2 TIMOTE 3:2 - Boy Lonana

² Suuna hin mbuɗ ki ni kurufuku, li banara ni u gursura, tli yam tasi koloo, ŋga tasiya, asi, hin duu u Lona, ka hum u somoyosiɗi, asi ka gi deɓ kay tlenaɗi, ka li zolo kay tlesuu teteɗnaɗi lay.

2 TIMOTE 3:2 ပူးပေါင်းရင်းမြစ်များ

SOOLLA 10:3

Sa ma cona ka ŋga tam kay godlom mamba, sa ma yow tlena vi suuna hin Yawe kiyo, ŋgulum lay.

SOOLLA 49:6

An hin li ndaana ko buu ma cona ni kay mege, lini suu babali mansina ŋgufun yan ki na cutl lay?

SOOLLA 52:1

Soolla vi sa ma fok suu gi soollana, soolla haɗta vi David.

VUN ŊGOLNA 6:17

Gol ii mayra ŋga tara u sinda kaboyna. Ko ma vo busu sa ma ɓalak va kaɗina kina.

EZAYI 10:15

Bu Suuna di ana, «Njetna ndak ŋga tam kay sa ma ka guuna u namma su? Siina ndak a ŋgaɗam kay sa ma ka wak guna u namma su? Ko ndal tokolora zuɗ sa ma ndaɗ ka wi komma ha a waɗta ni ndaɗ su? Njewɗekka ka zuɗ sa ma waɗ u ndaɗnaɗi lay.»

DANYEL 11:36

«Mulna hin li ni dlara u hurumba, hin ŋga tam coco lay, hin gol tam ŋgol suu loogi suu ɦawana lay, su Lo ma vi loogi suu ɦawana na lay, nam hin di boy ma ɦal saara maŋ suunana. Dlaamba hin li kom jivira ta ta hu buu ma yara hin daɓ kina, kay ana va ma Lona ŋgaamma hin li kiyo.

DANYEL 7:25

Nam hin ɓak boyna kay Lo ma Kolo Dayna, hin las suu teteɗna vi Lo ma Kolo Dayna, nam hin saa a mbuɗ buu tilna u gaɗta kiyo, hin hinim suu sunda kom ii coki dew, coki mba, ɓorow cokira duk lay.

MATIYE 15:6

Ni agi doo ki ni ana sa tli yam bum u sum koloɗi ni naɗi su? Agi mbuɗ boy ma vi Lonna ki lalas, u dlaagira agi haɗ suuna u ndaɗta.

Boy Ma Ayra Ma LUK Ɓiirimma 12:15

Nam hin di suuna halaŋ ana, «Gologi tagi jivi kay godlom begera. Lini sana bege coco lay ka kak iirira ni kay ndaɗtaɗi.»

Boy Ma Ayra Ma LUK Ɓiirimma 16:14

Suu Farisenna hum boy namma ki halaŋ ɗaŋi, gijaŋ pan Yesu kay asi min gursura.

Boy Ma Ayra Ma LUK Ɓiirimma 6:35

Minigi suu babali magisina, lasi jiviya, ɦasi tlena, tin hurugi ana asi hin hoŋogisina ay ni saɓagera naɗi lay. Agi hin fi warakka ŋgolla, hin mbuɗugi ki goryoŋ Lo ma kolona. Nam li jivira maŋ suu hurusi cona u suu hurusi jivina lay.

SUNDA 5:36

Sana dew sem ana Tewdas dlaamba li ay ka ni dayɗi tuwa, nam tii sem tam ana nammi sa ŋgolna, suu vi u dlaambana kis kis fiɗi. Suuna hin cam ki ni ciya, suu vi umma halaŋ mbee kiyo, dlaam ndaɗta bulum ki ni na gaw may.

ROMMA 11:18

Ni aŋ ka ndak a ŋgul ko ma ki kaaynaɗi, aŋ hin ŋga taŋ ni nanage? Aŋ ka zii sarina ni aŋgi, sarina ziiriŋŋi nam ɗow.

2 KORINTNA 5:15

Nam miɗ kay suuna halaŋ kay suu ka iirina mba kak iiri kay tasi oloɗi, kakŋi kay sa ma miɗna, hin paɗ ki kolo iiri kasina.

FILIPINA 2:21

Suuna halaŋŋi hal ni dlaasira u min masira kay tasira, ka kayra vi Yesu Kristuraɗi.

KOLOSNA 3:5

Cagi dla mayra cora egegi hu duliyara wanda ki halaŋ, boy zoŋga, dlara ka teteɗɗira, bay ɗegeera, saara cora, huu ma ŋgiziɗ tlena, (ŋgiziɗta ŋgiziɗ tlena ni ko goɓ fulinara na).

2 TESALONIKŊA 2:4

Nam hin duu u tlesuu suuna goɓ kaŋga fokosina u tlesuu suuna golosi ko lona nana halaŋ, nam kal hu Ziŋ Lonara, mbuɗ tam ki a Lona lay.

1 TIMOTE 1:20

Duk suu asina ni Hemenee u Aleksandre, an ɦasi ki maŋ Satanna kay asi mba gaɗ tasi a ŋgul Lona oloɗi.

