2 TIMOTE 4:5 - Boy Lonana

⁵ Aŋ may ni kak a ŋgolla vi taŋga daŋ may vi wihawra kaŋu, li sun maŋga, di Boy ma Ayra, li sun maŋga a aŋ sa ma sunda vi Lonna halaŋ.

2 TIMOTE 4:5 ပူးပေါင်းရင်းမြစ်များ

2 TIMOTE 1:8

Li zolo kay a diki kay Bu Suuna maynaɗi, li zolo kan an saam ma daŋgaynaɗi lay, ni na ɗow ana vi wihawra kay Boy ma Ayra kaŋu u saɓak ma Lona ɦaŋŋana.

1 PIYER 1:13

Kay ndaɗta tinigi saa magira kay a li sunda, lakagi jek jekee, tinigi saa magira kay ɦala agi hin faɗ falira Yesu hin mba tak tam kira.

2 TIMOTE 2:3

Vi wihawra kaŋu ko sa ma asgaana vi Kristu Yesu na.

KOLOSNA 4:17

Agi di maŋ Arsip, «Gol taŋ jivi kay sunda yaŋ kaɗ vi Bu Suunara laɗ u voɗoɗu.»

1 TIMOTE 4:12

Hu zoŋ maŋga ni hin sa a ŋguluŋgi, tak taŋ ki a suu vina tli uŋu, u vunuŋ ma ɓak boyna, u poy maŋga, u min maŋga, u viiŋga, u ɗegee maŋga.

SUNDA 21:8

Vin maɗii ni ami tuɗumi Sesare. Hu li namma ni ami cukumi vi Filip ma da Boy ma Ayra, ami buurumi varamu. Nammi sa ma ay duk suu manasi ay Yerusalem kiɗisiyana.

1 TIMOTE 4:15

Li jiviya a li sunda ndaɗta u voɗoɗu, ɦal taŋ ki na halaŋ kay suuna, kay suuna halaŋ wi ana dlaaŋga tuɗ foko.

1 TESALONIKŊA 5:6

Buuruygi senna ko suu hiŋŋa naɗi, lakaygi jek jekee, taygi miniya.

WIRA ŊGAYRA 3:2

Coli kolo kaw va hin koŋ cecemina eŋe kay a nam mba miɗ kiɗi, sun maŋga an waɗ ni ndaɗ kaki jivi fok Lonaɗi.

EFESNA 4:11

Sa ma ɦal ɦala maŋ suunana suu ɦiw nam ɦasi a suu vovoɗta, suu hiŋŋa a suu jok vun Lona, suu ɦiw a suu di Boy ma Ayra, suu ɦiw a suu pastergina, u suu haɗ suuna.

HEBRENA 13:17

Humugi u suu fokogina, hoŋ yagi kaŋga usiya, kay asi ka saa kay ŋgus magira tew tew, lini agi hum usiya ni asi ka joɓ Lona kagiya. Asi hin li sun masira ni u furira may, li ka naɗi ni asi li sun masira ni u yoora, ni agi ka fi va huɗi may.

2 TIMOTE 2:10

Kay ndaɗta an ka siɓ dla ndaɗta halaŋŋi jivira kay suu Lona manasina, kay asi mba fi suɗta hu Kristu Yesu may, u ŋgolla ka daɓ kiɗira.

Boy Ma Ayra Ma LUK Ɓiirimma 12:37

Furira kay suu asina kay mul masina mba fasi iiriya. An dagi ha ni gasira nam u tamba hin min tamu ɦasi li kakŋa, tuɗ yow funa aya, cukusina fokosiya.

MARK 13:37

Boy ma an daginana, ni maŋ suuna bel, juɓugi iiriya.»

KOLOSNA 1:25

An mbuɗ ni sa sunda vi suu vi Kristuna, ni kay sunda Lona ɦanda a laɗ kagira, nam ɦan sunda a dam boy mamma ki u voɗomu.

ROMMA 15:19

U saɓakŋa vi Musuk Lonara li dlara mbuɗta an gijaŋŋa a di Boy ma Ayra kay Kristu an gijaŋŋa hu Yerusalem tuɗ hu li ma daŋŋa tew ki hu ndaŋgara Illiri.

MARK 13:34

Dla ndaɗta ni ko san tuɗ koyra na. Nam hin ziim ka maŋ suu varamma, gegelay u sun mamba komu. Sa juɓ u zina hin juɓum ni iiriya.

EZEKIYEL 33:2

«Goŋ sanna, aŋ tuɗ ɓak suu Israelna dasi ana, lini mbas taa kala an min a mbaaraɗ suu duuna kaɗu, suu hu mbas ndaɗtana tli sa maa ki dukusi dew a sa ma juɓusi usina.

EZEKIYEL 3:17

«Goŋ sanna, an tiniŋŋi a sa ma juɓ u suu Israelna. Hu li ma aŋ hum boy ma kal ay ki funun wa ni aŋ mba dasina kiyo.

JEREMI 6:17

An tin suuna a gologiya. Ko kaki jekjeke a hum del tokolomma. Na may ni asi di ana, «Ami ka gol tami jiviɗi.»

EZAYI 62:6

Aŋ zi ma Yerusalemma, an hin kak sa ma juɓuŋ uŋŋa kay yam gulumuna, sa namma juɓmi faali lay, njeŋge lay, ka koɗ tambi. Agi suu humugi gagi kay boy ma vi Yawena, nam di ana, koɗ tara kaɗi.

EZEKIYEL 33:7

Aŋ taŋga, goŋ sanna, an tiniŋŋi a sa ma juɓ u suu Israelna. Aŋ hummi boy ma kal ay ki fununna. Aŋ hin neensina ha ki may.

EFESNA 4:12

Nam li na ni kay a min ii suu vina ki u Lona kay asi mba li sunda duk suu vi Kristuna. Kay a wul mbalata Kristu kolo hu vira.

2 TIMOTE 4:17

Bu Suuna mbay egen tok njunun ni namu, kay an ndak a di boyna maŋ suu ka njaf suu Juifnaɗina, asi humum ki halaŋ, nam suɗun ay fun dlona.

MATIYE 25:16

Sa bege mamma vadlna li sunda u mamma, fi ka u vadl olo.