AMOS 2:11 - Boy Lonana

¹¹ Na ɗaŋŋi an mbuɗ suu daŋŋa duk goryogi ki suu jok vun Lona, duk suu jivi coco dukugina, an mbuɗ suu hiŋŋa suu Nazirna. gasi ɗowba ɦawa su? Na ni gasi su, goryoŋ Israelna? Di ni Yawe.

AMOS 2:11 ပူးပေါင်းရင်းမြစ်များ

JEREMI 7:25

Ay hu li ma somoyosi sel ay ki hu mbassa Egiptera day ta ta hu buu ma karamma an hin ka bay sunusi suu man suu sunda jew jok vun Lona ha tuwa, hu buuna tew tew tan ka loɓbi.

MISE 2:6

«Ɓakagi boy nammaɗi, asi ɓakam su? Asi ka ndak a ɓak ko wanda naɗi, boy ma cona hin ka a ɦuɗ ki keŋ dayɗi.

YOORA 4:7

Suu maɗ suu teteɗna ki teteɗ su dlammagina lay, ki haɓpa su mbiira lay, tasi ki warra su mbuuri suu duk mbo lum ma ŋgolna tasi tlumina na.

JEREMI 26:11

Muli suu li ɓivunna u suu jok vun Lona di maliyaŋ ndaŋgara u suuna halaŋ ana, «Sa namma vi a aygi lam egemmi dla ŋgolo, kay nam di dla cora kay ɦoŋzi namma agi tagira humuɗ ki u humugi lay.»

JEREMI 11:21

Na ɗaŋŋi Yawe ɓak eg suu Anatotna, suu min a caŋ kina, di ana, «Ɓakagi boyna ha ki u sem Yawe oloɗi, li ka naɗi ni aŋ hin miɗ ki komiya.»

JEREMI 2:31

Agi suu wara, suu cecem wanna, humugi boy ma vi Yawena. An mbuɗ ki ni fulla vi Israella su? Mbas mayra ndufun ilik ilikka su? Ni kay me suu mansina di ana, «Tuɗuygi hu li ma aygi minimma, ami ka hoŋ ay egeŋ oloɗi ni ge»?

JEREMI 2:5

Yawe ɓak anaba, dla cora somoyogi fanda egenda ni tarage a asi ɦuɗ tasi ki egen day nige? Asi liŋŋi u dlara uɗ kaɗira. Gola asi bulum ki cemmi ni ko va kaɗira na.

2 DLAŊ MULINARA 36:15

Yawe, Lo ma vi somoyosina, ma hurum oy u minda coco eg suu mamsina u Ziŋ Lonara layna, cukusi suu vun sunda ay egesi bolow zeɗ zeɗ coco a asi mba ɓakasi dlara nam dasira ayra.

2 MULINA 17:13

Yawe ne yam suu Israelna ki coco fun suu jok vun Lona zeɗ zeɗ. Suu Israelna u suu Yudana halaŋ ana, «Humugi u gaɗ manda u gaɗta an dagira ay ki jew maŋ somoyogira, an hin hoŋ dagira magi agi tagira olo, fun suu man suu sununna, suu jok vun Lonana.»

2 MULINA 6:1

Suu jok vun Lona di Elize ana, «Li ma ami lak fokoŋ hurum wanna goo saɓaki.

1 MULINA 22:8

Mul ma Israelna di Josafat ana, «Sa ma ka tani dew ma ay ndak a tuɗ joɓ Yawe ay funumma. Na may an ka minim dlaambaɗi kay nam ka dan dlara jivi kanɗi, di ni dla cora sak sak. Ni Mise, ma goŋ Yimlana.» Josafat di ana, «Ka mulna ɓak ko ndaɗta naɗi.»

1 MULINA 20:41

Sa ma jok vun Lona yow baraw ma ay ki boɗi kamma ki ni na zak gaw. Mulna wi ki ana ni sa maa dew duk suu jok vun Lona.

1 MULINA 20:35

Sa maa dew duk goryoŋ suu jok vun Lonana di ndaram ma tuɗ ko tasina ko Yawe damba na ana, «An ceneŋu, can aya.» Na may sana min ka a cambi.

1 MULINA 20:13

Sa ma jok vun Lona dew ɦuɗ tam ay eg Akab dam ana, «Gola, Yawe di ana, suu moli bolow coco wanna ni aŋ wasiɗi su? An hin ɦaŋsina ki karam hu duk koŋu. Aŋ hin wi ki ana an ni Yawe daŋ may.»

1 MULINA 19:16

Aŋ hin jak fuu Jehu ma goŋŋimsina a mul ma Israelna. Aŋ hin fuu Elise ma goŋ Safat Abel-Maholana a sa ma jok vun Lona kay balam seŋ may.

1 MULINA 18:4

Hu li ma Jezabel ci suu jok vun Lona kina ni Obadiya yow suu jok vun Lona kis ŋgayasi kiyo, ɓorowosi irisi ki dok-vadl dok-vadl hu zul ɦinira, ɦasi funa may, yona may.

1 MULINA 17:1

Eli sa ma ay hu ɦoŋzi ma Tisbena hu mbassa Galaadta mba di mulna Akab ana, «U sem Yawe, Lona vi suu Israelna, ma ka iiri tew tewna, ma an ka sunum wanna, basara hin fok cara ni lo ka siɗi, mbaɗagi ka gi kay ndaŋgaraɗi lay, bay an di an na baɗi.»

1 SAMUEL 19:20

Sol sun suuna ha ana tuɗ vam David aya. Asi wi suu jok vun Lona u tasi bolowra ɓak boyna. Samuel coli fokosiya. Musuk Lonara mba kay suu Sol sunusi ayna, casi kiyo.

1 SAMUEL 3:20

Suu Israelna halaŋ col ay hu Dan ta ta hu Berseba wi ana Samuel fi saɓakŋa mbuɗ ki sa jok vun Lona vi Yawe wa.

GA 8ATAMBARA 18:18

An hin ɦasi sa ma jok fun Lona ko aŋ nana aya, ni duk gorsesina tok. An hin kalam boy manna ay funumu, nam hin dasi ki ni dlara an damba ana nam dasira kiyora.

SUNDA 7:51

«Agi suu yagi kaɗina, njun hurugiya, ŋgel humugi ki kay yira vi Lona. Tew tew ni agi ka hum vun Musuk Lonaraɗi, ko somoyogi na may.

SUNDA 5:28

Nam dasi ana, «Ami doorogi ana agi haɗ sa kay sem sa namma oloɗi naɗi su? Agi hin haɗ ndaa ndaa njay boy magina ki hu ɦoŋzi ma Yerusalemma na halaŋ halaŋ. Agi min a mbaa maɗ sa namma ki kami su?»

SUNDA 4:18

Asi yasi ay yini gaɗasi ana, asi di boy namma ki oloɗi, haɗ sa u sem Yesu oloɗi lay a fafatɗa.