AMOS 5:12 - Boy Lonana

¹² Kay ana an wagi bolow yaagira u ŋgol suluk magina. Agi suu lagi dla cora eg suu jivinana, babalira vi suu jivina, agi gusugi kay suu hawra fun li ma ɓakŋa.

AMOS 5:12 ပူးပေါင်းရင်းမြစ်များ

JOB 20:19

Kay nam las suu hawra cocoo. Nam kul ziginina ki ni kuli na ɗow, min ka a minisi kolo minniɗi.

JOB 31:21

Lini an las gogoo ma kuyu fun ɓakŋa wa ana suu kaɓak suu njun unna ka cocoo ni,

SOOLLA 127:5

Furira ka kay sa ma kul mamma oy u asinana. Nam ka mbuɗ zolo fun dlaambaɗi, nam ŋgaf suu babali mamsina, asi ka su kambi lay.

KALKIRA 23:3

Aŋ ka njun u sana kay dlaamba nam laɗta na gorɗi, lini sa ma maŋi lay.

KALKIRA 23:6

Lini sa ma hawra sek wa ni aŋ ka bulumum boy mamma kiɗi.

VUN ŊGOLNA 17:8

Sa ma ɦal tlena suuna ɦawana gol ɦal mamba ni ko kumuna na. Nam saa ana nam tuɗ ni aragelay ni hin fi jivira huwa.

VUN ŊGOLNA 22:22

Ɓaɗ vana ki ko sa ɦawra ana nam ɦawi naɗi. Balak ɓak ma vi sa ma sa ka kambina kiɗi.

EZAYI 1:23

Muli maŋsina mbuɗ ni suu babalira, taɓ vunsi ni u suu kulna. Asi halaŋ minni tlesuu suuna ɦasisinana. Asi cuɗ ni sem li ma a fi warakŋa huna. Asi ka li kem suu kuyuna jiviɗi, ka hum tii ma vi boyogi suu dononaɗi lay.

EZAYI 10:2

Suu ɗegeena asi tuɗusi fun ɓakŋa. Suu man suu hawra asi lasasiya, boyogi suu donora asi lasasiya, suu kuyuna asi ɦurumusi tlegeyesi kiyo.

EZAYI 29:21

Suu may suu kaɓakŋa kay suuna u boy masi ma njaɗtana, suu gun dawna fok ndaryasina u njaɗ masira a vasi u ɓakŋana, cuk suu li va kaɗina ga hu zullusiyana, asi ka oloɗi.

EZAYI 33:15

Ni sa ma tuɗ u ɗegeera sa ma njaɗ dlara gasira. Sa ma ka vi va vi sa ki u ɦarambina, sa ma ka vi vaŋ sa kombina. Sa ma ŋgel humum ki ka hum boy ma co ma ci matnaɗina, sa ma dug irim ki ka min a gol dla coraɗina.

EZAYI 47:9

Tlesuu mba' asina a mbay kaŋŋi cem cem, goryoŋ hin ba ki lay, aŋ hin hin ki donora lay, asi hin ba ni hu buu ma dewna. Lini aŋ ka min taŋ maŋ coco lay ka ndakgi, gari maŋga u kumuna ki ni ɦawaa.

EZAYI 5:23

Asi mbuɗ dla cora vi sana ki jivira u begera, mbuɗ dlara ɗegeera vi sa ma va ka kombina ki cora may.

EZAYI 66:18

An wasi sun masira u saa masira lay. An hin mba ni tok yam njaf suuna halaŋ, hu li ma asi mba wa ni asi hin wan bibiŋil manda.

JEREMI 29:23

Dla coosira ni ana asi li dlara sa ka laɗɗira duk suu Israelna. Asi ɦal tasi ki a li zoŋga u boyogi suu vi ndaryasina na. Asi ɓak boy ma kaboyna u sen lay, doli ɗaŋŋi an joɓosi va ka kosiɗi lay. An wiya, anni sa vovoɗta kay dla ndaɗta lay. Yawe di na.

