AMOS 6:1 - Boy Lonana

¹ Hahawra ka kay suu tin u heɓ masira kay Siyonna. Suu ɦal hurusi a kak u heɓpa kay ɦinira Samarira. Asi suu ŋgolo suu jew duk suunana. Suu hu zi ma Israelna mbay ni egesiya.

AMOS 6:1 ပူးပေါင်းရင်းမြစ်များ

1 MULINA 16:24

Ŋgoo dagan nam hin gus lina ko Semer. Nam gusum mbura Samarira ki komu u gursura buɓ buɓ karkiya. Nam min ɦoŋzi ŋgolna kay mbu ndaɗta tin sem ɦoŋzi namma ana Samari. Ni u sem Semer sa ma nam gus li namma komma.

SOOLLA 123:4

Ŋgulla ndakami ki wa. Ŋgul ndaɗta hoɓomi kiwaɗi. Suu ɦizina panami ni pani ɦawaa.

VUN ŊGOLNA 1:32

Wira ka min a wi vaɗira ci suu giniŋŋa kiyo. Tara ka tuɗuŋ ko dlaɗira ɓalak suu giniŋŋa kiyo.

EZAYI 33:14

Suu li dla cora suu hu Siyonna puk kaŋgaa, asi ka li ndaana ko ndaŋgara geŋeɗta. Asi di ana dukuygi ni sa ma hin colna ni gege? Kay ni kura ŋgalla sa ma dukuygi ma hin colna ni gege? Kay ni zul ŋgolla kura ta uɗ ka doɗira.

JEREMI 2:3

Israel ni va ɗogom maŋ Yawe na. Vuɗ tlesuu jew suu ɦamsina mamma, gegelay ma tasina dla cora famu, dla cora mbay ŋgafamu. Yawe di na.

JEREMI 48:11

Moab ay kakira na en u goroɗ day. Ndaɗ koɗ taɗ ni hu zuluɗu. Day day ni sa jokoɗ uɗ kaki hu gegel ma daŋgi, a di gasira ni ndaɗ tuɗ ay ka ki mbaɓu buu dewɗi lay. Na wanni yulumum ka ni eg liiɗu, ndaɗ ka ni eg liiɗ a fafaɗta.

JEREMI 49:31

Cologi kolo tuɗ duurugi u njaf suu ka saa kay sa na ndeɗina, ka ci way kay dla na ndeɗi layna. Yawe di na. Vun goŋga ka kosiɗi lay, gu ma fun goŋgana ka kosiɗi lay. Asi ha ki colira ni keŋe.

JEREMI 5:5

An hin tuɗ ni eg suu ŋgolona na ɗow a ci wayra u asiya. Asi ɗow kala wi voɗta vi Yawera, gaɗta vi Loosinara. Na may ni suu daŋŋa ko suu hiŋŋana ni kus jug ma gii kelesina kiyo, bulum banara dukusira kiyo.

JEREMI 7:4

Halagi boy ma mbambara a hoŋogi dira ana, «Ni ziŋ Yawera, ni ziŋ Yawera, ni ziŋ Yawera. Nam ki tani wanna.»

YOORA 1:1

Ni nana ndaɗ kak ha ki keŋ ge, ɦoŋzi ma suuna hurum cocona, nama mbuɗ ki ko cara donora na. Ndaɗ mayra li ndumuɗ ay duk njaf suuna a mulla hu ɦoŋzi ma gorinara. Ndaɗ jivira ni a mbaɓura.

AMOS 3:2

An wagi ni agi kay tagi hol, duk suu kay ndaŋgarana halaŋ, ni kay ndaɗta agi hin ɓakagi dlaagira cora ki fokon halaŋ.

AMOS 3:9

Tiirigi kay zigini suu hu Asdodna, kay zigini suu hu mbassa Egiptera dagi ana, tokogi tagi kolo kay ɦinira Samarira, gologi dla co mayra zeɗ zeɗta toki hura, dlara tiitara ka huruɗ cocoo.

AMOS 4:1

Humugi boyna haa, dogoni mbutli suu Basanna, agi suu ti haɗna ay kay ɦinira Samarira doorogi suu maŋina kiyo, lasagi suu hawra lay, dagi malayagina ana, ɦal ay tlesuu cira.

AMOS 5:27

An hin yowogi tuɗugi ha ki ŋgoo Damas dagani, Yawe di na. Lo ma saɓakŋa ni semu.

AMOS 8:14

Suu suu tasi u loogi suu vi suu Samarina suu di ana, «Ko Looŋŋa kak iiriya, Dan,» ɗowba, «Saɓakŋa vi Bersebana ka a fafaɗtana,» hin ndi kaŋgaa ka col kolo oloɗi.

AMOS 9:10

Suu man suu dlara vasina halaŋ hin miɗ ki ni maɗ ŋgewra, asi di ana, «Nam hin ka mbayɗi, dla cora hin ka mba kaygiɗi.»

MISE 3:1

An di ana, «Humugi ha ɗaŋ muli suu vi Yakobma, suu kaɓakŋa vo vi Israelna, agi a wi ɗegeera ni agiɗi su?

SOFONI 1:12

Hu buu namma wanni an hin hal huu zi ma Yerusalemma ki u kura konu, an hin kaɓakŋa kay suu kak hu li ma didiŋga ɓak tasi hurusi kurufu ana Yawe hin ka a li va ma jiviɗi lay, ka a li va ma coɗi lay.

Magaara JAK Ɓiiriɗta 1:18

U min mamba nam ɦaygi iirira u boy ma gasina, kay tlesuu nam lasi halaŋŋa aygi mba li suusiya.

Magaara JAK Ɓiiriɗta 5:5

Hu ndaŋgara tani agi kaki hu li ma jivina u furira. Agi vagi tagi mbulna ni kay juɓ buu ma ŋgaɗta.

1 PIYER 5:7

Tokogi yoo magira halaŋ kay Lona kay ndaɗta nam hin gologiya.

SUU KAƁAKŊA 18:7

Suu vadl asina jak foko tuɗ hu ɦoŋzi ma Laisna. Suu Laisna laki jivi u heɓpa ko ndal suu Sidonna na. Asi laki jiviya, va ma ŋgenesi kaɗi lay. Mul ma ɦeɓesi kaɗi lay. Sa ma ɦuɗ tam ay egesi a kak mul kasi kaɗi lay. Suu Laisna ki cuki ni na day eg suu Sidonna. Asi ka cuki kay saɗi.