ABDIYAS 1:19 - Boy Lonana

¹⁹ Asi tli mbassa vi Edom ta kaŋga ura, ɦinira vi Ezawra, mbassa kaŋga ura, mbassa vi suu Filistinna lay. Asi tli ndaŋgara vi Efrayimba, mbassa Samarira nam Benjamin tli mbassa Galaaɗta.

ABDIYAS 1:19 ပူးပေါင်းရင်းမြစ်များ

2 MULINA 17:24

Mul ma Asirina yow suu Babilonna, suu Kutana, suu Avana suu Hamatna u suu Sefarvaimma nam cukusi ki hu ɦoŋzi ŋgol ma Samarina balam suu Israelna. Asi mba vi ziisi ki hu Samari.

1 DLAŊ MULINARA 5:26

Na ɗaŋŋi Lo ma vi suu Israelna zuɗ u Pul, mul ma Asirina, u Teglat-Falasar, mul ma Asirina, asi yowosi ki mbaɓura, suu vi Rubenna, suu vi Gadna u nus njaf suu vi Manasena tuɗusi ki hu Hala, hu Habor, hu Hara, fun lum ma Gozanna ta ta karami.

EZDRAS 4:17

Mulna sun hoŋ dira ha ana, «Maŋ sa ŋgolna Rehum, maŋ sa ɓii magaara Simsay u ndarayasi suu daŋ suu ka hu Samari, ka hu keŋ lum ma Efratna u fiɗigina uɗ ta hindana, heɓpa li u agiya.

EZDRAS 4:2

asi ɦuɗ tasi ay eg Zorobabel u suu malayaŋ zina dasi ana, «Ami min a hal Loogina ni ko agi na may. Ami ay lam ɓivunna hu cokira Azarhadon a mul ma Asirina day. Nam sunumi ay tani ni namu.»

SOOLLA 69:35

Ŋgaagina, huulona u ndaŋgara, mbo lumma u tlesuu dukumma halaŋ.

JEREMI 32:44

Suuna hin gus senena ŋgaam gusumu. Asi hin ɓii magaara gussa. Asi hin tin kosi huruɗ fok suuna hu mbassa vi Benjaminda, hu ɦoŋzi ma ŋguy kay Yerusalemma, hu ɦoŋzi ma Yudana, hu ɦoŋzi ma kay ɦinirana, hu ɦoŋzi ma hu Negebma, kay ana an hin hoŋosi ki balamasiya.» Yawe di na.

JEREMI 49:1

Yawe ɓak kay suu Amonna anaba, na ni Israel gorra ka koɗɗi su? Suu a ti jona balamaɗna kaɗi su? Na ɗaŋŋi kay me Milkom tli Gad ki a jona ni ge, suu mamsina kak ki hu ɦoŋzina ni ge?

EZEKIYEL 25:16

Kay ndaɗta Bu Suuna, Yawe, di ana, an hin maɗ kon kay suu Filistinna. An hin casi kiyo u suu ii mbayaw suu hin ndena an hin daɓasi kiyo.

EZEKIYEL 36:28

Agi hin cuk ki hu mbassa an ɦaɗ ay maŋ somoyogira. Agi hin mbuɗ ni suu mansina. An hin mbuɗ ni a Loogina may.

AMOS 1:13

Yawe ɓak anaba, Ni kay dla cora laɗ yaɗ yamba na hindira, kay dla cora goryoŋ Amonna laɗ yasi fiɗira, an hin ka col dukgi, kay asi wak huu boyogi suu wii suu Galaadna kiyo, a mbuɗ mbas masira ki ŋgollara.

AMOS 1:8

An hin ci mul ma Asdodna kiyo, sa tokolora ka kom hu Askalonna an hin cam kiyo, an hin pereɗ kon kay Ekron, suu Filistinna suu hinna hin miɗ kiyo, Bu Suuna Lona di na.

AMOS 9:12

A asi fi suu Edom suu hinna lay, li ma suuna humun sen ki hurumma halaŋ. Yawe di na. Hin a li dla ndaɗta ni namu.

MISE 7:14

Taa suu maŋsina u tokolo maŋga, yoori maŋsina, ka ki duk bubura kay tasiya, duk usuna. Ko asi ti haɗna hu Basan u Galaad ko ndal ay hu buu ma fok jew dayna na.

NDUMBA 1:32

Kay njaf goryoŋ Yosefna ni, kay njaf suu vi Efrayimma ni ndumusi hu deeresi halaŋ, hu ziisi halaŋ, ndumusi ki dew dew bel, col ha kay suu basaɗasi dok-mbana tuɗ ha fok na, suu ndak ki a yow kawi ma duuna kosina.

JOSUWE 13:25

Gola ni mbas mayra Moiz ɦasirara: Yazer, ɦoŋzi ma Galaadna halaŋ, nus mbassa vi suu Amonna ta ta tew ay ki hu Aroer tok eg Rabba.

JOSUWE 13:31

Yow nus mbassa Galaadta ay ki hu may u ɦoŋzi ma vi Astarot u Edrei zi ma ka hu mulla vi Ogka hu mbassa Basanda, mbas ndaɗta halaŋ ki ni maŋ Makir ma goŋ Manasena, ni ana maŋ nus goryoŋ Makirna u njafasi halaŋ.

JOSUWE 15:21

Ҥoŋzi ŋgolo ma ha ga ura dodora ii hakara u Edomba ni vi gi Kabseel, Yagur u Eder.

JOSUWE 15:33

Suu cuki hu mbassa ga ura ni gi Estaol, Sora, Asna.