AMOS 1:1 - Boy Lonana

¹ Boy ma vi Amosna, sa gol timigiina duk suu Tekoana, ma wi tlena ɓakam kay Israel, hu buu ma Oziyas mulna hu Yudana, hu buu ma Jeroboam goŋ Joasna, mul ma Israelna, basara mba' ki fok jew ndaŋgara wiira.

AMOS 1:1 ပူးပေါင်းရင်းမြစ်များ

2 SAMUEL 14:2

Nam sun hal cara mbeleŋŋa ɦayra ay hu Tekoa ɗaŋŋi hin daɗ ana, «Mbuɗ tak ki ko ndak li ni hahaw na, cuk baraw ma doona egeku, li mbul ma hisna egekgi, li ko cara li doo sa miɗ ki day dayna.

1 MULINA 19:19

Nam tuɗ wanni, tuɗ fi Elise ma goŋ Safatna horoka. U mbutlugi suu zumma fun tasi cuɓ cuɓ doogo yam mba'. Elise zum u suu a doogo yam mbarana ni u tamba gaw. Eli tuɗ ha keŋem na tokŋi, cukum baraw mamma ha kam na gaw.

2 MULINA 14:21

Suu hu Yudana halaŋ tok vunusi tli Azariya ma basaɗam ki doogo yam karkiyana kakam fokosi a mulna kay balam bum Amasiya.

2 MULINA 14:23

Hu li ma Amasiya ma goŋ Joasna li basara ki doogo yam vadl a mul ma Yudana ni, Jeroboam ma goŋ Joasna kak hu Samari a mul ma Israelna may. Nam li basara hu mulla ni dok-fiɗi yam dew.

2 DLAŊ MULINARA 11:6

Nam min ɦoŋzi ma Betlehemma, ma Etamma, ma Tekoana,

2 DLAŊ MULINARA 20:20

Suuna halaŋ yow kolo maɗii feɗet a tuɗ hu ŋgoo bagira Tekoara. Hu tuɗta asi ka jakka ni Josafat col kolo di ana, «Agi suu Yudana u suu Yerusalemma humugi haa, tinigi hurugi kay Yawe, Loogina, ni sa ma hin a su kagi kaɗi. Vagi vun suu mam suu jokom vunumma ni agi hin ti suuna.»

KALKIRA 3:1

Moiz a taa yoori suu vi kunumma, Jetro, mul ma li ɓivunna vi suu Madiyanna wanni. Nam a tuɗ yoorina ki ŋgoo bagi hu fulla tew eg ɦini mayra vi Lonara hu Ҥinira Horebba

EZAYI 1:1

Gola ni dlara Ezayi ma goŋ Amosna waɗ kay zi ma Yudana u ma Yerusalemma, ni hu li ma Oziyas, Yotam, Ahaz u Ezekiyas a mulina hu mbassa Yudarana.

JEREMI 1:1

Boy ma Jeremi goŋ Hilkiyana damma, ma duk muli suu li ɓivunna kaki hu Anatot hu ndaŋgara vi Benjaminda.

JEREMI 28:8

Suu jok vun Lona suu li sun masira ki fokon lay, fokoŋ jew day layna, ɓak dlara kay mbassa bolowo kay mulina bolow lay, ɓak kay duuna, kay dla cora, kay tuguɗi bora lay.

JEREMI 6:1

Hinigi Yerusalem suu vi Benjaminna, halagi lii daŋŋa kagi a ŋgayra. Buugi tokolomma hu Tekoa, hu Bet-Kerem, takagi dlara, ay ii ko ma mbayawna na ɗow, hahawra ka mbaya, ni dla cora ŋgolla.

JEREMI 7:27

Aŋ dasi u boy namma ki na halaŋ halaŋ. Asi ka humuŋgi. Aŋ yasi lay, asi ka hoŋoŋ diraɗi.

Magaara Vi Sa Jok Vun Lona OZE 1:1

Boy ma Yawe ɓakam maŋ Oze goŋ Beerina, hu cokira Oziyas, Yotam, Ahaz, Ezekiyas a mulina hu Yudara, hu cokira Jeroboam ma goŋ Joasna a mulna hu Israella.

AMOS 7:14

Amos hoŋ dira maŋ Amassiya ana, «An ay ka sa jok vun Lonaɗi, ka goŋ sa jok vun Lonaɗi lay, an ay ni sa taa yoona, anni sa pi ŋgusu tulumma.

MISE 1:1

Yawe di boy mamma maŋ Mise ma Moresetna hu buu ma Yotam, Ahaz, Ezekiyas a mulina hu Yudana. Dlara tak taɗ irim ki kay Samari u Yerusalem.

ZAKARI 14:5

Agi hin pii ki hu ɦuɗugum ndaɗta, kay ana ɦuɗugum ɦinira hin tew ha ki hu Azal. Agi hin pii ko agi pii ki hu cokira ndaŋgara dlak hu li ma Oziyas a mulna hu Yudara na. Olo, Yawe, Loonna, hin mbay u suu mam suu teteɗna umu.

MATIYE 4:18

Yesu tuɗ fun lumma Galilena wanni, nam wi suu ciwna mba', ni Simon (ma yam ana Piyerna) u wayamma Andre. Asi cuk bay masina goloŋ a ciwna.

1 KORINTNA 1:27

Lona man dlara suuna goloɗ ko laɓa nara a mbuɗ suu neeyna zoloo, nam man dlara suuna goloɗ ko maŋi nara kay a mbuɗ suu saɓakŋa zoloo.