AMOS 1:12 - Boy Lonana

¹² An hin cuk kura hu Teman ndaɗ hin ŋgal zigini suu Bosrana kiyo.

AMOS 1:12 ပူးပေါင်းရင်းမြစ်များ

URA TIN AYRA 36:11

Goryoŋ Elifazna ni, Teman, Omar, Sefo, Gatam u Kenaz.

URA TIN AYRA 36:33

Bela miɗ miɗni, Yobab ma goŋ Zera ma Bosrana varak balamamu.

1 DLAŊ MULINARA 1:44

Bela miɗ kiyo, Yovav ma goŋ Zera ma vuɗum ko Bosrana ti mulla balamamu.

EZAYI 34:5

Bu Suuna di ana, ŋgew manna ay kolo huulona day guruɗ ay wa. Nam mba ci suu Edomma kiyo, ni suu may suu an kaasi ɓakŋa ki kasi nam vasina.

EZAYI 34:6

Vun ŋgew ma vi Yawena taɓagi u busuna, nam ki hoɓi u mbulna. Busu timigiina u busu ɦugunina u mbul ma kay gilis gamlaginana, kay ɓivun ŋgol ma vi Yawena ka hu Bosra. Ci maɗ ma cocona ka hu mbassa Edomba.

EZAYI 63:1

Sa ma tuɗ ay col ay hu mbassa Edomba namma ni gege? Ay hu zi ma Bosrana u baraw ma tlawna tamu. Vun baraw mamma ki ŋgufi u kura funumu, tuɗ u saɓakam cocoo, sa namma ni gege? «Ni an, Bu Suuna, an ka u saɓak ma suɗta, an mba ni a tak ki ni kiɗikka ana an tiwara.»

JEREMI 49:13

Gasi an suu tan ki u tanda, Yawe di na. Bosra hin mbuɗ ki ni li ma hahawra, li ma didiŋga, nam hin mbuɗ ki ni li ma suuna ŋgul tasi may, gi vunna maŋ tasi may u namma. Ҥoŋzi ma hin tam kamma halaŋ hin mbuɗ ki ni li ma didiŋga.

JEREMI 49:20

Humugi boy ma Yawe minim ay kom kay Edomma haa. Ɓak ma nam kaam ay ki kay suu Temanna. Gasi daŋ may goryoŋ yoorina hin taɗasiya. Gasi daŋ may nam hin ɓeŋesi tlegeyesi ki ni kay dlasira.

JEREMI 49:22

Ni ko ndal kokolo mayra pii kolo huulona ŋguyra na, ɓee garaŋaɗ ki duk ha kaŋga kay Bosra. Suu saɓak suu Edomma hurusi hin mbuɗ hu buu namma ko huu cara hu buu ma vuɗta na.

JEREMI 49:7

Yawe, ma Saɓakŋa Kom Belna, ɓak kay Edom anaba, Na ni saara yalna ka hu Teman oloɗi su? Suu mbeleŋŋa saarasi geɗeŋga yal masina viɗ ki wa.

EZEKIYEL 25:13

Kay ndaɗta Bu Suuna, Yawe, di ana, an maɗ kon kay suu Edomma u hurun ma ɓeŋ ki egesi u yarna. An hin ci suu warna u yoorina kiyo. An gijaŋ ɓalakka ay ni hu mbassa Temanda day, asi hin puk kaŋga fun ŋgewna ta ta tew ki hu mbassa Dedanda.

ABDIYAS 1:1

Va ma takam maŋ Abdiyasna. Bu Suuna Yawe ɓak kay Edom ɗaŋŋi ana, boyna kaa, a aygi humuygiya, boy namma col ay ni fun Lona, kay ana nam sun mul ma duuna ay duk suuna wa, «Cologi kolo. Tuɗugi tlagi mbassa. Duurugira.»

HABAKUK 3:3

Lona col ay hu Teman, ma teteɗna ay kolo kay ɦinira Paranda. Bibiŋil mamba oy huulona, geleɗta geleɗemba oy yam ndaŋgara.