AMOS 7:4 - Boy Lonana

⁴ Gola ni dlara Bu Suuna, Loonna, takandara. Bu Suuna, Loonna, min a kaɓakŋa u kura ka ŋgal hu zul ŋgollara ta ka ŋgal yam mbassara.

AMOS 7:4 ပူးပေါင်းရင်းမြစ်များ

EZAYI 27:4

Hurun ka u ya oloɗi, lini an fi gi wayara ugi meera fokon lay ni an tuɗ ha kolo kasiya. An hin ŋgalasi ki ko tasi halaŋ.

JEREMI 21:12

Suu vi Davidna, Yawe ɓak anaba, kaɓak ma ɗegeena maɗii hu buuna tew tew, buɗugi suu suu saɓakŋa lasasina kiyo. Li ka naɗi ni yaanda hin mba kagi ko ndal kura na. Ndaɗ hin ŋgal lina, sa ka ndak a caɗ kiɗi, ko dlaasira cora asi laɗta.

JEREMI 4:4

Ҥagi hurugi ki maŋ Yawe. Cukugi dla cora hurugira kiyo, suu vi Yudana u suu Yerusalemma. Li ka naɗi ni yaanda hin njay ki kagi ko kura na. Ndaɗ hin ŋgalagiya, sa ka tew a caɗ kiɗi ni kay dla cora agi laɗta.

EZEKIYEL 21:3

Aŋ di gura Negebpa ana, ndak hum boy ma vi Yawena haa. Bu Suuna, Yawe, di ana, gola an min gak kura ay dukuku. Ndaɗ hin ŋgal ŋgusugi suu ŋgolomma u suu sooyna kiyo. Ku ndaɗta hin ka tewɗi. Ndaɗ hin ŋgal sene ma vi suu dalinana ki halaŋ ta ta tuɗ tew ay ki ii ma mbayawna.

JOEL 1:19

An yi ha ni egeŋu Yawe, kura ka ŋgal haɗ ma hu fullana kiyo, sin kura ka ŋgal ŋgusugi suu hu senenana ki halaŋ halaŋ.

DLAŊ LEVIRA 10:2

Kura col ay fok Yawe mba ŋgalasi kiyo. Asi jak miɗ ki hu li namma fok Yawe gaw.

AMOS 1:4

An hin cuk kura kay ziŋ Hazaelna ndaɗ hin ŋgal zigini suu vi Ben Hadadna kiyo.

AMOS 1:7

An hin cuk kura kay kaa ma Gazana, ndaɗ hin ŋgal ziginina ki lay.

AMOS 2:5

An hin cuk kura kay Yuda, ndaɗ hin ŋgal zigini suu Yerusalemma kiyo.

AMOS 4:11

An bulumugi ki ko ndal Lona bulum suu Sodom u Gomorna kira na lay. Agi ay ni ko ndal vun guna ɓaɗam ay ki duk ku zinana na, na may agi hoŋ ay ka egenɗi. Yawe di na.

AMOS 5:6

Zi ma vi Yosefna, halagi Yawe, agi hin kak iiriya. Gologi tagi jiviya ka nam tak saɓakam ki, ko ndal kura ŋgal tlena, sa ka caɗ kiɗi hu zi ma Bethelna na.

AMOS 7:1

Gola ni dlara Bu Suuna, Loonna takandara. Nam mbuɗ baara hu li ma usuna gijaŋ dayrana. Ni hu li ma usuna day ay balam mulna hu li ma nam si haɗ ma jewna ki huna.

AMOS 7:7

Gola ni dlara nam takanda an waɗta, Bu Suuna u tamba coli kolo kay gulumunna, u zew ma ɗegee gulumunna kom viiya.

MISE 1:4

Ҥinira law ki kaŋga u semu, zulla ŋgolora tos ki ko daɓaŋga kura lawaɗ kira na, ko yo ma ay kolona ɓaɗ ay kaŋgara na.

NAHUM 1:6

Sa ma hin fi saɓakŋa a col fokomma ni gege? Sa ma hin col fokom a duu u nam hu li ma nam ki mbuɗi yarana ni gege? Yaamba sulul ni ko ku zinana, gogoyra loɗ ha ki fokom lay.

NDUMBA 16:35

Kura col ay eg Yawe mba ŋgal suu 250 suu ŋgal mbitla his jivira ay kosina ki halaŋ.

GA 8ATAMBARA 32:22

«Yaanda col ay hurun ko ndal kura na, ŋgal ta ta tuɗ tew ay ki eg lina vi suu miɗina, ndaɗ ŋgal ndaŋgara ki u tlege suu kaɗna halaŋ. Ta ta kura tuɗ tew ay ki eg u ɦinira ay ŋgaari kaŋgara.

HEBRENA 1:7

Gola ni boy ma Lona dam kay suu sunda huulona, «Lona li suu mam suu sunda huulona ki semeɗna, suu sunumma nam lasi ki sin kura.»

WIRA ŊGAYRA 4:1

An wi va ma daŋŋa tak tam irinu, gola ni vun zira ha ki mali kolo huulona. An hum della soo ay kolo huulona ko dif tokolomma ɓakan ay jewra na, dan ana, «Ful ay kolo tani, an min takaŋ dlara hin mbay fokka.»