vi somoyomi ma jewna u voɗta wilira, ta asi di kaɗ ana ka u voɗoɗɗira. An vi u boy ma ɓiiri hu magaara gaɗta halaŋ u suu jok vun Lonna lay.

SUNDA 9:2

joɓom kay magaara a tuɗ hu Zira Tokka vi suu Juif suu Damasna, kay lini nam fi suuna njufina u boyogina suu vi u voɗta vi Bu Suuna na, nam njunusi ay mbaarasi hu Yerusalem.

GA 8ATAMBARA 33:11

Yawe mbuɗusi saɓak masina fok hu nde olo, golosi sun masira asi laɗ u bik kosira jiviya, suu babali masisina aŋ toosi saɓakasi kiyo, ka suu gonokka u asina col fokosi oloɗi.

GA 8ATAMBARA 9:21

Cora agi laɗ min goo mbutlna ndaɗta, an tlam ŋgalam kiyo, gulukum butum ki na gelek gelek, an cukum butum ha ki duk mbo ma ɓaɗ ay kolo kay ɦinira na.