Mbassa halaŋŋi hu hahawra, mbuɗ maŋiya, mbassa Libanda mbuɗ ki zolona ka jivi oloɗi, mbassa Saronda mbuɗ ki ko ŋgoo bagira na. Basan u Karmel hum ŋgusugi suu huna yak ki halaŋ halaŋ.
Ko asi halaŋ ɓoo, asi weɗ koloo, luura, sawalla furira. Bibiŋilla vi gu ma Libanna ɦasira ki wa. U ŋgolla vi ɦinira Karmella ura Saronda lay. Suuna hin wi bibiŋilla vi Yawe wi ŋgolla vi Looyginara.
Ndaŋgara hin yoo taɗ ni buuna ta ta gage, usu ma bagina hin so ki ni saɓa mayge? Mburi suu bagina miɗ ki ni kay cora vi suu maɗsinara. Asi suu di ana, «Nam ka wami voɗomiɗi.»
Aŋ may ni hin ɓakasi boy ma vi Yawe namma kiyo. Aŋ dasi ana, Ay kolo day ni Yawe hurum mbuɗ ki yara. Ay kolo hu ziim day ni Yawe ka ɓak ay u delemu. Nam mbuɗ ki yara, gasi nam mbuɗ ki yara eg suu mamsina. Nam yi ay kolo u delemba to tlena kira kay suu kay ndaŋgarana halaŋ.
Suu jok vun Lona suu li sun masira ki fokon lay, fokoŋ jew day layna, ɓak dlara kay mbassa bolowo kay mulina bolow lay, ɓak kay duuna, kay dla cora, kay tuguɗi bora lay.
Asi hin tuɗ ha kay cee Yawe, nam hin ndi ay ki ko ndal dlona na, hu li ma nam mbuɗ yara, ŋgobba, wani gor kemba hin col liŋŋa ay u fiɗigina day dlak ko ndaana mbay egemu.
An gasi jaŋŋasi duuna ko ndal bosogo ma asi yowom goryomma na, an coosi hurusi kiyo, ko ndal dlona na an komosi hu li namma, mbuuri suu bagina hin palawasi kiyo.
Hu li ma Yawe ka tak voɗta maŋ suu mam suu duuna. Suu mam suu duuna bolow cocoo, saɓak ɦay lay humum boy mamma lay. Buu ma vi Yawena ŋgolo, dlam ti ta cocoo, sa hin vi tam hu buu nammana ni gege?
Lini asi ŋgay tasi ha ki kolo kay ɦinira Karmella lay ni, an hin halasiya, yowosi ay ki kaŋgaa, lini asi ŋgay tasi ki irin kaŋga duk mbona lay ni, an hin ɦal voɗta ha maŋ guyna nam eɗesiya.
Nam mbuɗ yara eg lum ma ŋgolna wa ni nam so kiyo, nam haɗak mbo lum ma gorina kiyo. Usu ma hu Basanna u ma keŋ ɦinira Karmella so kiyo, ɓo guguni suu hu Libanna logoɗ kiyo.
Sana dew hu Maon, bege mamba molira ni hu Karmel. Sa namma bege cocoo, timigiina kom buɓ buɓ hindi may, ɦugunina kom buɓ may. Nam ay hu Karmel ni a caw tlimiɗ yoori mamsina kiyo.