1 TIMOTE 1:9

Aygi wi ana gaɗta li ni ka kay suu ɗegeenaɗi, ni kay suu li cora, u suu hoŋ duu u ndaɗna, kay suu hurusi cona, u suu sulukŋa, kay suu ka hoŋ yasi kaŋga fok Lonaɗina lay, suu ka wi tlesuu vi Lonaɗi layna. Kay suu ci busi u susi kina, ci suu daŋŋa layna.

1 TIMOTE 3:3

Nam lini sa ma ɦal tam ki maŋ summaɗina, sa ma honiraɗi lay, lini sa ma ɗili lalamma, ɦal tam ki u minda vi gursuraɗi.

1 TIMOTE 6:10

Minda vi gursura ni sari dlara vi njaf cora halaŋ, suu ɦiw ni ŋgiziɗ hurusi na, asi viɗ tasi ki day eg vira, asi oy hurusi u yoora ŋgolo.

1 TIMOTE 6:4

Nam ŋga tammi ŋgaay ɦawaa ka wi vaɗi, ciwayra ki egemmi ko tuguɗira na, li honira kay boyna ɦawaa, hu li ma namma mbay ni honira, hoo vunna, u ŋgulla, saara cora.

2 TIMOTE 3:4

Asi hin a suu di kolokŋa, ka hum vun saɗi, ŋga tasiya, asi min a li dlara u min masira su Lona.

Magaara JAK Ɓiiriɗta 2:8

Lini agi lagi u va ma gaɗta dam kay mulla huulonara u voɗom ko ɓiira dira na ni jiviya, «Min ndaraŋŋa ko taŋga na.»

Magaara JAK Ɓiiriɗta 4:16

Cecemi agi ŋga tagi ni ŋgaaya tlagi yagi kolo lay, ŋga ta mayra ko ndaɗta nara ni coo.

Magaara JAK Ɓiiriɗta 4:6

Ni kay ndaɗta Lona ɦaygi jivira ŋgolla su hu olo, magara di ana suu ŋga tasina Lona minisiɗi, suu lalamma nam ɦasi oo mamba may.

1 PIYER 5:5

Na may agi gorzoŋina humugi u suu ŋgolona, agi halaŋ cukugi lalamba kagiya kay a njun u tagiya tagiya. Kay ɓiira di ana, «Lona hurum ɓeŋ eg suu ŋga tasina, nam ɦal oo mamba maŋ suu hoŋ yasi gaana.»

2 PIYER 2:10

Suu li dlara njenjera u minda vi mbalatasina ŋgul ŋgolla vi Lonara ni nam hin cukusi daŋgayna. Suu haɗ haɗta cora an dagi kasina, ni suu ŋga tasina, suu li tlena zak, bay saara, asi ka ɦal ŋgara maŋ suu ŋgolo suu huulonaɗi, ŋgulusi ŋguliya.

2 PIYER 2:12

Na may saa masira ni ko mburi suu cona na, asi vuɗ ni kay suuna hin vasiya, casi kiyo, asi ŋgul dlara asi ka waɗɗira. Hu dlaasira cora asi hin ba kini ko mburina na may.

2 PIYER 2:18

Asi ɓakŋi dlara ŋga tasira u boy ma bay umma, asi li sunda u min masira hu tliwna a ganyam suu hal a suɗ tasi ki duk suu hu dla corana.

2 PIYER 2:3

Saa masira ni kay a fi gursura, suu haɗ haɗta co asina hin taɗagi usi u dlara ka gasiɗira. Sa ma kaɓakŋa kasina kaki day day ka buu senɗi, ɓeŋ masira ka juɓ ta taɗi lay.

Magaara JUD Ɓiiriɗta 1:16

Suu asina tew tewni ka tii tasiya furi masira kaɗi, asi lini dlara u min masira, halni ŋga tara mbaɗ ii suuna kay a fi tlena kosiya.

WIRA ŊGAYRA 13:1

Ŋgoo dagani an wi vabak maa dew kal ay ki duk mbo lumma ŋgolna, yam kiɗisiya, mekem doogo, jumba mulla tini kay mekem dew dew halaŋ, sem ma ŋgul Lona ɓiiri kay yamba kiɗisiyara.

WIRA ŊGAYRA 16:11

Asi ŋgul Lona ma kolona ko ti tara ka lasira u mbil ma ka egesina, na lay ni asi ko jok hurusi kay dlaasira coraɗi.

WIRA ŊGAYRA 16:21

Dlaŋmagi ma ŋgolona yak ay ki kaŋga kay suuna nekem ŋga kelewna dok fiɗi. Suuna ŋgul Lona ko dla cora dlaŋmagina lasira egesira, kay ni dla cora su ki saɓakira.

WIRA ŊGAYRA 16:9

Suuna zamal fatɗa ŋgalasi lay ni asi ŋgul sem Lona ni ŋguli na ɗow ɗow ka hom kay coosiraɗi, ka min a ɦal ŋgolla maŋ Lona ma saɓakŋa kom suy kay dla ndaɗtanaɗi lay.