AMOS 3:10 - Boy Lonana

¹⁰ Asi ka u yal ma li dlara ɗegeeraɗi, suu tok dla cora varasi a ɦurum tlena hu ziisina kira, Yawe di na.

AMOS 3:10 ပူးပေါင်းရင်းမြစ်များ

JOB 20:21

Kurufuk mam ndaɗta ni va ka hin kom dewɗi. Furi mamba ka li ŋgolɗi lay.

SOOLLA 14:4

Yawe joɓ tam ana, suu las ndarayasina, asina na ni, ka wi vaɗi gasi su? Suu ɗoɓ tasi ki u suu mansinana, asi tasi ki ko tlesuu tirana, asi ka goɓ Yaweɗi lay.

VUN ŊGOLNA 1:13

Aygi hin fi tlesuu jivina cocoo, aygi hin oyoygi ziiygi ki u tlesuu vi suunana.

VUN ŊGOLNA 11:16

Cara oora seɗ hin tii may. Suu saɓakŋa ɦayna hin fi begera may.

VUN ŊGOLNA 28:5

Suu dlasi cona ka wi u dlara ɗegeeraɗi. Suu hal Yawe gasina waɗ uɗ ki halaŋ.

DI BOLLA 4:1

Olo ni an ka wi suuna lassa. Suu ndarayasina lasasi ga duk ndaŋgara tanina. Gola suu ka las asina tii cocoo, sa ma ɗilisi irisi kaɗi lay. Saɓakŋa ki ni u suu ka lasasina na ɗow. Sa ma ɗilisi irisi kaɗi.

JEREMI 4:22

Gasi, suu mansina saarasi kaɗi. Asi ka wanɗi. Ni gor suu to'onosi kaɗina. Asi ka ndak a wi dla na ndeɗi. Asi yal coco kay a li dla cora, a li dla jivira ni asi ka wiɗi.

JEREMI 5:4

An may ni joɓ tan ana, asi ni suu ka wi vaɗina. Asi ka yalɗi lay. Asi ka wi voɗta vi Yaweraɗi, gaɗta vi Loosinaraɗi lay.

EZEKIYEL 18:7

Nam ka li mbeleŋ ma yow va vi sa ki ɗi. Nam hoŋ va ma nam deŋem ka balnana kiyo. Nam ka kulɗi. Nam ɦal fuumma ki maŋ suu mayra casina. Sa ma ki siilina nam ɦam barawna egemu.

EZEKIYEL 22:29

Suu hu ɦoŋzinna li dla cora, li dlara kulla lay. Asi yow tlesuu vi suu wihawra u suu hawra kiyo. Asi ɓaɗ tlesuu vi koyogi suu tuɗ kolona ki u saɓakŋa.

EZEKIYEL 8:17

Nam dan ana, «Goŋ sanna, aŋ wi wa su? Dlara co ndaɗta wanni ndak suu Yudana ka tuɗi su? Asi ɓeŋ mbassa ki u dlaasira cora, cemi asi gijaŋ lan cora ni egen anu. Gola cemi asi ka ɦuɗ hum bawra ay cinisiya.

Magaara Vi Sa Jok Vun Lona OZE 7:1

Hu li ma an a cil mbil Israel gawna ni, cora vi Efrayimba uɗ hin gi ki kolo u ci maɗ ma vi suu Samarina. Gasi asi li ni dlara li iira. Suu ɦulla sel ay vo hu zina, ha ki bunsu wanni suu li dla cora ɦurum suuna may.

AMOS 4:1

Humugi boyna haa, dogoni mbutli suu Basanna, agi suu ti haɗna ay kay ɦinira Samarira doorogi suu maŋina kiyo, lasagi suu hawra lay, dagi malayagina ana, ɦal ay tlesuu cira.

AMOS 5:7

Asi mbuɗ ma ɗegeena ki va ci suuna bulum gasira ki kaŋga duk ndaŋgara.

AMOS 6:12

Na ni kulumina jaŋ kay gogoyra su, na ni suuna ndak a zum u mbutlina kay gogoyra su, a agi mbuɗugi ma ɗegeena ki ma cona, vuɗ gu ma jivina ki ma ci suuna su?

AMOS 6:3

U yal ma agi halam a zuɗ buu ma cona ha ki egegira agi ɦuɗugi mulla yara ay egegi ni ɦuɗiya.

AMOS 6:8

Yawe, Lona ma Saɓakŋa, suu tam di ana, anni ma a Yakob ŋga tam u namma, an noyom hu ziimu an hin hinim ɦoŋ ziimma ki u ŋgolom halaŋ. Yawe di na.

MISE 6:10

An ndak siɓ a suuna tok begera ɦula hu zisi na gak gak su, va ma cona, ŋgara ka ŋga tleesuu gussa u voɗosiɗira?

SOFONI 1:9

Hu buu namma wanni an hin kaɓakŋa kay suu hin weɗ ki kolo kay vun goŋgana, oy zira vi sa ŋgol masinara ki u tlesuu yowosi ay u saɓakŋa, u li iira lay na.

2 PIYER 3:5

Maa humusi ki a gagaɗta kay boyna wanni ay jew dayra Lona diya, huulona u ndaŋgara nam lasiya. Ndaŋgara paɗaɗ ay ki ni duk yona hin miniɗ ni u yo namma,