AMOS 4:1 - Boy Lonana

¹ Humugi boyna haa, dogoni mbutli suu Basanna, agi suu ti haɗna ay kay ɦinira Samarira doorogi suu maŋina kiyo, lasagi suu hawra lay, dagi malayagina ana, ɦal ay tlesuu cira.

AMOS 4:1 ပူးပေါင်းရင်းမြစ်များ

1 MULINA 16:24

Ŋgoo dagan nam hin gus lina ko Semer. Nam gusum mbura Samarira ki komu u gursura buɓ buɓ karkiya. Nam min ɦoŋzi ŋgolna kay mbu ndaɗta tin sem ɦoŋzi namma ana Samari. Ni u sem Semer sa ma nam gus li namma komma.

JOB 20:19

Kay nam las suu hawra cocoo. Nam kul ziginina ki ni kuli na ɗow, min ka a minisi kolo minniɗi.

JOB 24:4

Suu hawra asi dikisi ki hu voɗta. Suu haw suu hu mbassana halaŋ ŋgay tasiya.

SOOLLA 12:5

Asi di ana, «Ami ndak njaɗ dlara hurumi miniɗta, sa ma dooromi kaɗi, sa ma ndak a ɦeɓemina ni gege?»

SOOLLA 140:12

Hin suu vunusi di boy cona hu mbassa oloɗi, ni suu kosi ka viɗina, u suu hurusi cona, dikisi kiyo.

SOOLLA 22:12

Kak ha ki egen na dayɗi, kay dlara fanda ka tok, sa ma njunun kaɗi.

VUN ŊGOLNA 22:7

Sa ma ɦizina kak mulna kay sa ma hawra. Sa ma ka balna ki ni mbaɓu ma vi sa ma ɦam balna ay kamma.

DI BOLLA 4:1

Olo ni an ka wi suuna lassa. Suu ndarayasina lasasi ga duk ndaŋgara tanina. Gola suu ka las asina tii cocoo, sa ma ɗilisi irisi kaɗi lay. Saɓakŋa ki ni u suu ka lasasina na ɗow. Sa ma ɗilisi irisi kaɗi.

DI BOLLA 5:8

Ko mul ma kak kay mbassana li ni sa ma min baraɗna ɦayna.

EZAYI 28:1

Hahawra ka kay mulla Efrayimba, bibiŋil maɗta tak ki kolo kay suu ŋgolo maɗsina ko ɓo tlena na, asi tew tew gurɗiya, asi li mbul ma jivina kasiya, na may tew tew ni asi ki gurɗi buuri ga u summa.

EZAYI 5:8

Hahawra ka kay suu zul zina ha zuli na ɗow ɗow, ŋga senena ha fok na ɗow ɗow ta ta tli lina ki halaŋ halaŋ. Hin tasi a lak kay mbassa ni asi doy holna.

EZAYI 56:12

Gegelay di ana, mbaya an hin tuɗ ci suma, caygiya furuyuygiya, vinda hin li ni ko karamba na olo, li su ɗow.

EZAYI 58:6

Laara an miniɗta ni ko wandara na. Buɗ zew yara hurugira kiyo, fokogi zew nek dlaagira cora kiyo, hin suu li sunda fokogina ki buɗiya, lassa agi las suu fokogina halaŋ hiniɗ kiyo.

JEREMI 50:11

Gasi furiyugiya, lagi furira gasi, agi suu ɓeŋengi joonna kina, gasi luurugi njoŋŋa ko ndal mbutla wayra daɓaa hu fullara na, bayagi kolo ko gor kulumina na.

JEREMI 50:27

Cagi gor mbutlina kiyo, tuɗugisina ha ki hu li ma ŋgaɗ mbutlina. Ni dla co me kasi na ɗaŋge. Buu masina mba wa, li ma asi a ɓak dlaasira kina.

JEREMI 51:34

Nam komon ki wa, nam soɓon ki wa, Nabukodonosor, mul ma Babilonna, nam hinin ki ko ndal tassa ma hurum ki seɗina na. Ko ndal vabakŋa na nam liginu, nam hoɓ hayam ki u mbul ma duk sokonna, hin gan kiyo.

JEREMI 6:6

Yawe, ma Saɓakŋa Kom Belna, ɓak anaba, kaagi ŋgusugina, minigi voɗta kay Yerusalem, ni ɦoŋzi ma ɦam kina. Hu ɦoŋzi namma halaŋ halaŋŋi dlara yara.

