AMOS 6:2 - Boy Lonana

² «Asi di ana tuɗugi ha Kalani gologiya, hu li namma agi hin tuɗugi hu Hamat ta ŋgolla, hin jakagi ha Gat ta vi suu Filistinnara, na ni ɦoŋzi namma bege suu suu muli suu wanna su? Ndaŋga masira ŋgol suu ndaŋga magira su?»

AMOS 6:2 ပူးပေါင်းရင်းမြစ်များ

URA TIN AYRA 10:10

Ҥoŋzi namma ŋgolo ma jewna ni Babel, Erek, Akad u Kalne, hu mbassa Sinear.

2 SAMUEL 8:9

Toow, mul ma Hamatna, hum ana David ci asgaa suu vi Hadadezerna ki halaŋ halaŋŋi.

1 MULINA 8:65

Hu li namma gaw ni, Salomon li luu ma vun mbutluɓma ki hu gaw may. Suu Israelna tok ay ni halaŋ halaŋ, col ay Lebo-Hamat ii ma mbayawna ta ta fun mbo lum ma Egiptena ii ma dalina. Asi li luuna fok Yawe, Looygina, buuna kiɗisiya, asi hin li buuna kiɗisiya olo, buuna halaŋ doogo yam fiɗi.

2 MULINA 17:24

Mul ma Asirina yow suu Babilonna, suu Kutana, suu Avana suu Hamatna u suu Sefarvaimma nam cukusi ki hu ɦoŋzi ŋgol ma Samarina balam suu Israelna. Asi mba vi ziisi ki hu Samari.

2 MULINA 17:30

Suu Babilonna min loosina ni Sukot-Benot, suu Kutana loosina ni Nergal. Suu Hamatna loosina ni Asima.

2 MULINA 18:34

Loogi suu vi Hamat u Arpadna ni arage? U ma vi Sefarvaim, vi Hena, u Ava ni ara mayge? Asi hin buɗun Samari ki konni buɗ su?

2 MULINA 19:13

Muli suu Hamatna, suu Arpadna, u mul ma hu ɦoŋzi ma Sefarvaimma suu Henana u suu Avana ka ni arage?»

2 DLAŊ MULINARA 26:6

Oziyas tuɗ duu u suu Filistina. Nam to gulumun ma Gatna kiyo, ma Yabnena u ma Asdodna lay. Nam hin min ɦoŋzi ŋgolo ma daŋ ma ŋguy kay Asdodna ki saɓak may ni hu mbassa vi suu Filistinna.

JEREMI 49:23

Kay Damas ni gi Hamat u Arpad mbuɗ ki zolona. Ni kay ana asi hum boy ma cona. Asi mbuɗ ki yara ko mbo lumma ŋgolna sululla na. Kal ki saɓak yara cocoo, ka ndak a kak enɗi.

NAHUM 3:8

Va ma ndak hin suu ki kay Thebes hu li ma ndaɗ ay ki duk yo lumma Nilna, yona ŋguyuɗ yaɗ ki na cutl lay, mbo lum ma ŋgolna giira kaɗ ko ndal liwra na, suu mbo lumma ŋgolna ki ŋguyra kaɗ ko gulumunna na. Ninive suuɗ su?

1 SAMUEL 17:23

Nam ɓak u asi tu na ni, gola ni ay duk suu Filistinna sa ma saɓakŋa yam ana Goliyat, sa ma hu Gat ta Filistinda. Nam ɓakŋi boy ma dewna David humum vunumu.

1 SAMUEL 17:4

Sa saɓakŋa ɦayna kal ay ki hu kaŋŋa vi suu Filistinna. Sem ana Goliyat. Nammi sa ma Gatna. Fiyekem ii metre hindi.

1 SAMUEL 5:10

Asi sun Zanduk Lonara ha ki hu Ekron. Na may ni hu li ma Zanduk Lonara tew ha ki hu Ekronna, suu Ekronna yi kolo u delesi eŋga ana, «Asi jokoygi Zanduk Lona vi suu Israelnara ay varaygi a caygi kira wa, an u suu mansina.»

1 SAMUEL 5:8

Asi yi muli suu Filistinna halaŋ tokosi varasi dasi ana, «Aygi ndak li Zanduk Lona vi suu Israelnara ni nanage?» Asi hoŋ dira ana, «Hoŋoygi Zanduk Lona vi suu Israelnara ha ki hu Gat.» Asi hin jok u Zanduk Lona vi suu Israelnara kiyo.