2 TIMOTE 4:3 - Boy Lonana

³ Kay lina hin mbaa suuna hin mbuɗ hum u haɗta gasira oloɗi, asi hin mbuɗ lini u min masira, asi hin tok suu a haɗasina bolow egesiya, suu asina hin dasi dlara asi min a humuɗta.

2 TIMOTE 4:3 ပူးပေါင်းရင်းမြစ်များ

1 MULINA 18:22

Eli di suu Israelna ana, «An dew ni a sa ma jok vun Lona ma vi Yawena. Suu joɓpa suu vi Baalna ni 450.

1 MULINA 22:18

Mul ma Israelna di Josafat ana, «Aŋ gola, an daŋgi su? Nam ka dan dlara jiviɗi, di ni dla cora na ba ba.»

1 MULINA 22:8

Mul ma Israelna di Josafat ana, «Sa ma ka tani dew ma ay ndak a tuɗ joɓ Yawe ay funumma. Na may an ka minim dlaambaɗi kay nam ka dan dlara jivi kanɗi, di ni dla cora sak sak. Ni Mise, ma goŋ Yimlana.» Josafat di ana, «Ka mulna ɓak ko ndaɗta naɗi.»

KALKIRA 32:33

Yawe di Moiz ana, «Sa ma li cora egenna an bulumum sem ki hu maga manda ni namu.

EZAYI 28:12

Nammi sa ma dasi ana, «Gola ni koɗ tara ɗaŋ, hin sa ma ki loɓina koɗ tamu, musukka cuk ga wa.» Na may asi ka min a humbi.

EZAYI 30:10

Asi di suu wi dlara ha fokka ana, «Wakiraɗi.» Maŋ suu jok vun Lona ana, «Agi jokomi dlara ɗegeeraɗi, dami ni dlara irimi jivira, dami ni dlara mbaɗ ii suuna.

JEREMI 18:18

Asi di ana, «Tuɗuygi halaygi dlara eg Jeremi. Aygi hin faygi boy ma jivina fun muli suu li ɓivunna, faygi gaɗta fun suu wi yal dlara, faygi boyna fun suu jok vun Lona. Tuɗuygi ɓeŋeygina ki u boy ma cona, tiniygi yaygi kay boy mammaɗi.»

JEREMI 27:9

Agi may ni humugi vun suu jok vun Lo magisinaɗi, suu magi suu dandaɗi lay, suu magi suu joɓpaɗi lay, suu magi suu tin gariraɗi lay, suu magi suu li kumuna suu dagi ana agi hin ka hom yagi kaŋga fok mul ma Babilonnaɗina.

JEREMI 29:8

Gasi Yawe, ma Saɓakŋa Kom Belna, Lona vi suu Israelna, ɓak anaba, hinigi dlaagira mbuɗ bisna u suu jok vun Lona suu dukuginaɗi, ɗowba u suu joɓ suu dukuginaɗi. Gologi tagi jivi kay doy mayra dagiraɗi.

JEREMI 5:31

Suu jok vun Lona ɓak ki ni dlara kaboyna. Muli suu li ɓivunna min li ni dlara a fi huruɗta. Suu mansina hurusi heɓ ki wa. Na may agi hin lagi ni me ŋgoo dagan ologe?

MISE 2:11

Na ni hin fi sa ma dol u semeɗna su, a hin kaboyna ana, «Kay veŋ u sum ma yara an hin kaboyna ni kagiya.» Na ɗaŋŋi nam hin li ni a sa ma di boyna maŋ suu asina na.

Boy Ma Ayra Ma LUK Ɓiirimma 20:19

Suu haɗ gaɗta u muli suu li ɓivunna wi ana Yesu tinisi ndal boy namma ni kasiya ni, asi hal a vam hu li namma gaw. Hurusi hin yow ndaana ko suuna.

Boy Ma Ayra Ma LUK Ɓiirimma 6:26

«Hahawra ka kagi agi suu suuna dagi dlaagi jivina, somoyosi li ay jew u suu jok vun Lona ki cona ni na daŋ may.»

Boy Ma Ayra Ma JAŊ Ɓiirimma 8:45

Agi ka min tin hurugi kanɗi ni kay an di ni gasira.

SUNDA 17:21

Suu Atenna halaŋ u suu kaki dukusi a ŋgayrana halaŋŋi, ka di va ma daŋgi, di boy ma hurusi ma asi humum ay fun suuna wilina may.

1 KORINTNA 2:1

Gorsenna hu li ma an mba varagi a dagi gasira ŋgayra vi Lonara, ni an ɓakagi ka u boy ma hum loɓ ana an sa neeya naɗi.

1 KORINTNA 2:4

Haɗta an haɗagi u boy ma an damma halaŋŋi ka u yalna vi sa warnaɗi, ni kay tak dlara vi sanara u saɓakŋa vi Musuk Lonara.

GALATENA 4:16

An mbuɗ cecemi a saagi ma gonokka kay an dagi gasira su?

1 TIMOTE 1:10

Kay suu li zoŋga, suu buu u ndarayasi njufina, u suu gus suuna kina, u suu kaboyna, suu suu tasi kay dossa, suu li dlara daŋga ko ndaɗta nana, ka taɓ u gasira vi haɗtaɗina.

2 TIMOTE 1:13

Li u boy ma gasi ma an daŋana col eŋ hu vira u minda ay taɓi hu Yesu Kristu u ndaɗta.

Magaara JUD Ɓiiriɗta 1:18

Ana, «Buu ma daganna wanni suuna hin mba ŋgulugiya, asi hin lini dla cora u min masira.»