AMOS 5:10 - Boy Lonana

¹⁰ Asi ka min sa kaɓakŋa u voɗommaɗi, sa ɓak boyna u jivimmaɗi.

AMOS 5:10 ပူးပေါင်းရင်းမြစ်များ

EZAYI 29:21

Suu may suu kaɓakŋa kay suuna u boy masi ma njaɗtana, suu gun dawna fok ndaryasina u njaɗ masira a vasi u ɓakŋana, cuk suu li va kaɗina ga hu zullusiyana, asi ka oloɗi.

1 MULINA 22:8

Mul ma Israelna di Josafat ana, «Sa ma ka tani dew ma ay ndak a tuɗ joɓ Yawe ay funumma. Na may an ka minim dlaambaɗi kay nam ka dan dlara jivi kanɗi, di ni dla cora sak sak. Ni Mise, ma goŋ Yimlana.» Josafat di ana, «Ka mulna ɓak ko ndaɗta naɗi.»

WIRA ŊGAYRA 11:10

Suu hu ndaŋgarana hin li furira ŋgolo kay maɗ suu mba' asina. Asi hin li ayra ŋgolo ɦal tlena maŋ tasi lay, kay ana suu jok vun Lona suu mba' asina ɓeŋ ndaŋgara ki cocoo.

Boy Ma Ayra Ma JAŊ Ɓiirimma 15:19

Agi li ni maŋ suu hu duliyarana ni, asi hin minigiya, kayme agi ki ni masisina. An ŋgaɓagi ay ni anu, ɓaɗagi ay ki ko suu hu duliyara na ni agi ka masi oloɗi. Ni kay ndaɗta, suu hu duliyarana noyogi ki, ni na.

Boy Ma Ayra Ma JAŊ Ɓiirimma 7:7

Suuna halaŋ hurusi ka egegi coɗi. Anu, asi hurusi egen coo kayme an di ana dlara asi laɗta ni coo.

Boy Ma Ayra Ma JAŊ Ɓiirimma 3:20

Suu li dla cora ka min a mbay ki hu kiɗikkaɗi. Asi li ndaana ana suuna hin wasi dlaasira cora.

2 DLAŊ MULINARA 36:16

Na may suu Israelna pan suu vun sunda, pan suu jok vun Lona lay, ka min a hum boy ma Yawe dammaɗi ta ta Yawe tak yaamba ki egesiya. Asi ka ndak a suɗ ki ko dlara oloɗi.

2 DLAŊ MULINARA 25:16

Hu li ma nam ka dam nana ni Amasiyas hoŋom dira ana, «An tlaŋ ana aŋ li a sa ma ne suuna tani hu mul manda su? Aŋ li ka min lassaɗi ni seŋ vunuŋ ha ni na gaw.» Sa ma jok vun Lona seŋ tam, kak ki na jok ni hin di hu olo ana, «An wi ki ana Lona min a caŋ ki ni ciya, kay aŋ li ko ndaɗta na, min ka a van boy mannaɗi.»

1 MULINA 21:20

Akab di Eli ana, «Aŋ sa ma babali manna, fan wa daŋ su?» Nam hoŋom dira ana, «An faŋ wa kay aŋ gus taŋ ki ni u busu sana kay dla cora aŋ laɗ fok Yawe wanda.

1 MULINA 18:17

Hu li ma Akab wi Eli na ni, nam dam ana, «Ni aŋ ma mbaa wihawra ay kay suu Israelnana ɗaŋ su?»

GALATENA 4:16

An mbuɗ cecemi a saagi ma gonokka kay an dagi gasira su?

VUN ŊGOLNA 15:12

Suu ŋga tasina ka min hum u gaɗta vi saɗi. Asi ka tuɗ a joɓ dla eg suu wi dlaraɗi lay.

EZAYI 59:15

Dlara jivira halaŋ viɗ ki wa, sa ma min a li jivira ni suuna halaŋ tok kamu. Yawe di ana, dla cora li wanda ka irim jiviɗi.

JEREMI 38:7

Ebed-Melek ma Kusna, sa ŋgol ma hu taraŋga vi mulnana hum ana asi vi Jeremi gam kaŋga hu zulla hu li ma mulna ha ki kaki fun ziŋ Benjaminda.

Magaara Vi Sa Jok Vun Lona OZE 4:4

Gologi tagi jiviya. Sa ka hal dlara doo kay tambi, ka sa ci wayɗi, ka suu maŋsina ɗowba, aŋ taŋga ɗowba muli suu li ɓivunna lay hal boy ma ɓakgi.

AMOS 5:15

Noyogi dla cora kiyo, minigi ni dlara jivira, kaagi ɓakŋa u voɗomu, kala Yawe Lona ma saɓakŋa hin wi hahaw suu hin vi Yosefna.

DLAŊ LEVIRA 13:10

Mul ma li ɓivunna golom tamu, fam tam ki ndalira haɓpa mbilna ha paari ga zuzulla may, ni tuguɗira cora.