AMOS 5:7 - Boy Lonana

⁷ Asi mbuɗ ma ɗegeena ki va ci suuna bulum gasira ki kaŋga duk ndaŋgara.

AMOS 5:7 ပူးပေါင်းရင်းမြစ်များ

SOOLLA 125:5

Na may kaɓakŋa kay suu goɓ loogi suu ɦawana, ko Yawe dikisi ha ki u suu cona halaŋ. Heɓpa kay suu Israelna.

SOOLLA 36:3

Nam maa ki kay dla coomba, nam saa ana Lona ka wam coombaɗi.

VUN ŊGOLNA 21:7

Kormodlara vi suu dlasi cona tuɗusi ni hu li ma baasi kina, kay asi ka min a poy poyra ɗegeeraɗi.

EZAYI 1:23

Muli maŋsina mbuɗ ni suu babalira, taɓ vunsi ni u suu kulna. Asi halaŋ minni tlesuu suuna ɦasisinana. Asi cuɗ ni sem li ma a fi warakŋa huna. Asi ka li kem suu kuyuna jiviɗi, ka hum tii ma vi boyogi suu dononaɗi lay.

EZAYI 10:1

Hahawra ka kay suu tin gaɗta bay uɗta. Hu li ma asi ka ɓii gaɗ ndaɗta, asi ɓii ni dla cora kasi na ɗow.

EZAYI 46:12

Humungi vunun haa, agi suu yagi kaɗina, agi suu may suu ka min dlara ɗegeeraɗina.

EZAYI 5:20

Hahawra, asi yi jivira ki a cora, yi cora ki a jivira may. Asi mbuɗ ndufunda ki a kiɗikka, mbuɗ kiɗikka ki a ndufunda may. Asi mbuɗ va ma galaana ki a ma heɓma, mbuɗ ma heɓma ki a ma galaana may.

EZAYI 5:7

Sene gugutlu ma vi Yawe, ma Saɓakŋa Kom Belna, ni suu Israelna. Tlesuu zaari hu senena irim jivina ni suu Yudana. Nam a lasi ginni jivira, hin fi huni dlara ka jiviɗira. Nam juɓ ginni ɗegeera, hin hummi tiina vi suu hahawra na ɗow.

EZEKIYEL 18:24

Lini sa ma ɗegeena hin dlara ɗegeera ki ta ni li dla cora ko suu li dla cora laɗta na, ni nam hin ndak a kak iiri olo su? Ҥawaa, ɗegeera nam laɗ ay ki fok jewra halaŋ sa ka ndumuɗ oloɗi. Kay cora nam laɗta nam hin miɗa.

EZEKIYEL 3:20

Lini sa ma ɗegeena hin ɗegee mamba ki li dla cora, sa namma an hin gam ki kaŋgaa, nam hin miɗ kiyo, ni kayra aŋ neem yam kaɗira, ɗegee mamba nam laɗ ay ki fok jewra sa ka ndumuɗ oloɗi. Na may an hin joɓ busu sa namma ni koŋu.

EZEKIYEL 33:18

Lini sa ma ɗegeena hin ɗegee mamba kiyo, gijaŋ li dla cora ni nam hin miɗa.

Magaara Vi Sa Jok Vun Lona OZE 10:4

Aygi ɓakaygi boyna, suuruygi taygi suura ɦawara, vaygi vunuygi kay dlara ɓak ma ɗegeena wul kolo ko ndal ŋgusu ma ci suuna na kay zum hu senena.

AMOS 2:3

An hin ci saaɗ ma kaɓakŋa kiyo, suu duuna halaŋ, an hin casi ki u namu. Yawe di na.

AMOS 3:10

Asi ka u yal ma li dlara ɗegeeraɗi, suu tok dla cora varasi a ɦurum tlena hu ziisina kira, Yawe di na.

AMOS 6:12

Na ni kulumina jaŋ kay gogoyra su, na ni suuna ndak a zum u mbutlina kay gogoyra su, a agi mbuɗugi ma ɗegeena ki ma cona, vuɗ gu ma jivina ki ma ci suuna su?

MISE 3:9

Humugi boy namma ha ɗaŋ, agi muli suu vi Yakobma, suu kaɓakŋa vi Israelna asi suu mbuɗugi boy ma jivina ki balam dla corana, dlara ɗegeera agi mbuɗuɗ ki gunira na ɗowna.

HABAKUK 1:4

Na ɗaŋŋi gaɗta hin heɓ kiyo, sa ma ɗegeena hin ka wi buuna u irimbi. Hu li ma sa ma cona ɓak mamma li ki jivira su ma ɗegeena, ma ɗegeena dlaamba hu buu namma ki bulumiya.

SOFONI 1:6

An hin bulum suu ɦal ŋgorosi maŋ Yawe ka pereɗ irisi ay egembi layna kiyo, ka halambina, ka joɓom va kombi layna.

GA 8ATAMBARA 29:18

Lini sa maa dukugi hum boy dla galam ndaɗta, hin ɓak tam hurum kurufu ana, «Boy ka oloɗi an buɗ ki wa, an ndak li dlara u min manda ɗaŋ. Lini an li yan eŋ lay ni an fi paɗ vunna ki wa.»