YOORA 3:34

Hu li ma asi tay suu daŋgay suu hu mbassana ki kaŋgana.

EZEKIYEL 13:22

Agi ka viɗ suu ɗegeena ki u boy ma kaboyna, suu an min ka a lasi dla co egesiɗi na. Kay agi so u suu cona ha hu dlasira cora ka min a asi hoŋ ay hin poy masira cora ki lak iiriyaraɗi lay.

Magaara Vi Sa Jok Vun Lona OZE 5:3

An tanda wi Efrayim, Israel lay ni ka ki irin ŋgayɗi. Efrayim u zuɗta aŋ zuɗ Israel a li dla corara, Israel ɓeŋ ki wa.

AMOS 2:16

Sa saɓakam suu kay ndarayam suu duunana hin ŋgay tam um ki siili hu buu namma. Yawe di na.

AMOS 2:3

An hin ci saaɗ ma kaɓakŋa kiyo, suu duuna halaŋ, an hin casi ki u namu. Yawe di na.

AMOS 5:10

Asi ka min sa kaɓakŋa u voɗommaɗi, sa ɓak boyna u jivimmaɗi.

AMOS 5:7

Asi mbuɗ ma ɗegeena ki va ci suuna bulum gasira ki kaŋga duk ndaŋgara.

AMOS 8:4

Humugi boy ma wanna haa, agi suu vagi tagi kay suu hawra dlaɗ dlaɗ a bulumugi suu lalam suu kay mbassana kira.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

MISE 7:3

Kosi tinira ni a li dla cora. A li jivira eg saa ni mulna joɓ va nde may, sa ma kaɓakŋa joɓ ana ɦam va ɦawa nde may. Sa ma ɓii magaara ɓakŋi kay a hoɓ hayamba ɦawaa.

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.

SUNDA 7:52

Suu jok vun Lona suu somoyogi lasasi kaɗina ni suurage? Asi ci suu di ki kay mbara vi sa ma Ɗegeena kiyo, Cecemi nam ma agi di kolokŋa kam cam kina,

GA 8ATAMBARA 16:18

Hu ɦoŋzi ma Yawe ɦagina a agi lak huna halaŋŋi aŋ man suu ŋgolo suu kaɓakŋa u suu gi ii dlara ki hu halaŋ halaŋ. Asi kaɓakŋa ni u ɗegeera ka ɓorow ii saɗi.

GA 8ATAMBARA 31:21

Hu li ma yoora ŋgolla u hahawra mba kasi wa ni sool ndaɗta ni a di ki kasi, kay a goryosi hin gi sool ndaɗta ka ni na tew tew. An lay ni wi dlara asi ka laɗ cemi wandara ni jew bay an a cukusi hu mbassa an suu tan ki a ɦasirara tu lay.»

Magaara JAK Ɓiiriɗta 5:4

Suu li sunda hu sene magina agi min ka warakasi sunusi kiɗi. Agi humugi sek masira haa, suu feɗegi waagina vona tii masina kal hum Lona, Bu Suuna ma Saɓakŋa Kom Belna wa.

Magaara JAK Ɓiiriɗta 5:6

Agi vagi suu ɗegeena casi kiyo, asi ŋgafagi ka u yaɗi.

RUT Magaara Njaɗ Dlara vi Rut 4:1

Booz tuɗ kak vun grekŋa hu li ma asi kaɓakŋa huna, nam gola ni wi sa ma a yow jona ko tam ugi Noomi dewna jak tuɗta. Booz dam ana nam cola, mbay kak ga tani, nam mba kak kaŋga may.

1 SAMUEL 8:3

Na may goryom ka tuɗ kay balam sembi. Hurusi ma tini kay begerana, asi vi ɦalla ɦawara, asi hin dlara ɗegeera kiyo.