3 JAŊ 1:6 - Boy Lonana

⁶ Asi ɓak kay min maŋga ki fok suu vina vi Lona halaŋ. An joɓoŋ ana aŋ njunusi hu voɗta asi tuɗta ni va ii Lona jivina.

3 JAŊ 1:6 ပူးပေါင်းရင်းမြစ်များ

URA TIN AYRA 4:7

Lini aŋ li jiviya ni aŋ ka ɗus iriŋgi, lini aŋ li coo, ni cora ka juɓuŋ fun ziŋga, hal a su kaŋŋu, aŋ may ni su kaɗna ɗow.»

JONAS 4:4

Yawe dam ana, «Aŋ ɓeŋ huruŋ ki na ni gasi su?»

SUNDA 15:29

Komogi tliw ma sana li ɓivunna maŋ fulina u nammaɗi, ci busunaɗi, kom va ma sana muruɗum muruɗi ɗi, gologi tagi jivi kay boy zoŋga. Lagi tagi jiviya, hin dlara halaŋga ndaɗta kiyo.»

SUNDA 15:3

Suu vi Kristuna sunusi a asi tuɗ koy ndaɗta ni asiya. Asi kal Fenisi jak Samari dasi boy ma ana njaf suu ka suu Juifnaɗina mbuɗ eg Lona, gorsesina halaŋ halaŋ mbuɗ li furira ŋgolo kay boy namma.

SUNDA 21:5

Hu daɓpa vi buu ma kiɗisiya ma ami lam u asina ni, ami jak fok gak gak tuɗ koy mamira. Asi halaŋ tuɗ a tinimira, boyogina lay, gorkemba lay, gak gak tinimi ha ki doŋ kaana. Ami goɓomi kaŋga u vun givimi halaŋ doŋ lumma cenemi Lona.

ROMMA 15:24

An col ɦawa a tuɗ Espagne ni an hin tli ha varagiya, an a tli varagi ni kay va ma agi a njun un u nam kay koy manda fokka, agi hin tininni ŋgoo dagan buu maa nde.

2 KORINTNA 1:16

An a tuɗ Masedoin wanni, an tli ha varagiya, hu hoŋ manda an hin tli ay varagi lay. Hu koy manda Yudera agi ndak a njun un huwa.

FILIPINA 4:14

Ni kay ndaɗta agi li jiviya kay tlan nek manda ki kagiya.

KOLOSNA 1:10

Ni agi hin poy ko Bu Suuna minda na, li ni dlara nam minda lay. Ni agi hin li sunda jivira a wulugi fok hu wiigira kay Lona.

1 TESALONIKŊA 2:12

Ami gaɗagiya, soogi hurugiya, ami cenegi ana poyogi jivi ko Lona minda na. Nam ma yagi ay hu mul mamba u bibiŋil mambana.

TITTA 3:13

Zenas ma kaɓakŋa u Apollos aŋ tli va ma aŋ a njun usi hu poy masira ay koŋu, li a asi mba kaɗak ki dukgi.

1 PIYER 2:20

Lini asi lasagiya, cagiya, kay ana agi li coo ni agi ka fi vaɗi. Lini asi lasagi kay ana agi li jivira, agi siɓ las ndaɗta wa ni jivi fok Lona.

3 JAŊ 1:12

Suuna halaŋŋi ɓak kay jivira vi Demetriussa, gasira kay taɗta ɓak kam na lay. Aygi lay diki jivi kamu, aŋ wi ana dlara ay ki ni u voɗoɗu.