AMOS 3:6 - Boy Lonana

⁶ Lini tokolomma ka bu hu ɦoŋzina ni suuna ka mbuɗ ki ndaaɗi su? Lini dla cora mba ɦoŋzina wa ni boy namma Yawe lammi nambi su?

AMOS 3:6 ပူးပေါင်းရင်းမြစ်များ

URA TIN AYRA 50:20

Agi lan gin cora ay egenu, Lona hin mbuɗ co ndaɗta ki jivira, a suɗ iirira vi suuna ki ŋgolo ko agi wi u irigi wanda na.

2 MULINA 6:33

Vunum bay ndi kaŋga tu may ni, sa ma vun sunda mba egem dam ana, «Wihaw ndaɗta mbaarayra kay ni Yawe. Ay a hin tin saaray kammi kay me ologe?»

EZAYI 45:7

An li kiɗikka ni anu, ndufunda laɗ ni an lay. An mba furira, hin mba hahawra ni an lay. An Yawe li dla ndaɗta halaŋŋi anu.

JEREMI 10:7

Sa hin ka laŋ ndaaraŋgi na ni gege, mul ma vi suunana. Dla ndaɗta ni ŋgol maŋga. Duk suu yalna halaŋ lay, duk mulina halaŋ lay, sa ko aŋ na kaɗi.

JEREMI 4:19

Hurunu, hurunu, an torɗi tan ko tiitara. Mugulun mbuɗ tuɗ na zak zak. Hurun ki mbuɗi yara. An ka ndak a seŋ tanɗi kay ana an hum del tokolom ma duuna.

JEREMI 4:5

Yagi ha kolo hu Yuda, ɓakagi ha maŋ suu Yerusalemma asi hum may. Buugi tokolomma hu mbassa. Yagi ha kolo u delegira ŋgolla dagi ana, tokogi tagi a kalagi hu li ma eŋŋa.

JEREMI 5:22

Agi hin ka ŋgaan kiɗi olo su? Yawe di na. Hin ka lagi ndaana fokonɗi su? An sa ka ii lumma ŋgolna ki u ŋgetlna na, ii hakara nam hin ka jak ki kaɗɗi a fafaɗta. Nam zal walak walak lay ni saɓakam kaɗi. Bil mamma ndak soo coco lay, hin ka jakgi.

JEREMI 6:1

Hinigi Yerusalem suu vi Benjaminna, halagi lii daŋŋa kagi a ŋgayra. Buugi tokolomma hu Tekoa, hu Bet-Kerem, takagi dlara, ay ii ko ma mbayawna na ɗow, hahawra ka mbaya, ni dla cora ŋgolla.

EZEKIYEL 33:3

Sa namma wi suu duuna wa a mbay kay mbas ndaɗta ni, nam bu tokolomma ne yam suuna kiyo.

Magaara Vi Sa Jok Vun Lona OZE 5:8

Buugi tokolomma ha hu Gibea, tokolomma hu Rama, gagi dlara hahawra ha kay Bethel ta kura, asi ka vaŋ ay ŋgoroŋ dagan Benjamin.

AMOS 3:5

Layna ndak a cuk sem ay kaŋga hu bayra bay wi va nam komomma su? Bayra ndak a ɗuɗ ki kolo bay vi va su?

SOFONI 1:16

Ni buu ma tokolomma hin buna, suuna hin yi kolo a duu u ɦoŋzi ma saɓakŋa, u zigini suu fiyek mini kolo keŋ gulumunnana.

ZAKARI 8:10

Kay ana ki jew buu namma ni suuna ka fi vaɗi, mbuurina ka li va jiviɗi lay. Kay suu tuɗ duk cowcow na, sa njun kasi a doo suu duu u asina kaɗi. Kay ana an cuk suuna halaŋ halaŋ eg tasi wa.

SUNDA 2:23

Sa namma agi vamu ɓalam ki kolo hu gu garakŋa cam ki ko suu cona na ni u ŋgara Lona ŋgaaɗ ay ki fok jewra.

SUNDA 4:28

Asi li dlara aŋ u saɓak maŋŋa u min maŋga saa ki kaɗ jew a laɗta ki wa.

2 KORINTNA 5:11

Aygi waygi dla mayra di ana li ndaa Bu Suunara, ni ay hal a vi suuna. Lona waygi ki ɗal ɗal an saa ana u hurugi lay, agi tagira wanni na lay.