AMOS 8:10 - Boy Lonana

¹⁰ An hin mbuɗugi poy magira ki hahawra, soolla agi gaɗta hin mbuɗ ki ni yoo tara. An hin tinigi sawalna kay ufurugiya. An hin welegi yagi ki halaŋ halaŋ, agi hin ziriɗ ko ndal hahawra laɗ kay maɗ goo ma dewnara na, dlara hin mbay daganda hin li ni ko buu ma yoo tara na.

AMOS 8:10 ပူးပေါင်းရင်းမြစ်များ

URA TIN AYRA 21:16

Ndaɗ tuɗ kak ha ki na day, pereɗ iriɗ ay eg goona na, duk ɦoŋosi ki ko ndal sana mun mbuura, ndaɗ tuɗ ndi hura na ga. Ndaɗ di ana, «An ka wi maɗ goronna u irinɗi,» ndaɗ gijaŋ tiira.

JOB 20:23

Hu li ma nam ka hoɓ hayam nana, Lona hin gi yaamba ay kamu. Ndaɗ hin si kam ko ndal mbona na.

JOB 3:5

Ko ndufunda ŋgolla kuluɓ buu namma kiyo. Ko ɗugulla doɓ lokka kuluɓ ki ii buu namma. ɗowba faɗta kuluɓ ki ndufunda hu buu namma.

JOB 30:31

Diŋ manna bu ni soolla hahawra. Dif manda bu ni soolla tiina may.

EZAYI 3:24

Mbul ma hisna hin mbuɗ hisni tlesuu buuyna, gandina hin mbuɗ ni zewna. Yamba gira hin kaa ni godlokka. Hin baraw ma jivina ki tani hin cukŋi baraw bolna. Jivira hin ki tani asi mbuɗ ki coo.

JEREMI 2:19

Ko cookka lasaku, ko dla cookka gaɗak vunuku. Ko dla cora lasak na ta ta faɗak ki na toŋ, kay noyra ndak noy Bu Suuna, Lookŋa, kira. Gasi, ndak lay ni ka dlak ndaa fokon oloɗi. Yawe Lona, ma Saɓakŋa Kom Belna, di na.

JEREMI 48:37

Na ɗaŋŋi asi wel yasi ki halaŋ lay ka ko ŋgusugina ki halaŋ lay, cal hu duk kosi ki lay, njun baraw bolla hurusi may.

JEREMI 6:26

Agi suu mansina, cukugi baraw bolla egegiya. Bulumugi tagi kaŋga duk buɗna. Ko ndal maɗ goo ma dewna na lagi doona, yoorogi tagiya. Kay ana kak njokŋi sa ci suuna hin mba kaygiya.

YOORA 5:15

Furira hurumira seŋ ki wa. Njoŋ ma ami luurumma mbuɗ ki ni yoo tara.

EZEKIYEL 7:18

Asi njun hurusi ki u baraw bolna. Tasi mbuɗ ki ndaa cocoo. Yasi ka tli ki kolo ko zolonaɗi lay. Asi kaa yasi ki godlokka halaŋ halaŋ.

EZEKIYEL 7:2

«Aŋ goŋ sanna hum haa, Bu Sunna, Yawe, ɓak ndaŋgara Israella ana, Ni daɓpa, buu ma daɓpa ndak ha ki ni keŋ ndaŋgara fiɗi halaŋ.

Magaara Vi Sa Jok Vun Lona OZE 2:11

Kay ndaɗta an hin hoŋ ay yow waanna hu liimu. Sum veŋ man ma wilina hu tilim may, an ɓaɗ baraw ma cili u tlimiɗ timigiina u baraw dlemba man ma ŋgayaɗ gin siili maɗtana kiyo.

Magaara Vi Sa Jok Vun Lona OZE 2:13

An hin bulumuɗ furi maɗta kiyo, luu maɗna lay, vun til maɗna lay, buu maɗ ma sabbatna lay, tok maɗta daŋga zeɗ zeɗta lay ki halaŋ halaŋ.

JOEL 1:8

Oya, ko ndal goo wayra u doona egeɗ tii maɗ njufuɗ ma u wayaɗna na.

DLAŊ LEVIRA 13:40

«Lini sana tlimiɗ yam kaɗi, yam koo ki wa ni, nam ki ni teteɗ.

AMOS 5:21

An ka mindi. An ka min poy magiraɗi. An ka min a his tok magira cuk ay kanɗi lay.

AMOS 5:23

Ҥuɗugi vun magi ma agi lam u soolla kuuna ha ki egenu. An ka min hum del diŋ magi ma luunaɗi lay.

AMOS 8:3

Suu gi soolla hu zirana hin oy hu buu namma. Yawe, Loonna, di na. Suuna bolowo hin miɗ kiyo, vun suuna hin seŋ ki hu lina bel.»

NAHUM 1:10

Kay asi cecemmi ni hinni ko wayra tligiɗi eg taɗta na. Hu liisi ma cira asi ki gurɗiya. Kura hin ŋgalasi ki halaŋ ko mal ma ki sooy jivina na.

ZAKARI 12:10

An hin njay ŋgus mayra saara jivira u giyamba kaŋgara kay ziŋ Davidna u suu Yerusalemma. Na ɗaŋŋi asi hin golonu sa asi cokomma. Asi hin tiirim matam ko ndal goo ma dewna na. Asi hin tii kam ko suuna tii kay goo ma vuɗ jewna na.

GA 8ATAMBARA 16:14

Agi li furira u goryogi suu njufiina u suu tamagina suu sun magi suu njufiina u boyogina, koyogi suu mba varagina u njaf suu vi Levi suu cuki dukugina, kemba kuyura u boyogi suu donona halaŋ, suu ka hu ɦoŋzi maginana.