18 Suu vi Yakobma mbuɗ ko kura na, suu vi Yosefna mbuɗ ko sin kura na may. Suu vi Ezawna mbuɗ ni ko usuna na. Suu vi Yakob u Yosefna mboɗosi ŋgalasi kiyo. Suu vi Ezawna sa hin ka iiri na dewɗi. Yawe di na.
Di mulna ana, «Ko malanna ŋgaan co ndaɗta kanɗi. Tin humuŋ kay cora saaŋ ma sunda laɗ hu buu ma malanna mulna col ay ki hu Yerusalemma. Ko mulna vi boy namma hurumbi.
Lo ma vi suu Israelna ni kura, Lona ni kiɗikka vi suu Israelna, nammi sin kura ŋgalla, ni Lo ma teteɗna. Nam hin ŋgal gu ma siina kiyo, u meera lay ŋgalasi ki ni hu buu ma dewna.
Suu asina mbuɗ ni ko usuna na, kura hin ŋgalasi kiyo. Asi ka ndak a suɗ ki ko ku ndaɗtaɗi. Ndaɗ ni ka ko kura suuna ŋgalaɗ lak funuɗ a holla hawa naɗi.
Ko ndal usuna kura ŋgalam kira na, ko ŋgay wana ŋgal ki duk kura na may, asi hin cim ki u sariyasi halaŋ, ɓoosi hin yak ki duk semeɗna, kay asi hin haɗta vi Yawe, ma Saɓakŋa Kom Belna, kiyo. Asi noy boy ma vi sa ma Teteɗ ma vi suu Israelna kiyo.
«Aŋ, goŋ sanna, tli goo guna tani ɓii kam ana Yuda u suu Israelna taɓ ki ni dew. An hin tli gu ma daŋŋa olo, ɓii kam ana, Yosef ni gu ma vi Efrayimma. Suu Israelna halaŋ tok ay ni kam dew.
Aŋ dasi ana, Bu Suuna, Yawe, di ana, an min tli goo gu ma vi Yosefna ma ka kawi ko Efrayimma u njaf suu Israel suu ay taɓi umma bel. An tuɗ colosi eg goo gu ma vi Yudana. An mbuɗusi ki a gu ma dewna. Asi hin mbuɗ hu duk konni dew may.
Ni ko ndal pupus ma kulumina li vunna a ɗiŋ kolo kay ɦinirara na, ko ndal tlena mbassa mun duk ku zinara na, ko ndal suu saɓakŋa ɦayna colosi a duunara na.
An hin ci mul ma Asdodna kiyo, sa tokolora ka kom hu Askalonna an hin cam kiyo, an hin pereɗ kon kay Ekron, suu Filistinna suu hinna hin miɗ kiyo, Bu Suuna Lona di na.
Ҥaa, ko agi cagi va ma cira ay kay ɦini manda teteɗta, na may njaf suuna halaŋ hin ci na tew tew. Asi ciya, asi hin guruɗ kiyo. Asi mbuɗ ko asi vuɗ ay ka ginɗira na.
Hu buu namma wanni an hin mbuɗ muli suu Yudana ko ndal kura ŋgali u gunara na, ko ndal dolla muni duk usuna na. Asi hin ci suu keŋesina ki halaŋ halaŋ bik njuf may, bik gulu may. Na may Yerusalem hin li kakira ni hu liiɗ ma dewna.