2 TIMOTE 4:18 - Boy Lonana

¹⁸ Bu Suuna suɗun ki ko cora halaŋ an kal hu mul mamba kolora u tanda jivira. Ŋgolla ni mamba a fafatɗa, Amin.

2 TIMOTE 4:18 ပူးပေါင်းရင်းမြစ်များ

SOOLLA 121:7

Yawe hin goloŋ ko dla cora halaŋ, nam hin goloŋ iiri maŋga.

2 TESALONIKŊA 3:3

Na may Bu Suuna ɗegee, njun ugiya, ɦagi saɓakŋa, gologi ko Sa ma Cona.

MATIYE 6:13

Hinimi hu ndembaɗi. Suɗumi ki ko Ma Cona suɗu. [Kay mulla lay maŋga, garaŋga lay maŋga, ŋgolla lay maŋga. Amin.]

1 PIYER 1:5

Ko saɓakŋa vi Lona gologi hu vira na gak gak a juɓ buu ma suɗta ma hin mbana, li namma hinni na tok ni buu ma daɓ daganna.

1 TESALONIKŊA 5:23

Ko Lona malaŋ heɓpa mbuɗugi ki jivi teteɗ, u tagira suu warna, u ŋgus magira u iiri magira lay u mbalatagi may. Tle asina halaŋŋi gologisina, ŋgul li egesiɗi, a juɓ mbara vi Bu Suuna mayna Yesu Kristu.

SOOLLA 73:24

aŋ ka tinin hu lina u wiiŋga. An tew wa ni aŋ hin van hu bibiŋilla may.

HEBRENA 13:21

Ko Lona ma heɓpa ɦagi saɓakŋa a li u tlesuu jivina halaŋ kay agi lam min mamba, ta nam laygira huruygi u Yesu Kristu ni dlara irim jivira. Ŋgolla maŋ Yesu Kristu a fafatɗa. Amin.

2 TIMOTE 1:12

Kay ndaɗta an vi wihawra kanu, an li zolo kay boy nammaɗi kay an wi sa ma an tin hurun kamma, an wi ki gasi ana nam ndaki a golon gak gak buu ma nam ŋgaamma, kay va ma nam ɦanna konna.

2 KORINTNA 1:10

Nammi sa ma suɗumi ay ki fun miɗna ko dlara, ni hin suɗumi kini nam olo, ni ami hin juɓmi komu nam hin suɗi olo.

ROMMA 11:36

Tlena halaŋ mbay ni kom u tlesuu kana halaŋŋi kom namu asi ni mam lay. Geleɗta maŋ Lona a fafatɗa. Amin.

SOOLLA 92:10

Yawe, gol suu babali maŋsina, gola babali maŋsina hin ba kiyo, suu li dla cora halaŋ hin njay kiyo.

SOOLLA 37:28

Kay Yawe minni suu boyosi ɗegeena, nam ka hin suu mam suu ɗegeena kiɗi. Nam ka golosi tew tew, may suu li dla cora njafasi bulum kiyo.

MATIYE 13:43

Suu hum vun Lonna hin weleɗ ko faɗta na hu Mulla vi Busira. Agi li huma ni, humugi ki jiviya.»

1 DLAŊ MULINARA 4:10

Yabes yi Lo ma vi suu Israelna di ana, «Lini gasi aŋ paɗ vunuŋ ki kanu ni aŋ hin mbuɗun ndaŋga manda ŋgolla, koŋ hin li kanu, aŋ hin dikin dla cora ha ki egenu, ka an kal hu wihawraɗi. Lona hin li dlara nam joɓom kaɗta kiyo.»

Boy Ma Ayra Ma JAŊ Ɓiirimma 17:15

An cecemmi ka ceneŋ ana aŋ yowosi ki hu duliyara naɗi, ni ana aŋ golosi ko Sa ma Cona.

Boy Ma Ayra Ma LUK Ɓiirimma 12:32

«Lagi ndaaɗi, yoori suu ewna. Bugi hurum min a ɦagi mulla ni nam daŋ may.

1 TIMOTE 6:16

Nam dew ni ma ka miɗɗina, nam kaki hu kiɗik mayra sa ka tuɗ ha huɗira, sa waɗ kaɗi lay, sa ndak a waɗɗi lay, geleɗta u saɓak ma ka daɓ kiɗina ni mam a fafatɗa. Amin.

1 KORINTNA 10:13

Ndemba agi waɗ halaŋ wanda li ay ni eg suuna gasi, Lona ka hin va ma nam damma ki ɦawaɗi, nam ka hinigi ndemba mba su kay saɓakagiɗi, hu li ma ndemba mba kakina wanni nam hin ɦagi saɓakŋa agi mba su kaɗu. U dlara agi hin mba puruɗ tagi ki koɗta lay.

