AMOS 5:5 - Boy Lonana

⁵ Na may halangi hu Bethelɗi, kalagi hu Guilgalɗi, tlagi hu Bersebaɗi, kay ana li ma Gilgalna hin tlam ki halaŋ, Bethel hin mbuɗ ki suluku.

AMOS 5:5 ပူးပေါင်းရင်းမြစ်များ

URA TIN AYRA 21:31

Kay ndaɗta, asi yi li namma ana Berseba, ni li ma asi suu tasi huna.

URA TIN AYRA 21:33

Abraham pi gu cinda hu Berseba. Hu li namma Abraham gijaŋ cen u sem Yawe, Lo ma Dindinna.

URA TIN AYRA 26:23

Nam col ay hu li namma tuɗ kolo Berseba.

URA TIN AYRA 26:33

Isaak yi sem goloŋ ndaɗta ana Siba, ni kay ndaɗta asi yi sem ɦoŋzi namma ana Berseba ta ta cemi.

1 MULINA 12:28

Mulna fi saara daŋga. Nam yoo gor mbutlina mba' u lorra. Nam di suu Israelna ana, «Agi tuɗ tew tew ni Yerusalemmi gola agi suu Israelna Loogina wanna, ni ma cukugi ay ki hu mbassa Egiptera.»

1 MULINA 12:29

Jeroboam col taa hu Betel dew may, col ta mbara ha ki hu Dan may.

2 MULINA 23:8

Josiyas tok muli suu li ɓivun suu Yudana suu ay hu Geba, ta ta hu Ber-Seba, suu ŋgolo suu hu ɦoŋzi ma Yudana halaŋ, nam ɓalak li may ma teteɗ ma asi li ɓivunna kolo huna ki bel bel. Hu Yerusalem asi hawaɗ li ma ŋgal ɓivunna ma mini kolo fun vun grek ma kay ɦoŋzinana ki lay u ma ka fun vun ma vi Josuwena, sa ŋgol ma hu ɦoŋzinana bik gulu hu vun ma kal ha vona na.

JOB 8:22

May suu babali maŋŋa hin mbuɗ zolona. Mbutluɓ ma vi suu cona ka oloɗi.

SOOLLA 33:10

Yawe, bulum dlara vi njaf suu warna kiyo, dlara suuna saa gin a laɗta nam bulumuɗ kiyo.

EZAYI 29:20

Kay hu buu namma lassa daɓ wa, panna ka oloɗi lay. Suu may suu u saara cora a las ndaryasinana halaŋ ka oloɗi.

EZAYI 8:10

Vagi vunugi kay dlara dla ndaɗta ka hin liɗi. Ҥagi gaɗta a lira may ndaɗ ka liɗi. Kay Lona ka u amiya.

JEREMI 48:13

Moab hin mbuɗ ki zolona ko Kemok ko ndal suu Israelna mbuɗ ki zolona ko Betel ma njun kasina na.

Magaara Vi Sa Jok Vun Lona OZE 10:8

Li ma kolo mbuy ma cona hin bulumum kiyo, suluk ma vi Israel namma. Way virna u wayra hin laki kolo kay otel masi ma li ɓivunna asi hin di ɦinira ana, baa ŋgusuk kamiya, ɦinira asi hin daɗ ana bow ay kaŋga kamiya.

Magaara Vi Sa Jok Vun Lona OZE 12:11

An hin ɓak u suu jok vun Lona, an hin tak tlena ki ii suuna cocoo. An hin ɓakagi ndal boy manna ki fun suu jok vun Lona.

Magaara Vi Sa Jok Vun Lona OZE 4:15

Li ni ndak tak ka Israel li gawlaŋŋa lay ni, Yuda gin ni ka kal taɗ hu dla ndaɗtaɗi. Tuɗugi Gilgalɗi, tlagi ha hu Bethel li ma kuraɗi, suurugi tagi ana, «Yawe ka iiriyaraɗi».

Magaara Vi Sa Jok Vun Lona OZE 9:15

Dla coosira halaŋ tak taɗ ay ki hu Gilgal, ay ni hu li namma day an mbuɗ hurun ki egesi cora ni na gaw ni kay dla coosira asi laɗta an hin dikisi ki hu ziinda, an hin ka minisi oloɗi, muli masisina halaŋŋi suu duu u anna.

