AMOS 3:8 - Boy Lonana

⁸ Dlona ŋgoɓ wa ni, sa ka li ndaaɗina ni gege? Bu Suuna, Lona, ɓak wa, sa ka jokom boy mamma kiɗina ni gege?

AMOS 3:8 ပူးပေါင်းရင်းမြစ်များ

EZAYI 21:10

Agi suu mansina, suu toogi ay ki ko suuna to wana hu maɗakŋa nana, dlara an humuɗ ay fun Yawe, ma Saɓakŋa Kom Belna, Lo ma vi suu Israelnana an dagira ha ni ndaɗu.

EZAYI 31:4

Yawe dan ana, ko ndal dlona u gorom gi ŋgomba hu li ma asi vi buunara na. Suu taa yoorina bolow sawalla lay ni nam ka mbuɗ ndaa ko soo masiraɗi. Ni na may Yawe ma Saɓakŋa Kom Belna hin cuk sem ay ga kay ɦinira Siyonda kay a li duuna ni na may.

JEREMI 20:9

Hu li ma an di ana, «An hin ka ɓak boy namma oloɗi, an hin ka ɓak boy u sem oloɗina», nam mbuɗ ki hurun kurufu ko kura ŋgalla na, a tliw tan ki gii daŋgayna an loɓ tan ana an daɓam hurunu may an ka ndakgi.

JEREMI 26:12

Jeremi di maliyaŋ ndaŋgara u suuna halaŋ ana, «Yawe sunun ay ana an ɓak boy namma ki kay Zi ndaɗta u ɦoŋzi namma, ni dlara agi humuɗta.

EZEKIYEL 29:21

«Hu buu namma ni an hin ɦuɗ saɓak ma vi suu Israelna foko. Maŋ aŋ, goŋ sanna, may ni an hin takaŋ yal ma aŋ hin ɓak ki dukusina. Asi hin wi ki ana anni Yawe.»

AMOS 1:2

Nam di ana, Hu Siyon Yawe ka ŋgoɓpa, hu Yerusalem nam ka ɦal voɗta, suu taa yoorina haɗ masina so ki wa. Yam ɦinira Karmella so ki wa.

AMOS 2:12

Na may agi ɦagi sum veŋŋa maŋ suu Nazirna, agi ɦal voɗta maŋ suu jok vun Lona, agi ka jokon boy manna ha kiɗi lay.

AMOS 3:4

Dlona ndak a ŋgoɓ duk gura hu li ma nam vi mbuu kaɗina lay su? Goo dlona ndak a tuk delem ay hu zulum hu li ma nam fi va ka a kombi layna su?

SUNDA 4:20

Ami tamira ka ndak a tin vunumi kay va ma ami wam u irimi lay, humum u humumi laynaɗi.»

SUNDA 5:20

«Tuɗugi hu Ziŋ Lonara dagi boyna maŋ suuna kay iirira wilira.»

SUNDA 5:29

Piyer u suu vovoɗta hoŋosi dira ana, «Lini nanagelay ami hum vun Lona ni su suuna.

1 KORINTNA 9:16

Boy ma Ayra ma an ka damma an ka ŋga tan kambi, li ni nanagelay ni an a li dla ndaɗta, lini an ka di Boy ma Ayraɗi ni yoora mba kanni ndaɗu.

WIRA ŊGAYRA 5:5

Ni sa ma duk suu ŋgolona dew dan ana, «Tiiɗi, aŋ gola, dlona hu njafna vi Yuda, hu deera vi mulna David ma su ki kasina ndak a haw tampoŋŋa kiɗisiyana kiyo, hin mal magaara ki lay.»