AMOS 1:3 - Boy Lonana

³ Yawe ɓak anaba, Ni kay dla cora laɗ yamba na hindira, ni kay dla cora suu Damas suu yara laɗ yasi fiɗira, an hin ka col dukgi, kay ana asi ci suu Galaadna ki u njetna.

AMOS 1:3 ပူးပေါင်းရင်းမြစ်များ

1 MULINA 19:17

Suu may suu suɗ ay ki ko ɓak ma vi Hazaelna, Jehu hin casi ki u ŋgewna. Suu suɗ ay ki ko ŋgew ma vi Jehuna, Elise hin casi ki may.

2 MULINA 13:3

Huu Yawe ɓeŋ ki egesiya. Nam hinisi ki hu duk ko Hazael, mul ma Sirina, tew tew, hinisi ki ko goromma, Ben Hadad, ni na lay.

2 MULINA 13:7

Suu duu suu hin ko Joasazna ni suu jaŋ kulumina na dok-vadl, pus pusna ni doogo, suu duu suu semba ni buɓ buɓ doogo may. Kay mul ma Sirina ci suu wanna ki ni halaŋ halaŋ. Nam lasi ki ko ndal gugum ndaŋgara suuna tayaɗ ki kaŋga u sesira ɦawa na.

2 MULINA 16:9

Mul ma Asirina humum boy mamma mbay duu Damas tli ɦoŋzi ma Damasna kiyo, dik suu huna ha ki ta ta Kir, ci mulna Ressin ki may.

2 MULINA 8:12

Hazael joɓom ana, «Sa ŋgol manna tii ni kay mege?» Elize hoŋom dira ana, «Kay an wi dla cora aŋ hin laɗ eg suu Israelnara. Aŋ hin ŋgalasi ziisi ma eŋŋa kiyo. Aŋ hin casi gorzoŋi masisina ki u ŋgewna. Aŋ hin njerɓesi goryosi suu gorina kiyo. Aŋ hin wakasi huu boyogosi suu wiina kiyo.»

JOB 19:3

Gola agi ŋgulun ki yagi ca ni na doogo. Tagi ka lagi zolo ko lassa agi lasan wandaraɗi su?

JOB 5:19

Na olo ni, nam ndak a suɗuŋ ki hu las maŋga. Ŋgoo dagan dlara co ka hin a laŋ oloɗi.

VUN ŊGOLNA 6:16

Tlena ka na karkiya suu Yawe ka minisiɗina, ndak a li kiɗisiya suu ka gol irim jiviɗina.

DI BOLLA 11:2

Ɓorow bege maŋga duk u suu kiɗisiya kala, kalavandi kala, kay aŋ ka wi dla cora hin a mbay fokkaɗi.

EZAYI 28:27

A tok wana ni aŋ ka gulukum irim kiɗi. Ka hin pus pus ma mbutlina tuɗ kolo hu maɗakŋaɗi, na may to wana ni u tokolora, lammi u tlesuu feɗna.

EZAYI 41:15

An hiniŋŋi ko ɓalaŋ ma wili ma to wana na. Aŋ hin to ɦinira kiyo, gulukuɗ ki lay, li ma mbuy kolona aŋ ceɗem ki gulukum ki lay.

EZAYI 7:16

Jew a gogoona wi yal ma hin cora ki man jivira ni, muli suu aŋ lasi ndaarasi mba' wanna ndaŋga ndaɗta hin hin kiyo.

EZAYI 7:8

Ni kay mege? Kay ana saɓak Siri su Damassa, saɓak Damas ka u mulna Ressin lay. Basara hin tu na dok-karkiya yam vadl ni Efrayim ma tokina ka min koloɗi.

EZAYI 8:4

Kay ana jew bay goona mbuɗ yi ana bunu ɗowba sunura ni asi hin ɦurum begera vi suu Damasna u jo ma vi suu Samarina ay fok mul ma Asirina.»

AMOS 1:11

Yawe ɓak ana, ni kay dla cora laɗ yamba hindira, kay dla cora suu Edom suu yara laɗ yasi fiɗira, an hin ka col dukgi, kay ana nam dik wayamma u ŋgewra komu, cam ki wam hahawam kaɗi, kay ana yaamba heɓ ka tuɗi, hurum ka yomusna na gak gak.

AMOS 1:13

Yawe ɓak anaba, Ni kay dla cora laɗ yaɗ yamba na hindira, kay dla cora goryoŋ Amonna laɗ yasi fiɗira, an hin ka col dukgi, kay asi wak huu boyogi suu wii suu Galaadna kiyo, a mbuɗ mbas masira ki ŋgollara.

AMOS 1:6

Yawe ɓak anaba, Ni kay dla cora laɗ yamba na hindira, kay dla cora suu Gaza suu yara laɗ yasi fiɗira, an hin ka col dukgi, kay ana asi yow suuna bolow cocoo, tuɗ cukusi ha ki Edom.

AMOS 1:9

Yawe ɓak anaba, Ni kay dla cora laɗ yamba hindira, kay dla cora suu Tir suu yara laɗ yasi fiɗira, an hin ka col dukgi, kay ana asi yow suuna bolow cocoo, tuɗ cukusi ha ki Edom, saa ka kay galamba duk ɦoŋ tasira wayaraɗi.

AMOS 2:1

Yawe ɓak anaba, Ni kay dla cora laɗ yamba hindira kay dla cora suu Moabma laɗ yasi fiɗira, an hin ka col dukgi, kay ana nam ŋgal sok mul ma Edomma ki buɗna.

AMOS 2:4

Yawe ɓak anaba, Ni kay dla cora laɗ yamba hindira, kay dla cora suu Yuda suu yara laɗ yasi fiɗira, an ka col dukgi, kay ana asi noy gaɗta vi Yawera kiyo, li ka u gaɗ mambaɗi, kay ana kaboy masina viɗisi ki wa, suu may suu tli dlaŋ somoyosirana.

AMOS 2:6

Yawe ɓak anaba, Ni kay dla cora laɗ yamba hindira, kay dla cora suu Israel suu yara laɗ yasi fiɗira, an ka col dukgi, kay ana asi gus sa ɗegeena ki kay gursura, sa hawra ki kay tuɓurura.

ZAKARI 9:1

Di boyna. Boy ma vi Yawena mbay hu mbassa Hadrakka vunum hin do hu Damas, kay ana tlesuu jivi suu hu Aramma ni vi Yawe ko njaf suu Israelna na may.

ZAKARI 9:2

Ko Hamat ɦoŋzi ma keŋeɗ na, Tir u Sidon li ma yalna cocona.