AMOS 1:5

An hin weles vun grek ma Damasna kiyo, suu hu zi ma ci maɗna wani an casi kiyo. An hin ci mulna kiyo, sa ka ti mulla hu Beth Edenna, na ɗaŋŋi suu Syrina hin yowosi tuɗusi ha ki hu Kir, Yawe di na.

AMOS 3:14

Ni hu buu ma an hin kaɓakŋa kay Israel kay dla cooɗtana, an hin kaɓakŋa kay givin ma togolla ma Bethelna, asi hin to mek ma hu givin ma togolla kiyo, nam hin cuk ay ki kaŋgaa.

AMOS 4:4

Mbagi ay hu Bethel lagi yara, zulugi u yagira hu Guilgalla ha foko, lagi ɓivunna maɗii tew tew, hu buu ma hindina ɦagi yam waagina.

AMOS 7:10

Mul ma li ɓivunna hu Bethelna, Amassiya, sun ha ana tuɗ di Jeroboam ma mul ma Israelna, «Amos ka laŋ boy cona egeŋ kay mulla hu Israel. Suu hu mbassana ka vi tasi kay boy ma nam damma oloɗi. Kay Amos di anaba.

AMOS 7:13

Na may kaŋga Bethel tani wanni aŋ tin uŋ a jok boy namma ki oloɗi kay ana ni givin ma togolla vi mulnana, ni ziŋ mulnana.»

AMOS 7:17

Ni kay ndaɗta Yawe ɓak anaba, Caaŋga hin ndi ki gawlaŋga hu ɦoŋzina, goryoŋ suu njufiina u suu gorɓiina hin casi ki u ŋgewra, ndaŋga maŋga hin ɓorowoɗ ki u zewna. Aŋ may ni hin miɗ ki ni kay ndaŋgara cora, suu Israelna hin yowosi tuɗusi ha ki eg ndaŋga masira na day.»

AMOS 7:9

Li ma mbuy ma vi Isaakŋa hin bulum kiyo, givin ma togolla ma Israelna hin bulum ki hu li ma an hin col ay kolo u ŋgewra kon kay suu vi Jeroboamma.»

AMOS 8:14

Suu suu tasi u loogi suu vi suu Samarina suu di ana, «Ko Looŋŋa kak iiriya, Dan,» ɗowba, «Saɓakŋa vi Bersebana ka a fafaɗtana,» hin ndi kaŋgaa ka col kolo oloɗi.

1 KORINTNA 1:28

Lona man dlara suuna panaɗ hu duliyara tanda gol irisi ko va lalas nara, kay ɓalak tlesuu irisi ndaki garaŋŋa kiyo.

1 KORINTNA 2:6

An di boyna kay nera vi Lona maŋ suu vina suu ki ndakina, ni ka nera vi suu kay ndaŋgara tani ɦawaɗi, ka kay saɓakŋa vi suu kak ki kay ndaŋgara tani suu hin ba kina ɦawaɗi.

GA 8ATAMBARA 28:41

Agi hin vuɗ gor njufiina u gorɓiina may agi ka golosi egegi voɗi, asi hin tuɗ ki ni hu li ma mbabura.

JOSUWE 5:9

Yawe hin di Josuwe ana, «Cemi ni an gikigi njenjera ay hu mbassa Egiptera ha ki egegi wa na day.» Li namma asi tinim sem ana Gilgal ta ta cemi.

WIRA ŊGAYRA 18:17

Hu lerra dew daŋŋi tlegeyeŋ asina ba ki bel bel.» Suu ŋgolo suu hu lum kawinana u suu tuɗ koyra fuli usina, suu li sunda duk mbona u suu fi tiisina duk mbo ŋgol nammana halaŋ lak ha ki na day,

1 SAMUEL 11:14

Samuel di suuna ana, «Mbaagi aya, ɓaygi hu Gilgal. Aygi hin hoŋoygi mul maygira balamaɗu.»

1 SAMUEL 7:16

Nam tuɗ hu basara tew tew poy ɦoŋzi ma Betelna, ma Gilgalna, ma Mispana, nam kaɓakŋa kay suuna hu li namma halaŋ halaŋ.

1 SAMUEL 8:2

Gorom ma ŋgolna yam ana Joel, ma kamma yam ana Abiya. Asi ay ni suu kaɓakŋa hu Bersebana.