12 Aŋ furi kay buu ma vi wayaŋŋanaɗi, kay buu mamma hahawraɗi. Aŋ furi coco kay goryoŋ Yudana, hu buu ma baasiraɗi. Aŋ ŋgulusi ŋgol coco hu buu masi ma hawraɗi.
Hu li ma an puk kaŋga wa ni, asi halaŋ furiya, suu gugufura tok tasi kan halaŋ a pananda. An ka wi dlara asi lan kaɗtaɗi lay, asi ka kak dukgi kay lasanda gak gak.
Magaa maŋga aŋ ɓiiriɗ ayra aŋ ŋgul Bu Suuna, aŋ di ana kulumi suu pupusna zuli varaŋ cocoo. Aŋ ki fuli kolo kay ɦinira fiyekka, ha hu Liban zi ma dayna an ka gu ma saɓak coco ma huna kiyo, u tlesuu jivi suu huna. An tew hu liiɗ ma ŋgay cocona lay.
Asi ŋgo vunusi kolo uku, suu babali maksina. Asi feɗ vunusiya muɗ siisiya. Asi di ana, Aygi ki likiya. Na ɗaŋ, gola buu ma aygi juɓumma mba wa. Aygi fam wa, aygi wam wa.
Ni aŋ hin wi ki ana an, Yawe, humugi dla coogira aŋ daɗ eg ɦinira vi suu Israelnara wa. Aŋ ana ɦini ndaɗta ɓalak ki wa. Ndaɗ hin ki ni a liimi ma taa yoorina.
Kay ana agi furi ki ana jo ma vi suu Israelna mbuɗ ki ni ŋgoo bagira ɦawaa. An hin mbuɗugi ki ni ko vunugi ma di namma na may. Ҥinira Edomba hin mbuɗ ki ni ŋgoo bagira ɦawaa u suu Edomma halaŋ. Agi hin wi ki ana anni Yawe.»
Bu Suuna, Yawe, di ana, an suu tan kiyo, u hurun ma vaɗ kura guh guhna, an ɓak ki co eg njaf suu daŋŋa halaŋ. Eg njaf suu vi Edomma halaŋ, kay ana asi tlan mbas manda kiyo. Asi furi coco ɦay u pan ma asi panan hurusi kurufuna.
Sinda duk mbalatara ni va goo ko ndaɗta na may na ndaɗ ndak di boy ma ŋgal tara u tlena ŋgolo. Saaragi gige lamba ŋgolla kura goo ew daŋga ŋgalaɗ ki halaŋ.