JEREMI 7:6

Yowogi tlesuu vi sa mbay mbeera dukuginaɗi, sa kuyuna u cara donoraɗi. Voogi busu suu li va kaɗina ki kaŋga hu li nammaɗi. Kay hahaw magira liŋigi kay cee loogi suu daŋŋaɗi.

EZEKIYEL 18:12

Nam li mbeleŋ ma yow begera vi suu wi hawra ki lay. Nam li dlara kulla lay, va ma nam deŋem ka balna nam ka hoŋommaɗi lay. Nam gol irimmi u fulina, li ni dla mayra cora tew tew.

EZEKIYEL 22:12

Huruŋ olo ni suu daŋŋa vi warakŋa a tuɗ ci maɗna. Suu daŋŋa ka joɓ balna ko ndaryasina u mbona. Asi yow tlena ko ndarayasi suu vok zina u saɓkŋa. Asi ka ɦeɓesi kay a fi mbo ma bay umma. Humuŋ maa ki kan gaw may. Di ni Bu Suuna Yawe.

EZEKIYEL 22:27

Muli masisina dukusi ni ko ndal bosogona vi vabakginara na. Asi ni na tok a ci maɗna, min a ba suuna ki kay a yowosi tlegeyesira.

EZEKIYEL 22:29

Suu hu ɦoŋzinna li dla cora, li dlara kulla lay. Asi yow tlesuu vi suu wihawra u suu hawra kiyo. Asi ɓaɗ tlesuu vi koyogi suu tuɗ kolona ki u saɓakŋa.

EZEKIYEL 22:7

Huruŋŋi sa ka hum vun bum u sum oloɗi. Asi las koyogi suu cuki dukusina cocoo. Huruŋŋi asi yow tlesuu vi gor suu kuyuna u boyogi suu doonora kiyo.

EZEKIYEL 34:16

Yoo ma viɗ kina an hin halam aya, ma tuɗ ki dayna an hin koɗom irim ay may. Ma gayam ki kusina an hin jakamu, ma tuguɗiira an hin ɦam saɓakŋa. Na may yoori suu ɗoori cocona u suu saɓak cocona, an hin baasi kiyo. An hin taa yoori mansina ni u ɗegeera gasira.

EZEKIYEL 39:18

Komogi tliw bigawla suu saɓak cocona. Cagi busu mulina suu ka kay ndaŋgarana. Asi ni gamlagina, gor timigiina, ŋgekgina, bolo mbutlugina. Asi halaŋŋi yoori suu ɗoori coco suu Basanna.

JOEL 3:3

An hin li dlara mbuɗ mbuɗta kolo huulona, kaŋga kay ndaŋgara lay, busuna, kura, ndoosna.

AMOS 3:1

Humugi boy ma Yawe ɓakam kagi agi goryoŋ Israelna haa, kay suu an selesi ay ki hu mbassa Egiptera halaŋ.

AMOS 3:3

Suuna mba' ndak a tuɗ u tasi dew hu li ma asi bay hum tasi kina su?

AMOS 5:11

Na ɗaŋŋi agi yowogi tlesuu vi sa maŋinana kiyo, agi yowom ii waam ma ki lay. Zigini mam suu mini u gogoyra ceɗirana agi hin ka kak huɗi. Ŋgus gugutlu mayra jivira agi paɗta hin ka cagira sumuɗɗi.

AMOS 6:1

Hahawra ka kay suu tin u heɓ masira kay Siyonna. Suu ɦal hurusi a kak u heɓpa kay ɦinira Samarira. Asi suu ŋgolo suu jew duk suunana. Suu hu zi ma Israelna mbay ni egesiya.

AMOS 6:6

Ci sum veŋŋa hu koɓma, mbuɗ tasi his fayaɗta u mbul vuɗ tlesuu jewna, na may ka wi ana ni ganyamba a ɓeŋ Yosef kiraɗi.

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.

NDUMBA 21:33

Asi mbuɗ irisi tli voɗta tuɗ hu mbassa Basanda. Og, mul ma Basanna cuk ay ki u suu mamsina a duu u asira. Nam mba duu ki u asi ni hu mbassa Edreira.

GA 8ATAMBARA 24:14

Sa ma hahaw ma li sunda varaŋŋa lini wayaŋŋa ɗowba ni koyna lay ni aŋ lam irimbi.

GA 8ATAMBARA 28:33

Wa ma agi horokomma u vuɗ tlegeyegi suu agi zaarasina halaŋ hin tasi ki ni suu agi ka wasiɗina. Agi ka fi saɓak ma a yow va ay vi suu daŋŋa na ɗow ni kaɗi.