AMOS 3:2 - Boy Lonana

² An wagi ni agi kay tagi hol, duk suu kay ndaŋgarana halaŋ, ni kay ndaɗta agi hin ɓakagi dlaagira cora ki fokon halaŋ.

AMOS 3:2 ပူးပေါင်းရင်းမြစ်များ

GA 8ATAMBARA 7:6

Kay agi suu hin tagi ki maŋ Yawe Looginana. Yawe, Loogina managi ki ni namu, a mbuɗugi ki suu mam suu kay tamma duk njaf suu kay ndaŋgarna halaŋ.

1 PIYER 4:17

Lina ndak wa a ɓak ma vi Lonna gijaŋŋa, nam gijaŋŋa jewni u suu vi Lonna, lini nam gijaŋŋa jew ni u aygiya hin daɓ ha ki u suu bay vi u Boy ma Ayra vi Lona ni ɓak masina hin lini ko menage?

GA 8ATAMBARA 10:15

Kay Yawe njun tammi eg somoyogi doy hol minisiya, ŋgoorosi daganni nam minisi goryosiya, ni ana agi ni suu nam managi ki duk njaf suuna halaŋŋa, ko agi wi cemi wanda na.

ROMMA 2:9

Wihawra u lassa hin mba kay suu li cora halaŋ, gijaŋŋa ay u suu Juifna hin mba kay suu daŋŋa.

DANYEL 9:12

Lona li ki ni dlara nam ɓakaɗ ki kamira, kay suu ti mulla kamina, hoŋomi dla cora ŋgolla ay kamiya, dla ndaɗta ka bay li hu li ma daŋ kay yam mbassa ko ndaɗ li hu Yerusalemba na tuwa.

EZEKIYEL 9:6

Suu maana, gorozoŋina, njufiina u gorɓiina, gorkemba u boyogina, agi casiya ta ta daɓasi kiyo, na may suu lomorora ki tini vogosina agi ŋgenesiɗi. Agi gijaŋŋa ha ni hu Ziŋ ma Teteɗna.» Asi gijaŋŋa ha ni u suu ŋgolo suu laki fun zirana.

JEREMI 14:10

Na ɗaŋŋi Yawe ɓak suu asina ana, «Gasi, asi min ni poyra, asi ka gol tasi hu poy masira jiviɗi.» kay ana asi ka jivi ii Yaweɗi. Cecem wanda nam gasi u dla coosira ki koloo. Nam gasi daŋgayna kay coosira lay.

JEREMI 13:21

Aŋ hin di ni me ologe hu li ma suu aŋ haɗasi ki u wihaw maŋgana, suu ki vo varaŋŋa hin mbuɗ ki iriŋ cora. Gasi tiitara hin faŋu, ko ndal cara hu buu ma vuɗta na.

JEREMI 11:22

Na ɗaŋŋi Yawe, ma Saɓakŋa Kom Belna, ɓak anaba, «An hin kaasi ɓakŋa kasiya, gor zoŋŋi masisina hin casi ki u ŋgewina. Goryosi suu njufiina u gorɓiina hin miɗ ki ko mayra.

JEREMI 10:25

Aŋ hin yaaŋga li ni kay suu ka waŋgina kay suu ka yaŋ seŋgina, kay asi kul tlena vi Yakob kiyo. Asi cam kiyo. Asi daɓam dlam kiyo. Asi yowom tlegeyem kiyo.

JEREMI 9:25

kay Egipte, kay Yuda, kay Edom, kay suu Amonna, kay Moab, kay suu vogosi ki koori suu hu fullana. Kay ana njaf suuna halaŋŋi hurusi ka ki mbuɗiɗi, suu Israelna lay ni hurusi ka ki mbuɗiɗi.

JEREMI 1:15

An hin yi njaf muli suu ii ko ma mbayawna u deeresi halaŋ. Yawe di na. Asi mbaya, gegelay tin dlam mamba mulla vun grek ma vi Yerusalemma, irisi tini kay gulumun ma ŋguy kaɗna na ɗow, irisi tini kay ɦoŋzi ma Yudana na ɗow.

EZAYI 63:19

Day day ni ami mbuɗ ki ni ko suu aŋ ka ti kasiɗina na. Ami mbuɗ ki ko suu seŋ yi ka varasiɗina na. Ҥii, lini aŋ co huulona ay kiyo, lini aŋ cuk seŋ ay ga kay ndaŋgara, ɦinira halaŋŋi hin geŋeɗ fokoŋu.

SOOLLA 147:19

Nam di boy mamma maŋ goryoŋ Yakobma, gaɗ mamba u min mamba nam daɗ maŋ suu Israelna.

