AMOS 7:17 - Boy Lonana

¹⁷ Ni kay ndaɗta Yawe ɓak anaba, Caaŋga hin ndi ki gawlaŋga hu ɦoŋzina, goryoŋ suu njufiina u suu gorɓiina hin casi ki u ŋgewra, ndaŋga maŋga hin ɓorowoɗ ki u zewna. Aŋ may ni hin miɗ ki ni kay ndaŋgara cora, suu Israelna hin yowosi tuɗusi ha ki eg ndaŋga masira na day.»

AMOS 7:17 ပူးပေါင်းရင်းမြစ်များ

2 MULINA 17:6

Tew hu basara dleeŋera a Oze kaki hu mullara, mul ma Asirina ndug Samari, yow suu Israelna ha ki mbaɓura hu Asiri. Nam cukusi ha ki hu Hala may, ha ki hu Gozan li ma mbo ma Haborna ɓaɗ ha huna may, hu ɦoŋzi ma Medina may.

SOOLLA 78:55

Nam dikisi suu daŋŋa ha ki fokosiya, nam ɓorow mbassa ki maŋ suu Israelna, nam cuk dee suu Israelna hu ziisina halaŋ halaŋ.

EZAYI 13:16

Goryosi suu gorina hin casisina ni irisi na gok gok, ɦurumusi ziisi ki lay, buu u boyogosi u saɓakŋa lay.

EZAYI 22:18

Hin ɗakaŋ ko suuna a ɗak guna na, lagaɗaŋ ko suuna a ci ballara na. Aŋ hin miɗ ni ko ndaɗta na u pupus maŋ ma jivi cocona, aŋ hin mbuɗ zolona taraŋ vi sa ŋgol maŋŋa.

JEREMI 14:16

Suu asi ɓakasi dla ndaɗta nana hin cuk ki kaŋga keŋ voɗta Yerusalemba ko baktara u ŋgewra. Sa hin ka tososi maɗasiɗi lay. Asiya, boyogosiya, goryosi suu njufiina u gorɓiina ko ndaɗta na an hin cukusi coosira kasiya.»

JEREMI 20:6

Aŋ taŋga, Pasehur, u suu maŋsina halaŋ, aŋ hin tuɗ ki mbaɓura, aŋ hin tew ki hu Babilon aŋ hin miɗ ki ni huwa. Asi hin tosoŋŋi huwa. Gasi aŋ u banayaŋ suu aŋ ɓakasi boy ma kaboynana halaŋ halaŋ.»

JEREMI 28:12

Ŋgoo dagan hu li ma sa jok vun Lona, Hananiya, kus mbal ma ay gii kel sa jok vun Lona, Jeremi, kina, Yawe ɓak boy mamma maŋ Jeremi.

JEREMI 28:16

Na ɗaŋŋi, Yawe ɓak anaba, an hin dikiŋ ki kay ndaŋgara. Aŋ hin miɗ ki hu basa ndaɗta kay ana aŋ ɓak boy ma suuna yow duuna u Yawena.»

JEREMI 29:21

...Gola ni dlara Yawe, ma Saɓakŋa Kom Belna, Lona vi suu Israelna, daɗ maŋ Ahab ma goŋ Kolayana, maŋ Sedesiyas ma goŋ Maaseyana suu ɓakagi boy ma kaboyna u senna. An hin ɦasi ki ko Nabukodonosor mul ma Babilonna, nam hin casi ki irigiya.

JEREMI 29:25

Na ɗaŋŋi Yawe, ma Saɓakŋa Kom Belna, Lona vi suu Israelna, ɓak anaba, aŋ sun ay kay suu ka Yerusalemma halaŋ, kay mul ma li ɓivunna, Sefaniya ma goŋ Maaseyana, kay muli suu li ɓivunna halaŋ lay, magaara ɓiirira u seŋu.

YOORA 5:11

Asi buu u boyogi suu vi ndarayasinana hu Siyon. Asi ɓeŋ gorɓiina ki hu ɦoŋzi ma Yudana.

EZEKIYEL 4:13

Yawe di ana, «Ko ndaɗta na may suu Israelna hin tuɗ ti ti ma njenjena ha ki duk njaf suu daŋŋa suu an hin njayasi ha ki dukusina.»

Magaara Vi Sa Jok Vun Lona OZE 9:3

Asi hin ka tew a kak hu mbassa vi Yaweraɗi. Efrayim hin hoŋŋi hu Egipte, hu Asiri ni asi hin ti ni tlesuu njenjena.

AMOS 6:7

Ni kay ndaɗta cecem wanda, asi hin yowosi ki fok jew suu a yowosina, ni na hin li luu ma furira kay suu ka li sunɗina daɓ ki wa.

AMOS 7:11

Jeroboam hin cam ki u ŋgewra, suu Israelna halaŋ hin yowosi tuɗusi ha ki eg ndaŋga masira na day.»

AMOS 8:1

Gola ni dlara Bu Suuna, Loonna, takanda an waɗta, kaalamba u vuɗ tlesuu vun wallana huruɗu.

AMOS 9:1

An wi malanna coli kolo kay givin ma togolla, di ana, Waɗ yam goŋga, vun goŋga hin geŋeɗa. Yow suu ŋgolo suu fok ndarayasinana ki halaŋ. Suu hiŋŋa an hin casi ki u ŋgewra, sa dukusi dew lay hin ka tew a ŋgay tambi, dukusi ni sa dew lay hin ka suɗɗi.

AMOS 9:8

Gola ii Bu Suuna, Loonna, ka tini kay mulla dlara vaɗta, an hin bulumuɗ ki kay yam ndaŋgara, na may ni an hin ka bulum ziŋ Yakobma ki halaŋ gawɗi, Yawe di na.

MISE 1:16

Wel yak kiyo, ŋgaɗ tlimiɗ yak ki kay goryok suu ndak minisina. Mbuɗ yak ki kak ko yam kokolora na, kay ana asi ha ki tuɗi hu mbassa daŋga egek day.

ZAKARI 14:2

An hin tok suu eg Yerusalem tok tokŋa a col duuna. Hin tli ɦoŋzina, hin to ziginina ki kaŋga may, ɓeŋ boyogina ki may, ŋgol suuna hin tuɗ ki mbaɓura, na may usira hinda hin ka casi ki ɦoŋzina oloɗi.