AMOS 4:7 - Boy Lonana

⁷ Ni an daŋ may, doorogi yona ka si kagi ŋgolɗi ni anu, tilna hin fok hindi a gijaŋ tlena feɗtara, an si yona ka kay zi maa dew may, hin maa ki mayraɗi, sene maa ɦiw yona si hu may, maa ɦiw yona kaɗi, so ki mayraɗi.

AMOS 4:7 ပူးပေါင်းရင်းမြစ်များ

KALKIRA 10:22

Moiz maɗ kom kolo huulona, hu buuna hindi ndufunda ŋgolla mba hu mbassa Egiptera.

KALKIRA 10:23

Buuna hindi ni sa ka wi tambi lay, ka cala ki a poyɗi lay. May ni suu Israelna kiɗikka ka kasi hu li ma asi cuki huna tew tew.

KALKIRA 8:22

Moiz di ana, «Ka ndak a li tani naɗi, kay ɓivun ma ami lam maŋ Yawe, Loominana, ka ii suu Egiptena jiviɗi. Ami ndak a li ɓivun ma ka irisi jiviɗina irisi tani su? Ni asi ka cami kiɗi su?

KALKIRA 9:26

Dlaŋmagina hinni mbassa Gosenda doy hol, ni li ma suu Israelna cuki huna.

KALKIRA 9:4

Yawe hin ɓorow ii yoori suu vi suu Israelna ki u yoori suu vi suu Egiptena, yoo maa ka hin miɗ vi suu Israelnaɗi.»

EZAYI 5:6

An min hin li namma ki ɦawaa. Sa ka hin horok li namma oloɗi. Tlesuu siina ugi wayara hin day ki huwa. An hin doo ɗugulla ki ka ndaɗ si yona huɗi.

JEREMI 14:22

Duk fuli suu cona na ni, suu ndak a mba yo Lona ay kaŋgana ka su? Yona col sira ay ni kolo huulonaɗi su? Ka ni aŋ, Yawe, Loominaɗi su? Ami ka juɓuŋu kay ana aŋŋi sa li tle asinanaɗi su?

JEREMI 14:3

Suu ɓii magaara sun suu gorina ha hu li ma yona, asi tuɗ ha hu hurgukka ni asi fi yo ka hu oloɗi. Asi hoŋ ay vo u tlegeyesi yo ka huɗi, mbuɗi hahaw lay, mbuɗi zolo lay, ka furi oloɗi.

JEREMI 14:4

Kay ndaɗta ndaŋgara ki sooya, yona kaɗi, suu horokŋa hurusi ki ɓeŋiya, va ka kosi oloɗi.

JEREMI 3:3

Yo lo ma si ŋgolona doorom ki kak wa. Lo ma si ŋgoo daganna ka mba oloɗi. Na may ndak su vunna u yamba eŋga a li gawlaŋŋa ka vi dla cookka kakgi.

JOEL 2:23

Agi suu hu Siyonna lagi furira u Yawe Loogina. Nam ɦagi mbo lo ma ndolna a suɗugi kira. Nam si yo ma ndolna hu lina kagi ko ay fok jew dayra na.

ZAKARI 14:17

Na may, suu may suu tuɗ ka Yerusalem u suu masisina a goɓ kaŋga fok mulna, Yawe, ma Saɓakŋa Kom Belna ɗina, Lona hin ka si varasiɗi.

Boy Ma Ayra Ma JAŊ Ɓiirimma 4:35

Agi di ana, tilna hin fiɗi a feɗ wana, anu, an dagi ana, gologi senena jiviya, wana ne wa ndaki a feɗta lay.

1 KORINTNA 4:7

Sa ma tiniŋ a ŋgolla kay ndarayaŋŋa ni gege? Tlesuu koŋŋa halaŋ Lona ɦaŋsina ni ka nambi su? Aŋ ŋga taŋ kay tlesuu koŋŋa ko aŋ fasi ka ɦawaɗira na ni nana ge?

GA 8ATAMBARA 11:17

Li wa na ni huu Yawe hin ɓeŋ ki egegiya, nam hin dug huulona kiyo, yona ka si oloɗi, ndaŋgara ka hin jiv va oloɗi lay. Agi hin njay ki hu mbassa jivira Yawe ɦagira wanda.

Magaara JAK Ɓiiriɗta 5:17

Eli ni sana ko aygi na may. Nam cen Lona u hurum toki na dew ana lona siɗi li basara hindi u tilna kayam karkiya, lo si kay ndaŋgaraɗi.

WIRA ŊGAYRA 11:6

Asi ka u eŋga kosi kay a dug huulona kay a yo si hu li ma asi a di Boy Lonanaɗi. Saɓak ma asi a mbuɗ yona ki busuna kosi lay, asi ka u saɓakŋa kay a ci ndaŋgara mbaa njaf dlara mbuɗta zeɗ zeɗ ko asi minda na.