AMOS 5:6 - Boy Lonana

⁶ Zi ma vi Yosefna, halagi Yawe, agi hin kak iiriya. Gologi tagi jiviya ka nam tak saɓakam ki, ko ndal kura ŋgal tlena, sa ka caɗ kiɗi hu zi ma Bethelna na.

AMOS 5:6 ပူးပေါင်းရင်းမြစ်များ

2 SAMUEL 19:20

Di mulna ana, «Ko malanna ŋgaan co ndaɗta kanɗi. Tin humuŋ kay cora saaŋ ma sunda laɗ hu buu ma malanna mulna col ay ki hu Yerusalemma. Ko mulna vi boy namma hurumbi.

1 MULINA 11:28

Jeroboam namma saɓak cocoo, ndaki coco lay. Salomon wi goo zoŋ namma ki ni hu li ma nam ka li sundana. Nam tinim a ŋgolla fok suu ka li sunda hu ɦoŋzi ma vi Josefna.

2 DLAŊ MULINARA 34:25

Kay asi noyon kiyo, hin ŋgal mbitla his jivira ki ni maŋ loogi suu ɦawana. Asi ɓalakan hurun ki u sunda asi laɗ u bik kosira. Yaanda hin ndi kay li namma ni ko ndal kura na ka heɓbi.

SOOLLA 27:8

An saa ni kay Boy maŋŋa, «Aŋ halanu.» An ka halaŋŋi aŋ may, Yawe.

SOOLLA 69:33

Wi dla ndaɗta na ni suu hawra ka furiya, «Agi suu ka hal Lonna, iirira fiyekka ni magiya.»

KALKIRA 22:6

Lini sana ɦal gursura ha ko ndaramma kolo a ŋgayra, ɗowba va ma daŋŋa ha a ŋgayra, suu kulna kul va namma wa, nam fam wa ni sa namma warak sem mba'.

EZAYI 1:31

Ko ndal fuɗ barawra kura ŋgeneɗ wa nde ni ndaɗ ŋgal kira na, na may sa ma saɓak cocona hin ŋgal ki u sun mamba cora ni na may, sa ma hin a tewem kuum ki kaɗi.

EZAYI 55:3

Tinigi humugi huma, mbaagi ay egenu, humugiya ni agi hin lak iiriya. An hin vi u agi ni galamba din dinda. Na daŋ may an saa tew tew kay jivira vi Davidta.

EZAYI 55:6

Halagi Yawe kay nam tak tam irigi wa. Yagina kay nam ka ni na tok daŋ.

JEREMI 38:20

Jeremi dam ana, «Sa hin ka ɦaŋ kiɗi, hum del Yawe u dlara an daŋgara aŋ hin kak jiviya, hin suɗ ki lay.

JEREMI 4:4

Ҥagi hurugi ki maŋ Yawe. Cukugi dla cora hurugira kiyo, suu vi Yudana u suu Yerusalemma. Li ka naɗi ni yaanda hin njay ki kagi ko kura na. Ndaɗ hin ŋgalagiya, sa ka tew a caɗ kiɗi ni kay dla cora agi laɗta.

JEREMI 7:20

Na ɗaŋŋi Bu Suuna Yawe ɓak anaba, yaanda hin li hu li namma kay suu warna u mburina lay, kay ŋgusugi suu duk buburana u vuɗ tlesuu kay ndaŋgarana, ni kura hin ka tew kiɗira.

EZEKIYEL 21:3

Aŋ di gura Negebpa ana, ndak hum boy ma vi Yawena haa. Bu Suuna, Yawe, di ana, gola an min gak kura ay dukuku. Ndaɗ hin ŋgal ŋgusugi suu ŋgolomma u suu sooyna kiyo. Ku ndaɗta hin ka tewɗi. Ndaɗ hin ŋgal sene ma vi suu dalinana ki halaŋ ta ta tuɗ tew ay ki ii ma mbayawna.

EZEKIYEL 33:11

Dasi ana Bu Suuna suu tam u iiri mamba. Di ni Bu Suuna Yawe, an furi saɓaki ni kay miɗ ma vi suu li dla cora su? Ni na ɗow ana sa ma li dla cora mbuɗ poy mamba nam kak iiriya, hoŋogi aya hoŋogi ay hin poy magira cora kiyo, agi min a ba tagi ki ni kay mege, agi suu Israelna?

EZEKIYEL 37:19

Aŋ dasi ana, Bu Suuna, Yawe, di ana, an min tli goo gu ma vi Yosefna ma ka kawi ko Efrayimma u njaf suu Israel suu ay taɓi umma bel. An tuɗ colosi eg goo gu ma vi Yudana. An mbuɗusi ki a gu ma dewna. Asi hin mbuɗ hu duk konni dew may.

AMOS 3:14

Ni hu buu ma an hin kaɓakŋa kay Israel kay dla cooɗtana, an hin kaɓakŋa kay givin ma togolla ma Bethelna, asi hin to mek ma hu givin ma togolla kiyo, nam hin cuk ay ki kaŋgaa.

AMOS 5:14

Halagi dlara jivira, halagi dla coraɗi a agi kak iirira, ko ndaɗta na Yawe, Lo ma saɓakŋa, hin kak u agiya, ko agi dira na.

AMOS 5:4

Ni ko ndaɗta na Yawe ɓak kay zi ma Israelna anaba, halangiya, agi hin kak iiriya.

AMOS 6:6

Ci sum veŋŋa hu koɓma, mbuɗ tasi his fayaɗta u mbul vuɗ tlesuu jewna, na may ka wi ana ni ganyamba a ɓeŋ Yosef kiraɗi.

SOFONI 2:3

Hoŋogi halagi Yawe agi suu hoŋ yagi kaŋga umma, kay ndaŋgara halaŋ agi suu hoŋ yagi kaŋga u gaɗ mamba, halagi ɗegeera, halagi hoŋ yamba kaŋgara, kala agi hin kak u ŋgusuna hu buu ma yara vi Yawena.

ZAKARI 10:6

An hin ɦal saɓakŋa maŋ zi ma Yudana. An hin suɗ ziŋ Josefna kiyo. An hin hoŋosi kolo balamasiya kay ana hurun haɗ kasiya, ko ndal ana an noyosi ka ki gindira na, kay an ni Yawe Loosina. An hin humusiya.

GA 8ATAMBARA 32:22

«Yaanda col ay hurun ko ndal kura na, ŋgal ta ta tuɗ tew ay ki eg lina vi suu miɗina, ndaɗ ŋgal ndaŋgara ki u tlege suu kaɗna halaŋ. Ta ta kura tuɗ tew ay ki eg u ɦinira ay ŋgaari kaŋgara.

GA 8ATAMBARA 4:24

Kay Yawe, Loogina, ni kura ŋgalla, nammi Lo ma hurum ya cocona.

JOSUWE 18:5

Asi ɓorow mbassa ki duk tasi na zeɗ zeɗ kiɗisiya. Yuda tli mbas mamba ii ma dalina na, goryoŋ Yosefna masira ni ii ma mbayawna na may.