AMOS 4:11 - Boy Lonana

¹¹ An bulumugi ki ko ndal Lona bulum suu Sodom u Gomorna kira na lay. Agi ay ni ko ndal vun guna ɓaɗam ay ki duk ku zinana na, na may agi hoŋ ay ka egenɗi. Yawe di na.

AMOS 4:11 ပူးပေါင်းရင်းမြစ်များ

ZAKARI 3:2

Sa sunda vi Yawe di Satanna ana, «Ko Yawe seŋeŋ vunuŋ kiyo, Satan. Gasi ko Yawe seŋeŋ vunuŋ kiyo, nam ma ŋgaɓ Yerusalem kina. Kay sa namma ni ko vun gu ma tlam ay ki duk kurana naɗi su?»

EZAYI 13:19

Babilon, ɦerew mayra mulla, zi ma suu Kaldena furi hu cocona, mbuɗ ki ni ko ndal zi ma Sodomma u Gomorra na. Lona toom ki ni nam u tamba.

JEREMI 23:14

Na may vo vi suu jok vun Lona suu Yerusalemma, an wi dlara ŋgolora ɦay. Asi hin tasi ki kay boy zoŋga, asi kakŋi duk dla cora. Asi njun ŋgolla ni u suu li dla cora hu li ma asi wi ana sa dew lay ka min a hin dla coomba kiɗi layna. Asi halaŋ mbuɗ ki irinni ko suu Sodomma na. Suu asina tli tasi ni ko suu Gomorna na.

Magaara JUD Ɓiiriɗta 1:23

suɗusi ay ki duk kura. Wihahaw suu hiŋŋa lay, wasi hahawasi ni dlaɓi u ndaana, baraw masi ma zoɗi u corana ni agi ŋgenembi lay.

Magaara JUD Ɓiiriɗta 1:7

Saaragi kay Sodom u Gomor u mbassa ŋguy kasira halaŋ, suu huna li dlara yowna, njufina mbuɗ buu u ndarayasi njufina ko suu sunda huulona asina naa. Lona hin ŋgalasi ki halaŋ u kura ka daɓ kiɗira, ɓak ma kaasina kasina ndak ne yam suuna halaŋ.

2 PIYER 2:6

Lona kaɓakŋa kay ɦoŋzi ma Sodomma u Gomorna ŋgalasi ki u kura, nam tak suu li cora ana hin li fok u asi ni na may.

AMOS 4:6

Ni an daŋ may, ɦagi va ka agi gi kay siigi hu ɦoŋziiginaɗi halaŋ halaŋŋi anu, mayra cagi agi ka fi fu ma tiraɗi hu ziigi halaŋ halaŋ, na may agi hoŋogi ay ka egenɗi, Yawe di na.

WIRA ŊGAYRA 9:20

Suu hin bay ci ko lassa ndaɗta halaŋ, ka hom kay dla cora asi laɗtaɗi, asi ka hin cenda cen fulina u gugunina mini u lorna, u doonora, u kawina, u ɦinira, u guna, tlesuu irisi ka wiɗi, ka humbi, ka tuɗɗi layna.

1 KORINTNA 3:15

Lini sunda vi sana ŋgal ki wa nam ka fi warakŋaɗi, nam tamba hin suɗ kiyo, ko sana calaɗ ay kay kura a suɗ tam kira na.

Magaara Vi Sa Jok Vun Lona OZE 11:8

An hin lakŋi nanage Efrayim, an hin ɦakŋi maŋ gege, Israel? An hin lakŋi nana ko ndal Adma nage, an hoŋok ki ni ko ndal Seboim na su? Hurun ɓeŋŋi hurunu, na may ni oora hurunda mbuɗ yoo taɗ gaw may.

EZEKIYEL 24:13

Yerusalem, ndak mbuɗ tak ki njenjera u dlaakka cora. An hal a mbusuk lay ni ndak ka min mbus ki oloɗi. Na may ni ndak ka ndak a mbus ki oloɗi ta ta yaanda daɓ ki egek tuwa.

JEREMI 49:18

Ko ndal dla cora li eg Sodom, Gomor, u ɦoŋzi ma ŋguy kadna na, Yawe di na. Sa hin ka kak hu oloɗi, sa iiri hin ka buu hu li namma oloɗi.

ROMMA 9:29

Ni ko Ezayi di ay ki fok jewra na «Lini Bu Suuna ma Saɓakŋa Kom Belna hin njaf suu taa ka ɦiwɗi ni aygi hin li ki ni ko suu Sodomma u suu Gomorna na.»

GA 8ATAMBARA 29:23

Njaf suuna halaŋ hin ɓak ana, «Yawe a li mbas ndaɗta ki na ni kay mege? Hurum ɓeŋ ki saɓaki ŋgolla eg mbas ndaɗta na ni amege?»

EZAYI 7:4

Aŋ tuɗ dam ana, Aŋ kak na en, li ndaaɗi, hin vun digiŋ a ɓikiŋ ko vun gu ma ku ma mba' nammaɗi. Li ndaa ko yara vi Ressin, sa ma Sirina u goryoŋ Remaliyana naɗi.

GA 8ATAMBARA 28:24

Yawe Loogina hin dlara sagi yoona ay gara tani, yak ay ga ni kuɗna u buɗna, nam yak ay kagi gak gak agi daɓ ki halaŋ tuwa.

EZAYI 9:12

Suuna hoŋ ay ka eg sa ma ka casinaɗi. Asi hal Yawe ma Saɓakŋa Kom Belna, kaɗi.

JEREMI 5:3

Yawe, iriŋ ka tinira ni a gol gasiraɗi su? Aŋ waɗasiya, va ka ŋgenesiɗi. Aŋ casi ki lay. Asi ka humuŋ gaɗ maŋgaɗi. Asi mbuɗ vogosi ki eŋga su gogoyra. Asi ka min a hoŋ ayɗi.

JEREMI 50:40

Ndaɗ hin li ni ko ndal Lona li dla cora eg Sodom, Gomor, u ɦoŋzi ma keŋeɗnara na. Yawe di na. Sa hin ka kak hu oloɗi. Sa wara hin ka buu huɗi.

Magaara Vi Sa Jok Vun Lona OZE 11:5

Nam hin ka hoŋ ay hu mbassa Egipteraɗi, Asiri hin li a mul mamma kay ana asi min ka a hoŋ ay egenɗi.

Magaara Vi Sa Jok Vun Lona AGE 2:17

An cagi poŋga hu sunda agi laɗta, coorogi waagina ki lay, cukugi dlaŋmagina kagi lay, Yawe di ana an tew ka a hoŋogi ay egenɗi.