AMOS 4:6 - Boy Lonana

⁶ Ni an daŋ may, ɦagi va ka agi gi kay siigi hu ɦoŋziiginaɗi halaŋ halaŋŋi anu, mayra cagi agi ka fi fu ma tiraɗi hu ziigi halaŋ halaŋ, na may agi hoŋogi ay ka egenɗi, Yawe di na.

AMOS 4:6 ပူးပေါင်းရင်းမြစ်များ

Magaara Vi Sa Jok Vun Lona AGE 2:17

An cagi poŋga hu sunda agi laɗta, coorogi waagina ki lay, cukugi dlaŋmagina kagi lay, Yawe di ana an tew ka a hoŋogi ay egenɗi.

JEREMI 5:3

Yawe, iriŋ ka tinira ni a gol gasiraɗi su? Aŋ waɗasiya, va ka ŋgenesiɗi. Aŋ casi ki lay. Asi ka humuŋ gaɗ maŋgaɗi. Asi mbuɗ vogosi ki eŋga su gogoyra. Asi ka min a hoŋ ayɗi.

EZAYI 9:13

Kay ndaɗta Yawe ka yamba u njawra hu Israella kiyo. Nam ka manawna u cerewna ki ni buu ma dewna.

WIRA ŊGAYRA 2:21

An hiniɗ lina a ndaɗ mbuɗ huruɗ kay cooɗta, ndaɗ ka min a mbuɗ huruɗ kay dlara zoŋgaɗi.

Magaara Vi Sa Jok Vun Lona OZE 5:15

An hin tuɗa. An hin hoŋ vo varan ta ta hu buu ma asi hin di ki u vunusi ana asi ni suu li corana. Asi halanni anu na. Hu hahaw masira asi hin gijaŋ joɓon dlanu.

DLAŊ LEVIRA 26:26

An hin kaɗakagi tina ki kagiya, boyogina doogo yi funa kay givin ma dewna, asi ɦagi fu ma ew namma, agi tammi, ka hoɓogiɗi lay.

EZEKIYEL 16:27

Gola an tin kon kak wa. An hin dagarak suu maksina kiyo. An hin hinigi ni duk ko suu babali maksina, gorɓii suu Filistinna tasi mbuɗ ki zolona ko dlaagira cora.

EZAYI 26:11

Cemi Yawe koŋ ka tli koloo asi ka wambi lay. Na may asi wi huruŋ ma haɗ kay suu maŋsinana asi mbuɗ ki zolona. Kura aŋ miniɗ kay suu babali maŋsinara ŋgalasi ki wa.

EZAYI 3:1

Na daŋ may, Bu Suuna Yawe, ma Saɓakŋa Kom Belna, yow njun mamba njun u Yuda u Yerusalemba kiyo. Ni njunda zeɗ zeɗ halaŋ, funa u yona lay nam ka ɦasisina oloɗi.

2 DLAŊ MULINARA 28:22

Duk dlara yoora cocora na lay ni Akaz ka hin cora laɗ eg Yaweraɗi.

2 MULINA 8:1

Elize di cara nam coloɗ gooroɗ ki kolo iirira ana, «Col kolo ndak u suu maksina halaŋ, tuɗugi ki hu mbassa daŋga kay Yawe gi mayra kay suu Israelna, may ndaɗta a li basara ni kiɗisiya.»

2 MULINA 4:38

Elize hoŋ ay hu Gilgal hu wanni mayra ka ci hu cocoo. Suu jok vun Lona ka moli fokom may. Nam di saam ma li sunda ana, «Mbus huu gidir ma ŋgolna ki, zal dlemma ay maŋ suu jok vun Lona.»

1 MULINA 18:2

Eli gi tam a tuɗ tak tam ki ii Akabpa may. Mayra ka li hu Samari ŋgol cocoo.

1 MULINA 17:1

Eli sa ma ay hu ɦoŋzi ma Tisbena hu mbassa Galaadta mba di mulna Akab ana, «U sem Yawe, Lona vi suu Israelna, ma ka iiri tew tewna, ma an ka sunum wanna, basara hin fok cara ni lo ka siɗi, mbaɗagi ka gi kay ndaŋgaraɗi lay, bay an di an na baɗi.»

GA 8ATAMBARA 28:38

«Agi zaa tlena hu senena cocoo may agi ka feɗ va gaaraŋ ay huɗi, kay jeena ti tlena kiyo.

JEREMI 14:18

Lini an tuɗ hu senena lay, an fi suu casi ki u ŋgewrana. Lini an tuɗ ni ɦoŋzina lay, an fi suu mayra casi kina lay. Suu jok vun Lona u muli suu li ɓivunna ŋguy hu mbassa lay ka wi u boy kosiɗi.

EZEKIYEL 14:21

«Kay Bu Suuna, Yawe, di ana, lini an sun gaɗ manda kaɓakŋa kay mbassa fiɗi cara ha kay zi ma Yerusalemma lay, ni ana ŋgewna, may ŋgolla, vabakgi suu cona u tuguɗira cora kay a ci suu warna u yoorina kira.

JOEL 1:16

Tlesuu tira ɓeŋ ki ni aygi wasi u iriygiɗi su, hu zira vi Yawera furira u fanira layɗi su?

DLAŊ LEVIRA 26:23

«Dla ndaɗta ndakagi kaɗi, lini agi tuɗ fok u ŋgella ŋgelen vununda ni,

RUT Magaara Njaɗ Dlara vi Rut 1:1

Hu cokira vi muli suu kaɓakŋa vi suu Israelna, mayra ŋgolla ndi hu coki ndaɗta. Sa maa dew hu ɦoŋzi ma Betlehemma ni hu mbassa Yudara, mbee ki hu mbassa Moabba. Nam may, caamba may, goryom gor njufiina mba' may.

EZAYI 9:12

Suuna hoŋ ay ka eg sa ma ka casinaɗi. Asi hal Yawe ma Saɓakŋa Kom Belna, kaɗi.

Magaara Vi Sa Jok Vun Lona OZE 11:5

Nam hin ka hoŋ ay hu mbassa Egipteraɗi, Asiri hin li a mul mamma kay ana asi min ka a hoŋ ay egenɗi.