URA TIN AYRA 48:16

Sa sunda huulona ma suɗun ay ki hu dla cora belna paɗ vunum ki kay gor asina. Yasi ni u senu, u sem somoyonu, Abraham u Isaak. Asi zul ka coco kay ndaŋga masira.»

1 PIYER 5:11

Saɓakŋa ni mamma lay gak gak. Amin.

1 TIMOTE 1:17

Mul ŋgol ma didinna ma miɗɗina, ma sa ka wam u irimbina ni Lona dew, geleɗta u ŋgolla ni mamba a fafatɗa Amin.

MATIYE 25:34

Hu li namma mulna mba di suu kay bikim ma njufna ana, Mbaagi ay tani, agi suu Bun minigina, paɗ vunum ay ki kagina. Kalagi hu Mulla Bun minigira ay fok jew duliyara bay tin tuwa.

Magaara JUD Ɓiiriɗta 1:1

Ni an Jud, sa ma sun Yesu Kristuna, ma wayaŋ Jakŋa, An ɓiirigi magaara ha ni magi agi suu Lona yagina, minigi may, nam cukugi kini maŋ Yesu Kristu.

GALATENA 1:5

Geleɗta maŋ Lona a fafatɗa. Amin.

ROMMA 16:27

Nera ni maŋ Lona ma bibiŋilna dew u Yesu Kristu a fafatɗa. Amin.

Boy Ma Ayra Ma LUK Ɓiirimma 22:29

Ko Bun min Mul mamba kanu, an may ni minigira kagi na may.

Boy Ma Ayra Ma LUK Ɓiirimma 11:4

Daɓami coomira ko ami daɓ cora vi suu lami cora egemina na may. Hinimi hu ndembaɗi.»

1 SAMUEL 25:39

David hum ana Nabal miɗ ki wa ni, nam di ana, «Ko Yawe ma njun kan hu li ma Nabal min a duu u anna sem fi ŋgara, ma doo saam ma sunda ki kay dla corana. Kay dla cora vi Naballa, Yawe hoŋomba kay yamu.» David sun a joɓ Abigal a ɗumba.

Magaara JAK Ɓiiriɗta 2:5

Humugi gige, gorsenna, suu an minigina. Lona man suu haw suu hu duliyara kay mbuɗusi suu ɦizina hu vira. Asi hin fi mul mamba nam ŋgaaɗ maŋ suu minimma hu jona.

1 SAMUEL 17:37

David di ana, «Yawe ma ɓaɗan ay ki ko cifiɗ dlona u ŋguunana, ni sa ma hin ɓaɗan ay ki ko sa ma Filistin nammana.» Sol di David ana, «Tuɗa, ko Yawe li u aŋu.»

VUN ŊGOLNA 14:32

Cora vi sa ma dlam cona vam ga ni ndaɗ tok. Hu buu ma miɗna lay, Sa ma ɗegeena, ɗegee mamba suɗumu.

1 KORINTNA 1:21

Suu hu duliyara na ndak ka a wi Lona u neesira ana ni Lona gasiraɗi, kay ndaɗta Lona min suɗ suu tin hurusi kamma ki u boy ma puluɗi ma aygi damma.

1 KORINTNA 15:50

Gola gorsenna an min dagiya, va ma lam u tliwna u busuna ka ndak fi Mul Lonaraɗi, va ma ki miɗina ka ndak fi miɗɗira ɗi.

2 TIMOTE 4:1

An suuruŋŋi fok Lona, fok Yesu Kristu ma kaɓakŋa kay suu iirina u suu miɗina hu mbaamba nam hin mbay hu mul mambara.

HEBRENA 11:16

A gasira ni asi hal ni mbassa jivi sura, ni di ana ta kolo huulonara. Ni kay ndaɗta Lona ka li zolo kay a di ana nammi Loosinaɗi, nam minisi zina haa.

HEBRENA 12:22

Agi mba kini eg ɦinira Siyonda, zi ma vi Lona ma iirina, hu Yerusalem ma kolona u suu mam suu sunda huulona bup bup.

2 PIYER 1:11

Ni agi hin a fi voɗta a cuk hu mul mayra ka daɓ kiɗira vi Bu Suuna, Sa Suɗta Yesu Kristu.

2 PIYER 3:18

Wulugi koloo, tuɗ fok u oora u wira vi Bu Suuna mayna, Sa Suɗta Yesu Kristu. Cecemi ŋgolla ni mamba lay ha fok din din. Amin.