ABDIYAS 1:21 - Boy Lonana

²¹ Suu saɓakŋa ɗiŋ kolo kay ɦinira Siyonda a ti mulla kay ɦinira vi Edomba. Yawe hin vam a mulna.

ABDIYAS 1:21 ပူးပေါင်းရင်းမြစ်များ

URA TIN AYRA 25:23

Yawe daɗ ana, «Njaf suuna ka hurukŋi mba', deeresi hin ɓorow ki zeɗ zeɗ. Njaf sa ma dew hin li su ma hiŋŋa, ma ŋgolna hin sun ma goona.»

2 MULINA 13:5

Yawe ɦal sa ma suɗ suu Israelna kina aya. Suu Israelna hin suɗ ki hu duk ko mul ma Sirina. Asi lak hu mbutluɓ masina ko fok jew dayra na.

NEHEMI 9:27

Na ɗaŋŋi aŋ hin hinisi ki ko suu babali masisina asi duurusiya. Hu li ma asi mbuɗ ki hahawra ni asi yaŋ ay kolo u delesi eŋga, aŋ may ni ay kolo huulona day ni aŋ humma. U oo maŋga ŋgolla aŋ buɗusi ki ko suu babali masisina.

SOOLLA 102:15

Ami suu sun maŋsina minni ɦini ndaɗta, gugum ma ay kaɗna cuk kami wami hahawamiya.

SOOLLA 22:28

Ndaŋgara u taɗta halaŋ humuɗ gaɗu, hoŋ ay eg Yawe, njaf suuna halaŋ hin goɓ ga fokomu.

SOOLLA 22:29

Mulla ni maŋ Yawe, nam kak mulna kay njaf suuna halaŋ.

SOOLLA 47:7

Geleɗegi Lona, geleɗemu! Geleɗegi mul maygina, geleɗemu!

SOOLLA 67:4

Ko suuna halaŋ gaŋ deɓpa, Lona! Ko asi halaŋ gaŋ deɓpa ko tasi dew!

EZAYI 19:20

Hin li ni a dlara tak ki kay Yawe, ma saɓakŋa kom belna, hu mbassa Egiptera halaŋ. Lini asi yi Yawe kolo kay suu ka lasasina ni, nam hin sunusi sa ma suɗusi ma njun kasina aya.

EZAYI 24:23

Tilna hin maŋ kiyo, faɗta hin mbuɗ ki ndufunda. Na daŋ may Yawe ma Saɓakŋa Kom Belna ni mul ŋgolna. Ay kay ɦinira Siyonda hu Yerusalem hu bibiŋil mamba fok suu ŋgolona halaŋ.

DANYEL 12:3

Suu may suu neeyna tasi hin weleɗ ko huulona na, asi suu mbuɗ suuna ki jivi bolow coco ko ndal ciciwra na a fafaɗtana.

DANYEL 2:35

Na ɗaŋŋi kawina, luɓuna, walakka, doonora u lorra luɗ ki ni halaŋ, asi hin mbuɗ ni ko ndal barra sii u semeɗna hu til faɗta na. Semeɗna tuɗ u asiya, sa hin ka fasi balamasi oloɗi. Ndaɗ ɦini mayra waɗ mbuuna ndaɗta mbuɗ ki ni ɦini mayra ŋgolla, hin oy yam ndaŋgara ki halaŋ.

DANYEL 2:44

Doli ɗaŋŋi hu buu ma vi muli suu asina wanni Lo ma ay kolo huulonana hin tin mul ma ka ɓeŋ kiɗina, ma mul mamba hin ka ɦaɗ ki maŋ suu daŋ oloɗina. Nam hin luɗusi kiyo, hin bulum muli suu asina ki halaŋ, nam hin hinni a fafaɗta.

DANYEL 7:14

Asi hin ɦam saɓakŋa, bibiŋilla u mulla. Suuna halaŋ, njaf suuna u dee vunusi halaŋ sunumu. Saɓak mamma ni saɓak ma a fafaɗta hin ka daɓ kiɗina, mul mamba ni mul mayra hin ka bulum kiɗira.

