AMOS 4:13 - Boy Lonana

¹³ Na ɗaŋŋi gola, sa min ɦinirana, sa li semeɗnana, sa ka tak dlara maŋ sa warna a nam laɗta, sa hu li ma ndufunna nam li kiɗikka layna, sa tuɗ kolo kay lii mbuy ma kay ndaŋgarana, nam yi sem ana Yawe, Lo ma Saɓakŋa.

AMOS 4:13 ပူးပေါင်းရင်းမြစ်များ

JOB 9:7

Nam ndaki a doo faɗta bay li kiɗik maɗta lay. Nam ndak a yak ciwciwra huulonara ay ki kaŋgaa.

SOOLLA 135:7

Ɗugulla tin ay hu vun ndaŋgara daɓ ayra day, ndaɗ li weleɗta ki jew hu li ma ndaɗ ka si mbonana, nam dug vun babaana ki hu li ma nam ay huna.

SOOLLA 139:2

lini an buuri gaa, kaki koloo, halaŋ aŋ ka wanu. Ay ki day ni aŋ wi dlara an laɗta ki dew dew halaŋ,

SOOLLA 147:18

Nam sun boy mamma aya ni nam law kiyo, nam paɗ babaana na ni mbona ɓaɗ kiyo.

SOOLLA 65:6

U ɗegee maŋga aŋ hoŋomi dira kay cen mamira, Lona, saami ma suɗta. Aŋŋi heɓpa kay ndaŋgarara halaŋ gak gak hu vun mbo ŋgolna lay.

KALKIRA 10:22

Moiz maɗ kom kolo huulona, hu buuna hindi ndufunda ŋgolla mba hu mbassa Egiptera.

KALKIRA 14:20

Ɗugulla kal ki duk ɦoŋ suu Israelna u suu Egiptena. Ɗugulla ka may, ndufunda li cocoo kay suu Egiptena. Njeŋge ni ndaɗ li kiɗikka kay suu Israelna, may ni asi jakŋi sa ka ɦuɗ eg tam tokgi.

EZAYI 40:12

Sa ma ŋga mbo lumma hu duk komma ni gege? Sa ma ŋga fiyek huulona u komma ni gege? Sa ma tuk tam a ŋga gugum ma sii kolo wanna ni ge mayge? Sa ma tli nek ɦinira u gogoyra ŋgolora kay kelewna ɦoyna ni gege?

EZAYI 45:7

An li kiɗikka ni anu, ndufunda laɗ ni an lay. An mba furira, hin mba hahawra ni an lay. An Yawe li dla ndaɗta halaŋŋi anu.

EZAYI 47:4

Sa ma buɗumi ay kina sem ana Yawe, ma Saɓakŋa Kom Belna, ma Teteɗ ma vi suu Israelna.

EZAYI 48:2

Agi yi tagi ana suu hu ɦoŋzi ma teteɗna. Agi suu deŋ tagi eg Lo ma vi suu Israelna ma yam ana Yawe, ma Saɓakŋa Kom Belna.

EZAYI 5:30

Hu buu namma ni asi hin yal suu Israelna cocoo. Vunna hin zam ko ndal mbo lum ma ŋgolna a zamba na. Asi hin gol ndaŋgara na ni ndufunda u yoora cocoo. Kiɗikka hin mbuɗ ki ndufunda u kuɗna cocoo.

JEREMI 10:13

kay ana nam tok mbo ma saɓak cocona ki kolo huulona, nam hin ɗugulla ŋgolora tin kolo kay ndaŋgara hu uɗ ma daɓ ayna, nam hin yona si kaŋga kaygi u welera lay. Nam sel semeɗ ma ay hu gurumma ki kaygiya.

JEREMI 10:16

Sa li jivira maŋ Yakobma ka naɗi. Nammi sa li tlena halaŋŋa. Israel ni deera hin yowom joomba. Yawe, ma Saɓakŋa Kom Belna, ni semu.

JEREMI 13:16

Ŋgaagi Yawe Loogina jew bay nam kuluɓugi lina kagi ndufunda, jew bay segi daɓ eg tlesuu kolo mbuy suu ndufunda viɗisi ki irigiya. Agi juɓugi kiɗikka may, nam mbuɗuɗ ki ndufunda ci maɗna, nam tin ɗugulla warra ay koloo.

JEREMI 46:18

An ka iiriya, mul ma sem ana Yawe ma Saɓakŋa kom Belna. Ko ndal ɦinira yaɗ ana Tabora duk ɦinira na, ko ndal Karmel duk mbo lum ma ŋgolnara na an hin mbaya.

JEREMI 51:16

U tokka nam tok mbo ma saɓak cocona kolo huulona, tin ɗugul mayra ŋgolora ay u vun daŋgara ma daɓ ayna, nam si mbona ay kaŋga duk welera, nam sel semeɗ ma ay kom hu zanduk mambana ay kiyo.

