AMOS 6:11 - Boy Lonana

¹¹ Gasi, gologi Yawe ka ɦal gaɗta. Nam waɗ na ni zira ŋgolla bow kaŋga gaw, ta goora wak ki lay.

AMOS 6:11 ပူးပေါင်းရင်းမြစ်များ

2 MULINA 25:9

Nam ŋgal Ziŋ Yawera kiyo, ŋgal ziŋ mulnana ki may, ŋgal zi ma Yerusalemma ki halaŋ halaŋ, to zi ma vi suu ŋgolonana ki bel bel.

SOOLLA 105:16

Nam gi may ŋgolla kay suuna, nam yowosi tlesuu tira ki kasiya.

SOOLLA 105:31

Nam ɓak u vunum na ni lolona u furutna oy ki hu mbas masira.

SOOLLA 105:34

Nam cukusi baa jeena ki hu mbas masira, njonjoŋŋa ka ndumbi.

DI BOLLA 10:18

Sa ma zolomba yam ziimba cuɗ tew tew. Nam a malaɗta ni yona cuɗ um kalafiya.

EZAYI 13:3

An u tanda ɦal voɗta maŋ suu man suu li tasi ki teteɗna. U hurun ma ɓeŋ kina an yi suu duuna ay wa, ni suu ka furi a ŋgaanna.

EZAYI 55:11

Boy manna ni ko ndaɗta na may, hu li ma nam kal ay ki fununna. Nam ka hoŋ ay egen bay li vaɗi, ka hin bay li dlara an miniɗta kiɗi. Kay ndaɗta an dammi na.

AMOS 3:15

An hin mba dla cora ɦoŋzina hu til semeɗna may hu til faɗta may. Zigini suu mini jivi cocona hin bulum kiyo. Zigini suu mini ŋgolona hin bow ki may. Yawe di na.

AMOS 5:11

Na ɗaŋŋi agi yowogi tlesuu vi sa maŋinana kiyo, agi yowom ii waam ma ki lay. Zigini mam suu mini u gogoyra ceɗirana agi hin ka kak huɗi. Ŋgus gugutlu mayra jivira agi paɗta hin ka cagira sumuɗɗi.

AMOS 6:8

Yawe, Lona ma Saɓakŋa, suu tam di ana, anni ma a Yakob ŋga tam u namma, an noyom hu ziimu an hin hinim ɦoŋ ziimma ki u ŋgolom halaŋ. Yawe di na.

AMOS 9:1

An wi malanna coli kolo kay givin ma togolla, di ana, Waɗ yam goŋga, vun goŋga hin geŋeɗa. Yow suu ŋgolo suu fok ndarayasinana ki halaŋ. Suu hiŋŋa an hin casi ki u ŋgewra, sa dukusi dew lay hin ka tew a ŋgay tambi, dukusi ni sa dew lay hin ka suɗɗi.

AMOS 9:9

Gasi, gologiya, an hin ɦal voɗta, an hin dlamaɗ suu Israelna duk ɦoŋ suuna halaŋ ko ndal yik wana hu bewra ka hin ŋgetlna cuk kaŋga duk kira na.

NAHUM 1:14

Yawe di kagi agi suu Ninivena ana, hu njafagi ma hin daganna sa hin ka tin sem ana Ninive oloɗi, an hin to tlesuu agi ceɗesi may, yoorosi mayna ki hu zira vi loogi magisinara, an minigi ni zulugi kay agi ka nek oloɗi.

ZAKARI 14:2

An hin tok suu eg Yerusalem tok tokŋa a col duuna. Hin tli ɦoŋzina, hin to ziginina ki kaŋga may, ɓeŋ boyogina ki may, ŋgol suuna hin tuɗ ki mbaɓura, na may usira hinda hin ka casi ki ɦoŋzina oloɗi.

MALASI 1:4

Yawe, ma Saɓakŋa Kom Belna, di ana, «Lini suu Edomma di ana, Ami ki ɓeŋiya may ami hin hoŋ tlegeyemi kolo minda. Ko asi hoŋosi kolo minda may, an tanda hin hawaɗasi ki may. Hin tinisi sesi ana mbassa sulukŋa, suu Yawe hurum ka heɓ ki egesi na zakgina.

Boy Ma Ayra Ma LUK Ɓiirimma 19:44

Asi hin hawaɗaŋ ki kaŋgaa, caŋ suu maŋŋa ki halaŋ lay. Ҥini ta dew hin ka a li jaki kolo kay ndaraɗɗi. Asi hin tooɗ ki kaŋga halaŋ, kayme aŋ wi buu ma Lona mba a njun uŋ huna kaɗi.»