DANYEL 7:27

Kay mulla, saɓakŋa u ŋgolla vi muli suu kaŋga u huulona halaŋŋa ɦasi ki maŋ suu teteɗna vi Lo ma Kolo Dayna, mul mamba ni mulla didinda. Saɓakŋa halaŋ hin sunum may hin hum um may.»

MISE 4:7

Duk suu dalira an hin mbuɗusi a ura hinda, suu ay ki njayna a mbas mayra saɓakŋa. Kolo kay ɦinira Siyonda Yawe hin li ni a mul masina cecem wanda, hu fokka a fafaɗta.

ZAKARI 14:9

Na ɗaŋŋi Yawe hin tak tam ki a mul ma kay ndaŋgara halaŋŋa. Hu buu namma wanni Yawe li ni dew, sem dew may.

MATIYE 6:10

Mul maŋga mbaa, min maŋga laɗ kolo huulona, laɗ kay ndaŋgara na may. 16

MATIYE 6:13

Hinimi hu ndembaɗi. Suɗumi ki ko Ma Cona suɗu. [Kay mulla lay maŋga, garaŋga lay maŋga, ŋgolla lay maŋga. Amin.]

Boy Ma Ayra Ma LUK Ɓiirimma 22:30

Agi hin ti tina u an hu ŋgotta dewra hu Mul manda may. Agi hin kak hu dlamba mulla a kaɓakŋa maŋ dee suu Israel suu doogo yam mbana.»

1 TIMOTE 4:16

Gol taŋ u haɗ maŋga jiviya, kak ɗili hu dla ndaɗta halaŋ, lini aŋ li ko ndaɗta na ni aŋ hin suɗ taŋga kiyo u suu humuŋŋa lay halaŋ.

Magaara JAK Ɓiiriɗta 5:20

Saaragi kay boy may ma di ana, sa ma tay sa cona ay ki hu voɗ mamba corana, ni nam suɗ iirira vi sa ma co namma ki hu miɗna wa. Ni coomba ŋgol cocora, hin bulum kiyo.

WIRA ŊGAYRA 11:15

Sa sunda huulona ma kiɗisiyana bu difna, della di ay kolo huulona eŋga ana, «Saɓakŋa a kak mulna kay ndaŋgara cecemi ni maŋ Bu Suuna mayna, u Kristu mamma, nam hin kakŋi a fafatɗa.»

WIRA ŊGAYRA 19:6

An hum della ko suu ŋgolo suu bolowna na. Soo ko mbo ŋgolna ɓaɗta na, ko lona bayra na, an hummi asi di ana, «Geleɗegi Lona Bu Suuna Looygina ni ma Saɓakŋa Kom Belna, nam kaki kay suuna halaŋ mul ŋgolna.

WIRA ŊGAYRA 20:4

Ŋgoo dagan an wi dlamba mulla, suu kaki kay dlam ndaɗta ɦasi saɓak ma kaɓakŋa kosiya, an wi musukka vi suu casi ki kay asi di gasira Yesu takara u Boy Lonana. Ni suu may suu goɓ ka kaŋga fok vabakŋaɗi cen va ma tli tam ko namma mayɗina, ni suu tin huɗukka vi vabakŋa ay ka vokosiɗina, ka kosiɗi lay. Asi yow ay ki kolo iiriya kak hu mulla ko tasi u Kristu basara bup dew.

SUU KAƁAKŊA 2:16

Yawe hin manasi Suu Kaɓakŋa fokosi a buɗusi ki ko suu ɦurumusina.

SUU KAƁAKŊA 3:9

Suu Israelna tii eg Yawe. Yawena ɦasi sa ma suɗusina aya. Ni Otniyel ma goŋ Kenazna. Nammi wayaŋ Kaleb ma goona.