JEREMI 51:19

Begera vi suu Israelna ka ni ko asi naɗi. Nammi sa li tlena belna, Israel ni mbassa hu joommara, Yawe ma Saɓakŋa Kom Belna, ni semu.

DANYEL 2:28

May Lo ma kolo huulonana ka dew, ma tak u dlara mbuɗ mbuɗta kina, hin tak maŋ mulna Nabukodonosor dlara hin mbay hu fokkara. Doyra daŋga u tlesuu ŋgusuŋ wasi hu liiŋ ma buunana wanni.

DANYEL 2:30

An may ni, ka ni kay tan u yal man ma su ndarayan suu iirina dla ndaɗta tak taɗ ki irinni naɗi may, ni kay ana tak u dla ndaɗta ki maŋ mulna a aŋ wi saa mayra huruŋga may.

Magaara Vi Sa Jok Vun Lona OZE 12:6

«Yawe, Lona ma Saɓakŋa Kom Belna, Yawe» agi yammi ko wanda na.

JOEL 2:2

Ni buu ma ndufunda hin kuluɓ kay suuna, ni buu ma ɗugulla hin tin ay warra na ilik ilikŋa. Ko ndal ŋgarpira na tuɗ cuk kolo kay ɦinira, suuna bolowo, saɓak coco lay, ko ndal suu asina day day ni sa wasi ka dewɗira na, ko ndal ana ŋgorosi dagan wanni suu daŋ hin ka li oloɗira na, ta ta tew ha ki hu bassara vi njaf suu ay day dayna lay.

AMOS 3:13

Humugi haa, ɓakagi ha kay ziŋ Yakobma, Bu Suuna, Lona, Lo ma saɓakŋa.

AMOS 5:27

An hin yowogi tuɗugi ha ki ŋgoo Damas dagani, Yawe di na. Lo ma saɓakŋa ni semu.

AMOS 5:8

Nam li ciciwra, dumussa u tawla kadara, ma mbuɗ ndufunda ki kiɗikka vun maɗiirara, ma mbuɗ faalira ki njeŋgera warra, nam ma yi yo ma ay hu lum ma ŋgolna mba njayam ki kay yam ndaŋgarana, nam yi sem tam ana Yawe.

AMOS 6:8

Yawe, Lona ma Saɓakŋa, suu tam di ana, anni ma a Yakob ŋga tam u namma, an noyom hu ziimu an hin hinim ɦoŋ ziimma ki u ŋgolom halaŋ. Yawe di na.

AMOS 8:9

Buu namma hin mbaa, Bu Suuna, Loonna, di na. Hu buu namma ni faɗta hin ca faali may ni lina hin mbuɗ ndufunda gaw, ndufunda hin mba kay ndaŋgara ni faali njalak njalak.

AMOS 9:6

Sa tin jaŋla mamma kolo huulona, min ziim kay ndaŋgara may, sa yi mbo ma hu lumma ŋgolonana tli yam ndaŋgara ki u namma sem ana Yawe.

MISE 1:3

Gola Yawe kal ay ki hu ziimu. Nam cuk sem ay kaŋgaa, tuɗ kolo kay li ma mbuy ma kay ndaŋgarana.

HABAKUK 3:19

Yawe ni malanna. Nammi saɓak manna. Nam mbuɗun sen ki ko sem dukka na, hin tuɗun ki hu li ma dayna. Soolla vi sa ma fok suu gi soollana, gaɗ u diŋŋa.

ZAKARI 12:1

Di boyna. Yawe ɓak Israel. Yawe ma li huulona, li ndaŋgara, li ŋgussa hu suuna layna di ana,

MATIYE 9:4

Yesu wasi boy ma hurusina na ni, dasi ana, «Agi saa hurugi cora na ni kaymege?

Boy Ma Ayra Ma JAŊ Ɓiirimma 2:25

Nam ka min ana sa haɗam kay suunaɗi, nam u tamba wi dlara huu suunara.

Boy Ma Ayra Ma JAŊ Ɓiirimma 3:8

Semeɗna sii ni, aŋ huma, hu li ma nam col ay siira huna aŋ ka wiɗi lay. Sa ma vuɗ ay hu Musuk Lonara ni na may.»

GA 8ATAMBARA 32:13

Nam yowosi ki kolo kay yam ɦinira, asi ti ni tlesuu jivi hu senena, asi paɗ yum ma hu ŋgil ɦinirana, asi yoo mbul conona kolo kay ɦinira.

GA 8ATAMBARA 33:29

Furyugiya agi suu Israelna, sa ma a ŋga u agina ni gege, suu may suu Yawe ka njunusina? Nammi a mbaari magina ka njun kagiya. Nam olo ni a ŋgew magi ma ka ɦagi saɓakŋa cocona. Nam homogi yam suu babali magisina ay ga fokogiiya, agi tayasi tlesuu kolo day hu mbas masirana ki ga u segiya.