GA 8ATAMBARA 26:18

Cemi ni Yawe vagi ki ni a suu mam suu kay tamma, ko nam di ay ki fok jewra na, agi may ni mba hum u gaɗ mamba halaŋ halaŋ may.

URA TIN AYRA 10:32

Ni dee goryoŋ Nowana li ni na, sesi u deeresi njafasi zeɗ zeɗ. Deera njay ki ŋgoo mbo ŋgolna ma tli kay ndaŋgarana zeɗ zeɗ col ay ni usiya.

SUNDA 17:26

Nam cuk suuna halaŋ col ay ni u sana dew. Nam ɦasi ndaŋgara ni masiya. Nam ŋga ii lina ha ki fok jewe, hin ɓorowosi li ma asi kak huna ki kosiya.

NAHUM 3:4

Ni kay dla cora vi gawlaŋ mayra min taɗ u tlesuu jivina a mbaɗ suunara, a puk mbassa ki kaŋga u dla cooɗta, puk suuna ki u mbeleŋ maɗna.

Magaara Vi Sa Jok Vun Lona OZE 9:9

Asi tuɗ ha ki duk na day u ganyamba ko ndal hu buu ma vi Gibeana na. Lona humum hin gam kay ci maɗ masina nam hin joɓosi ki kay suluk masina.

Magaara Vi Sa Jok Vun Lona OZE 8:13

Ko va ma lam a ɓivunnana na ni, asi ŋgaɗ tliwna ŋgaɗ ni hin komomu, na may ni Yawe hurum ka furiɗi. Cecem wanda nam ka ndumusi coosira komu. Nam hin joɓosi ki kay coosira. Asi hin hoŋŋi hu Egipte.

Magaara Vi Sa Jok Vun Lona OZE 2:13

An hin bulumuɗ furi maɗta kiyo, luu maɗna lay, vun til maɗna lay, buu maɗ ma sabbatna lay, tok maɗta daŋga zeɗ zeɗta lay ki halaŋ halaŋ.

GA 8ATAMBARA 32:9

Yawe man suu Israelna ki ni a suu mamsina nam ka golosiya, Yakob ki ni a joomma.

1 KORINTNA 8:3

Sa ma min Lona, Lona wamu.

URA TIN AYRA 18:19

An manammi kay nam gaɗ goryomu u suu mam suu hin ka ŋgorom daganna, a asi hum gaɗta vi Yawera, poy ɗegee.» Ko ndaɗta na Yawe faɗ vun dlara nam vi vunum kaɗ u Abrahamba kiyo.

GA 8ATAMBARA 4:32

Saaragi kay dlara jak ay ki fok jewra gige, tlesuu li ay ki fok jew bay Lona min sa warna tu layna. Joɓ tagi gige u vun ndaŋgara tun ayra ta ta u daɓ maɗta, dlara mbuɗ mbuɗ ta ŋgol li kaɗi su? Sa hum dlara li ko ndata na ki dew su?

EZEKIYEL 5:9

An lagi egegi ni dlara an laɗ ka dew tuɗira. An ka hin a li dla ndaɗta na oloɗi lay. An li ni kay dla coogira agi laɗta.

Magaara Vi Sa Jok Vun Lona OZE 5:3

An tanda wi Efrayim, Israel lay ni ka ki irin ŋgayɗi. Efrayim u zuɗta aŋ zuɗ Israel a li dla corara, Israel ɓeŋ ki wa.

AMOS 2:4

Yawe ɓak anaba, Ni kay dla cora laɗ yamba hindira, kay dla cora suu Yuda suu yara laɗ yasi fiɗira, an ka col dukgi, kay ana asi noy gaɗta vi Yawera kiyo, li ka u gaɗ mambaɗi, kay ana kaboy masina viɗisi ki wa, suu may suu tli dlaŋ somoyosirana.

AMOS 3:3

Suuna mba' ndak a tuɗ u tasi dew hu li ma asi bay hum tasi kina su?

AMOS 6:1

Hahawra ka kay suu tin u heɓ masira kay Siyonna. Suu ɦal hurusi a kak u heɓpa kay ɦinira Samarira. Asi suu ŋgolo suu jew duk suunana. Suu hu zi ma Israelna mbay ni egesiya.

MISE 2:3

Ni kay ndaɗta Yawe di ana, gola suu ko ndaɗta nana an tinisi hahawra kasiya. Agi hin ka ndak a paɗagi delegi kiɗi, ka a tuɗ yagi kolo tliɗi lay, kay ana li namma hin li ni li ma hahawra.

KALKIRA 32:34

Cemi aŋ tuɗa, tin suuna hu li ma an daŋ kamma, sa sun huulona manna hin tuɗ fokoŋŋi namu. May buu ma an mbay u tanda wa ni an hin cukusi daŋgayna kay dla coosira.»